گھر اور کلِیسیا میں سیکھنے کے عمل کو بہتر بنانے کے لیے تجاویز

صحائف خُدا کا کلام ہیں، اِس لیے اِن کو سمجھنے کے لیے اُس سے مدد طلب کریں۔

تمام چِیزیں مسِیح کی گواہی دیتی ہیں (دیکھیں 2 نیفی 11:‏4؛ موسیٰ 6:‏63)، لہٰذا اُن آیات کو لِکھنے یا نِشان لگانے پر غَور کریں جو نجات دہندہ کی گواہی دیتی ہیں، اُس کے لیے اپنی محبّت کو مضبُوط کریں، اور اُس کی پیروی کرنے کا طریقہ سِکھائیں۔ بعض اوقات نجات دہندہ اور اُس کی اِنجِیل کی سچّائیاں براہِ راست بیان کی جاتی ہیں، اور بعض اوقات اِن کو کسی مثال یا کہانی کے ذریعے سے بیان کیا جاتا ہے۔ اپنے آپ سے پُوچھیں کہ، ”اِن آیات میں کون سی اَبَدی سچّائیاں سِکھائی گئی ہیں؟ یہ چِیزیں مُجھے نجات دہندہ کے بارے میں کیا تعلیم دیتی ہیں؟“

اپنے خیالات اور احساسات پر دھیان لگائیں، چاہے وہ پڑھے جانے والے مواد سے غِیر متعلقہ ہی کیوں نہ ہوں۔ یہ تاثرات وہ ہو سکتے ہیں جو آپ کا آسمانی باپ چاہتا ہے کہ آپ سیکھیں۔

مُطالعہ کے دوران آنے والے تاثرات کو قلم بند کرنے کے کئی طریقے ہیں۔ مثال کے طور پر، آپ دیکھ سکتے ہیں کہ صحائف میں کُچھ الفاظ اور جُملے آپ کو مُتاثر کرتے ہیں؛ آپ اُن کو نشان لگا سکتے ہیں اور اپنے خیالات کو اپنے صحائف میں بطور یادداشت درج کر سکتے ہیں۔ آپ حاصل ہونے والی بصیرت، احساسات اور تاثرات کا روزنامچہ بھی بنا سکتے ہیں۔

اپنے ذاتی مُطالعہ سے نازِل ہونے والے اِدراک پر تبادلہ خیال کرنا نہ صرف دُوسروں کو تدریس دینے کا ایک اچھا طریقہ ہے، بلکہ اِس سے پڑھے جانے والے مواد سے مُتعلق آپ کے فہم کو بھی تقویت ملتی ہے۔ آپ جو کُچھ سیکھ رہے ہیں اُسے خاندان کے اَراکین اور دوستوں کے ساتھ بیان کریں (ذاتی طور پر یا ڈیجیٹل طور پر) اور اُنھیں ایسا کرنے کی دعوت دیں۔

غور کریں کہ آپ جو کہانیاں اور تعلیمات پڑھ رہے ہیں وہ آپ کی زِندگی پر کِس طرح لاگو ہوتی ہیں۔ مثال کے طور پر، آپ خُود سے پُوچھ سکتے ہیں کہ، ”جو کُچھ مَیں پڑھ رہا ہُوں اُس سے مِلتے جُلتے کون سے تجربات مُجھے حاصل ہیں؟“

صحائف کا مُطالعہ کرتے وقت، ذہن میں سوالات آ سکتے ہیں۔ یہ سوالات اُس مواد کے مُتعلق ہو سکتے ہیں جو آپ پڑھ رہے ہیں یا آپ کی روزمرہ زِندگی کے مُتعلق ہو سکتے ہیں۔ اِن سوالات پر غور کریں اور صحائف کا مُطالعہ جاری رکھتے ہُوئے جوابات تلاش کریں۔

پڑھی جانے والی آیات کے بارے میں مزید اِدراک پانے کے لیے، زیریں حاشیہ، راہ نُمائے موضُوعات، لُغتِ بائِبل، راہ نُمائے صحائف اور دیگر مُطالعاتی معاونتوں کو اِستعمال کریں۔

