Mwe Nuhnak in Ahkwoye Lutlut in Lohm ac ke Alu

Ma suhmuhslah el kahs luhn God, na siyuck Sel ke kahsruh in kahlwem kac.

Ma nuhkwewa fahkwack ke Kraist (liye 2 Nephi 11:4; Moses 6:63), oruh motko in esamyac kuh mahkiyac fuhs ma fahkwack ke Mwet Lahngo, ahkloalye luhngse lom nuh Sel, ac luti in fahsr Tohkohl fuhkah. . Kuhtuh pacl uh sramsram ke Mwet Lahngo ac wosasuc Lal fwack siena, ac kuhtuh pacl uh eltahl luhmweyuck ke mwe srihkasrak se kuh sramsram soko. Sifacna siyuck sum, “Meac ma pwacye ma pahtpaht lutiyuck lun fuhs inge? Meac ma pwacye inge lutiyuc ke Mwet Lahngo?

Lihksreni lohacng nuh ke nuhnak ac puhla lom an, finne eltahl tiacna kuhpahsr nuh ke ma kom riti an. Ma kom puhla inge sahp pa Pahpah Inkuhsrao El ke kom in lotwelah.

Oasr inkacnek puhs in suhmuhslah nuhnak ma tuhkuh nuh sum ke kom lutlut uh. Kuhtuh pa, kom kuh in konwacack lah oasr na kahs kuh pohloh kahs lun ma suhmuhslah kom luhngse; kom kuh in mahkiyah ac suhmuhslah ma kom nuhnkuh in mwe kahsruh ke ma suhmuhslah nuhtum an. Kom kuh pac in oraclah sie mwe sihm ke etwacack, ma puhlakihnyuck, ac nuhnak ma kom eis.

Sramsramkihn kahlwem ma tuhkuh ke lutlut lom sifacna pa sie inkacnek wowo in luti mwet sahyac, ac kahsruh ahkkweye etwacack lom ke ma kom riti. Akacsruhi ke ma kom lotwelah yurin mwet in sucu ac kawuck (angetacni kuh tifais), ac suhlaclos in oruh oacpacna.

Motko lah sramsram ac mwe luti ma kom riti ingacn orekma fuhkah in moul lom. In mwe srihkasrk, siyuck sum sifacna, “Puhla fuhkah luhk ma apkuhran nuhke ma nga riti inge?”

Ke kom lutlut ke ma suhmuhslah, kuh in oasr kihsen siyuck tuhkuh nuh ke nuhnak lom an. Kihsen siyuck inge kuh in kuhpahsr nuhke ma kom riti kuh nuh ke moul lom an. Motko kihsen siyuck inge ac suk topukyac ke kom tahfwelah lutlut ke ma suhmuhslah.

In eis kuhtuh pac etwacack ke fuhs ma kom riti, orekmakihn mwe kahsruh an, Kol Nuhke SifacPwacpuhl TiksineriKol nuhke Ma suhmuhslah ChurchofJesusChrist.org ac mwe lutlut sahyac kahsruh.

Kom kuh in sokwack yohk kalmac luhn kahlwem ke sie ma sihmlac ke ma suhmuhslah ke kom motko koano uh, weacng ohiyac kuh luhmah el tuhkuh kac. In mwe srihkasrak, etuh ke ohiyac ac luhlahlfongi luhn mwet ma God el sramsram nuh se kuh in kahsrwekom in kahlwem ke srihpac luhn kahs Lal.

Riti ma mwet pahluh ac mwet sap ke lwen-sahflah tuh luti ke ip yohk ma kom sokwack ke ma suhmuhslah.

Lutlut ke ma suhmuhslah tiac mokle kuht muhkwena tuhsruhk kol kuht in ekuhllah ohiyen moul lasr uh. Porongo ma Nguhn mokle kom in oruh ke kom rit, ac na oruh ma mokleyuck ingacn.

On in alu ac on luhn tuhlihk srihsrihk ma touyak inge konweyuckyak nwacklac Fahsruh, Fahsr Tukuk. Orekmakihn on muhtahl in suli Nguhn ac in ahkloalye luhlahlfongi ac fwahkwack luhlahlfongi kuh ke wosasuc pwacye.

Sulaclah sie pohloh kahs ke ma suhmuhslah ma yohk kalmac nuh sum, sucu lom an, kuh kuhlahs lom an, ac esamyac ke kalweni lwen nuhkwewa kuh in sritaclkihn sie sritacl in esamyac.

Sokwack ma se ma ac luhmweyuck nuh ke sapta ac fuhs ma kowos riti. Motko fuhkah kais sie ma inge luhmweyuck nuh ke luti ke ma suhmuhslah.

Riti kuhtuh sin fuhs, na sruhlwaclah sie ma ma luhmweyuck nuh ke ma kom riti. Kuh kom kuh in suk sie petsac ah ke Gospel Art Book kuh kuhtuh acn sahyac ke Gospel Library. Kom kuh pac in eslah sie petsac ma ahkuhtweyac ke ma kom lotwelah.

Tukun riti sramsram soko, suli mwet in sucu kuh mwet ke kuhlahs in srihke atacn sramsram soko an. Tohkoh, sruhmuhn lah sramsram soko ingacn kuhpahsryang fuhkah nuh ke ma kom puhlakihn.

Ac fin oasr mwet in sucu lom an ma tiac luhngse wi lutlut ke ma sumuhslah luhn sucu, suk kuhtuh inkacnek sahyac in kuhpahsryang nuh sel. In mwe srihkasrak, yac kom kuh in akacsruhi ke ma pwacye ma pahtpaht ke sramsram lom kuh akacsruhi sie ma suhmuhslah yohk kalmac ke sie ohiyac ma tiac arlac luti upaclac kuh kalyei. Lutlut ke ma suhmuhslah tiac enenuh in oacna sie ke sucu nuhkwewa. Kuhtuh tuhlihk uh sahp topuk wo ke luti ma suhmuhslah kais sie. Inse pruhe ac ukoe ma mokleyuck sin Nguhn.