Boech Rogon Nrayog ningan Mo’nognag e Machib u Tabinaew nge Galasia

Chep nib thothup e bogi thin ku Got, e re mufith ngak ni nge ayuwegem ni ngayog ni ngamu nangfan.

Gubin banaan mabe michegnag morna’agen Kristus (muguy ko 2 Nephi 11:4; Moses 6:63), ere mu yoloy e pi verse ni be micheg nag morng’agen fare Tathapeg, pin’en ni begel nag et’ufeg rom ngak, nge rogon ni ngamu laek. Bochingyal’ ma morna’agen fare Tathapeg nge gospel rok e bay nirib magagiyel rogon, ma bochingyal’ e yima weliy mornag’agen ko boch e wo’en fa boch eyat. Mu di’eriyem, “Mang e pin’en nib riyul’ ni yibe machibnag u lan e pi guruy ney? Pin’ey nib riyul’ e mang e yadbe machibnag nggog ni mornga’agen fare Tathapeg?

Motoyil ko pi thamtham nge leam ni beyib ngom, ndemuturug rogon ni faanra dariy rogon ko pin’en ni gabe be’eg mornga’agen. Pi thamtham ney e bayni bogi banan nibadaag e Chitamangim nu Tharmiy ni ngam fil.

Bay bo’or e rogon ningad yoloey e thamey rom nira yib ngom napan ni ngam fil. Bayni, garaguy boech e thin ulan e chep nib thothup ni gara adaag; rayog ni ngamu mark nag mag yoleoy e lem ni ra yib ngom riy ngalan chep nib thothup rom. Ma krayog ningamu ayuweg rebe babyor nifane tin ni gabe thamiy, guy, fa yib ko tafney rom.

Non marunga’agen e pi yi’iy ulan e babyor rom ir be fel’ rogon ni ngam fil ngak reb e bee’, ma krayog ni nge gelnag e nangfan rom ko a pi’nen ni kam bi’eg. Tin nikam fil e rayog ni ngamu weliy ngak e tabinaew rom fa ngak e pitafagar rom (ngak be’ fa online), ma kaga piningrad ni ngar uned ko biney.

Lemnag urogon e pi yat nge machib ni ngam bi’eg nima ayuweg e yafos rom. Woed ni, mu fith ngom, “Mang boch e banen ni ke buch ngog e be ta’ab rogon ko e tin kug bi’eg?”

Napon ni gabe fil fapi chep nib thothup, ma boch e duwer era yib ko tafney. Sana e duwer ney ir boed rogon ko pi n’en ni ngam bi’eg fa yafos rom. Lemnag marunga’agen e pi duwer ney, nge sap ko pi fulweg napan ni ngam yul’yul’ e fil ko pi chep nib thothup.

Ra ngam thapeg reb e fil marunga’agen fapi guruy ni ngam bi’eg, mu fanay fapi footnote, fare Topical Guide, fare Bible Dictionary, fare Guide to the Scriptures.

Rayog ni ngam pir’eg marunga’agen e chep nib thothup fa’an ni ngam lemnag e pi n’en, pi n’en nike buch ulan e chep nib thothup nge gin nike yibriy. Woed e, fa’an gara nang ko mini’ e benon Got ngak e rayog ni nge ayuwegem ni ngam nang e fan rarogon e pi thin rok.

Bi’eg e pi’nen fapi profet nge apostle nu tin tomur e rran ni kefil marunga’agen fapi yalen ni ngam piryeg ulan e chep nib thothup.

Chep nib thothup e gathi kemus ni nge pi’ e athamgil ngodad ya kuma powi’iydad ni nge thil rogon e par ko yafos rodad. Motoyil ko pin’en nibe thogthognag fare Kan Thothup ko ngiyal’ ni gabe be’eg, nge mu’ mag rin’ niwod rogon nike thogthog nag ngom.

Bay e tangin e hymn nge tang ko bitir u lan e Moey, Ngam Lakeg Muneg e musik nib thothup ni nge pining fare Kan Thothup nge gelnag e mich rom ko gospel nib riyul’.

Mel’eg e pi chep nib thothup ni gaba’adag, fa klass rom, mag memorize nag ni gubin e rran fa yog ulan e gosgos ko puguran.

Piryeg fapi object nibay rogon ko pi chapter nge pi guruy ni gabe be’eg mornag’agen. Mu tafneynag rogon e pin’ey nibay rogon ko fapi machib ni bay ulan e chep nib thothup.

Bi’eg in e pi chep ney nib thothup, mag yoloey rogon nib peth rogon kon’en nikam be’eg. Fa krayog ni ngamu sapnag reb e sessing nibay u lan e Gospel Art Book fa bang u lan e Gospel Library. Ma krayog ni ngamu fek yaan banaan nibedag rogon e n’en nikam be’eg mornga’agen.

Tomur ni kam bi’eg e yat, pinning gathon e tabinaw rom fa klass ni ngar yaen e ya’an ko biney. Ma tomuren, weliyed marunga’agen e reyat ney ni ir boed rogon ko e pi’nen ni ngam thapeged ko gur nge ko tabinaw rom.

Faanra bay be’ ko tabinaew rom ni dabun ninge un ko ngiyal’ i fil e chep nib thothup u lan e tabinaew, ma rayog ni ngamu thilyeg rogon ni ngam rin’ ni ngeyog ni ngar uned ngay. Wod ni, sana rayog ni ngamu weliy mornga’agen bogi banaan nib machalbog fa muweliy reb e chep nib thothup machane gathi rib tamichib rogon fa bagel lingan? Rareb e tabinaew mab thilthil rarogon ni yad ma fil e chep nib thothup. Boche bitir e bayni yadabaadag ni go’yad rorad ni ngar filed fapi chep nib thothup. Mebil nag mag rin’ ni wod rogon ni bayi thogthog nag e Kan Thothup ngom.