Ļōmņak ko n̄an Kōkōm̧anm̧anļo̧k Katak ilo M̧weeo im ilo Kabun̄ in

Jeje ko rekwojarjar rej naan in Anij, kōn menin kajjitōk Ippān n̄an jipan̄ meļeļe kaki.

Aolep men rej kam̧ool kōn Kraist, (lale 2 Nipai 11:4; Moses 6:63) kōn menin ļōmņak in je kakeememej ko ak kakōļļeik eoon ko me rej kam̧ool kōn Rilo̧mo̧o̧r, kam̧wilaļļo̧k iakwe eo am̧ n̄an E, im katakin wāween n̄an ļoor E. Jet iien m̧ool ko kōn Rilo̧mo̧o̧r im gospel eo An rej kajju waļo̧k, im jet iien rej jerbal kōn juon waanjon̄ak ak bwebwenato. Kajjitōkin eok make, “Ta m̧ool ko indeeo rej katakin ilo eoon kein?” Ta eo m̧ool kein rej katakin eō kōn Rilo̧mo̧o̧r eo?”

Leļo̧k am̧ n̄an ļōmņak im en̄jake ko, jekdo̧o̧n eļan̄n̄e rejjab iookwaj ta eo kwoj riiti. Im̧we kein remaron̄ ta eo Jemedwōj Ilan̄ ej kōņaan bwe kwon katak.

Elōn̄ wāween ko n̄an je en̄jake ko me rej itok ilo am̧ ekkatak. N̄an waanjon̄ak, kwomaron̄ lo bwe jejjo naan ko an eoon ko ilo jeje ko rekwojarjar rej im̧we eok; kwomaron̄ kakōļļeik er im ļo̧o̧ke ļōmņak ko am̧ āinwōt juon kakeememej ilo jeje ko rekwojarjar am̧. Kwomaron̄ barāinwōt kōjparok juon jōnōļ in kōļmenļo̧kjeņ, en̄jake ko, im im̧we ko kwoj būki.

Ekōnono kōn kōļmenļo̧kjeņ ko jān ekkatak eo am̧ make ej juon wāween em̧m̧an n̄an katakin ro jet, im ej barāinwōt jipan̄ kōkajoorļo̧k meļeļe eo am̧ kōn ta eo kwar riiti. Kwaļo̧k ta eo kwoj katak ippān ro uwaan baam̧le eo im ro m̧ōttam̧ (ilo kanem armej ak digital), im kajjitōk ippāer n̄an kōm̧m̧ane ejja āinwōt.

Ļōmņak ekōjkan an bwebwenato ko im katak ko kwoj riiti iookwaj mour eo am̧. N̄an waanjon̄ak, kwomaron̄ kajjitōk ippam̧ make, “Ta en̄jake ko ekar wōr ippa me rej eier wōt n̄an ta eo ij riiti?”

Ilo am̧ ekkatak eoon ko, kajjitōk ko remaron̄ itok n̄an ļōmņak eo am̧. Kajjitōk kein remaron̄ iookļo̧k ta eo kwoj riiti ak n̄an mour eo am̧ eļaptata. Kejekļo̧kjeņ kōn kajjitōk kein im pukot uwaak ko ilo am̧ wōnm̧aanļo̧k im ekkatak jeje ko rekwojarjar.

N̄an bōk elōn̄ļo̧k kōļmenļo̧kjeņ ko n̄an eoon ko kwoj riiti, kōjerbal footnote ko, Topical Guide, Bible Dictionary, Unin Tōl eo n̄an Jeje Ko Rekwōjarjar, im kein jipan̄ ekkatak ko jet.

Kwomaron̄ lo ļōmņak ko eļap meļeļeier kōn juon eoon eļan̄n̄e kwoj ļōmņak kōn meļeļe eo an—jekjek ko ak jikin eo an eoon eo. N̄an waanjon̄ak, jeļā bwebwenato eo im tōmak ko an armej ro Anij ekar kōnono n̄an er emaron̄ jipan̄ eok meļeļe jibadbad eo an naan ko An.

Riiti ta eo rikanaan ro im rijilōk ro ilo raan ko āliktata kar kwaļo̧ki kōn pedped in katak ko kwoj loi ilo jeje ko rekwojarjar.

Ekkatak jeje ko rekwojarjar ejjab im̧we wōt kōj bōtaab ej barāinwōt tōl kōj n̄an ukōt wāween ad mour. Ron̄jake ta eo Jetōb ej im̧we eok n̄an kōm̧m̧ane ilo am̧ riit, innām jerbale im̧we kein.

Al ko kar elmakoti im al ko an ajri rej loi ilo aolepān Itok, Ļoor Eō. Kōjerbal al ko n̄an akjoketok Jetōb eo im n̄an kam̧wilaļļo̧k tōmak eo am̧ im naan in kam̧ool eo kōn m̧ool ko an gospel eo.

Kāālet juon eoon in jeje ko rekwojarjar me eļap meļeļe in n̄an kwe, baam̧le eo am̧, ak kūlaaj eo am̧, im kakilōklōke kōn āliji raan otemjej ak kōn ikkure juon ikkure in kakilōklōk.

Pukōt kein katak ko me rej iookļo̧k jebta ko im eoon ko me kwoj riiti. Ļōmņak kōn ekōjkan an kajjojo kein katak ko iookļo̧k katak ko ilo jeje ko rekwojarjar.

Riiti jejjo eoon ko, innām jin̄aik juon men me ej iookļo̧k n̄an ta eo kwoj riiti. Ak kwomaron̄ lale juon pija ilo Bok in Gospel Pija ak bar jet jikin ilo Gospel Library. Kwomaron̄ barāinwōt bōk juon pija me ej kōmeļeļeik ta eo kwar katak.

Ālkin riiti juon bwebwenato, kajjitōk ippān ro uwaan baam̧le eo ak kūlaaj eo n̄an kōm̧m̧an kilen. Ālkin wōt, kōnono kōn ekōjkan an bwebwenato eo iookļo̧k men ko me kwoj en̄jaki.

Eļan̄n̄e ewōr ro uwaan baam̧le eo am̧ rejjab kōņaan bōk kuņaan ilo ekkatak jeje ko rekwojarjar an baam̧le, kappukōt wāween ko jet n̄an koba ippāer. N̄an waanjon̄ak, kwomaron̄ kwaļo̧k m̧ool eo indeeo ilo bwebwenato ko ami ak kwaļo̧k juon eoon eļap meļeļe in ilo juon wāween me ejjab āinwōt ej kwaļo̧k kapilōk ak etōr jān jon̄an? Ekkatak jeje ko rekwojarjar ejjab aikuj jon̄an wōt juon ilo kajjojo baam̧le. Jet ajri remaron̄ kar uwaak em̧m̧anļo̧k n̄an ekkatak eoon ko juon ilo̧k juon. Lukkuun jar im ļoor unoojdikdik ko an Jetōb.