جب آپ اِس کے سیاق و سباق پر غور کرتے ہیں تو آپ صحیفے کے حوالے کے بارے میں معنی خیز بصیرت حاصل کر سکتے ہیں، بشمُول حالات یا ماحول جہاں سے یہ آتے ہیں۔ مثال کے طور پر، اُن لوگوں کے اعتقادات اور پسِ منظر کو جاننا جن سے خُدا ہم کلام ہے، آپ کو اُس کے کلام کے اِرادے کا فہم پانے میں مدد دے سکتا ہے۔

صحائف میں پائی جانے والی سَچّائیوں کے بارے میں آخِری ایّام کے نبِیوں اور رَسُولوں کی تعلیم کو پڑھیں۔

مُطالعہِ صحائف سے نہ صرف ہم الہام پاتے ہیں بلکہ اِس کی بدولت ہماری طرزِ زندگی کی تبدیلی کی طرف راہ نمائی ہونی چاہیے۔ مُطالعہ کرتے ہُوئے رُوح کی سرگوشیوں پر دھیان دیں کہ وہ آپ کو کیا کرنے کی ترغیب بخشتا ہے، اور پھر اُن ترغیباب پر عمل کریں۔

آ، میرے پیچھے ہو لے میں تجویز کردہ گیت اور بچّوں کے گانے ملتے ہیں۔ رُوح کو مدعُو کرنے اور اپنے ایمان کو مضبُوط کرنے اور اِنجِیل کی سچّائیوں کی گواہی کے لیے مُقدّس موسیقی کا استعمال کریں۔

صحیفہ کی ایک عبارت کا انتخاب کریں جو آپ کے لیے، آپ کے خاندان کے لیے یا آپ کی کلاس کے لیے معنی خیز ہو، اور اِسے روزانہ دہرا کر یا یاد کرنے کے کھیل سے اِسے یاد کریں۔

ایسی چِیزیں ڈھونڈیں جو اُن ابواب اور آیات سے مُتعلق ہوں جو آپ پڑھ رہے ہیں۔ غور کریں کہ ہر چیز کا صحائف کی تعلیمات سے کیا تعلق ہے۔

چند آیات پڑھیں، اور پھر کِسی ایسی چیز کا خاکہ بنائیں جو آپ کی پڑھی ہُوئی چیزوں سے مُتعلق ہو۔ یا آپ اِنجِیلی فنُون کی کِتاب یا اِنجِیلی لائبریری میں کہیں اور تصویر تلاش کر سکتے ہیں۔ آپ اِیسی تصویر بھی لے سکتے ہیں جو آپ کی سیکھی ہُوئی چیزوں کی وضاحت کرتی ہے۔

کہانی پڑھنے کے بعد، خاندان یا کلاس کے اَراکین کو اِس پر اداکاری کرنے کے لیے مدعُو کریں۔ اِس کے بعد، اِس بارے میں بات کریں کہ کہانی کا اُن چِیزوں سے کیا تعلُق ہے جن کا آپ تجربہ کر رہے ہیں۔

اگر آپ کے خاندان کے اِیسے اَرکان ہیں جو خاندانی صحائف کے مُطالعہ میں حِصّہ لینے کے لیے تیار نہیں ہیں، تو اُن سے رابطہ قائم کرنے کے دُوسرے طریقے تلاش کریں۔ مثال کے طور پر، کیا آپ اپنی گُفت گُو میں فطری طور پر اَبَدی سچّائی کا پرچار کر سکتے ہیں یا بامعنی صحائف کو اِس طریقے سے شیئر کر سکتے ہیں جو تلقینی یا زَبردستی نہ لگے؟ صحائف کا مُطالعہ ہر خاندان میں ایک جیسی نہیں ہوتی۔ ہو سکتا ہے کہ کُچھ بچّے رُوبرو بیٹھ کر کِتاب مُقدّس کے مُطالعے پر بہتر ردِعمل کا مُظاہرہ کریں۔ دُعا گو بنیں اور رُوح کی ترغیبات کی پیروی کریں۔