Fahsruh, Fahsr Tukuk—Nuhke Lohm sesr ac Alu ah

Fahasruh, Fahsr Tukuk el ma nuh sin oacna sie mwet ma luhngse lutlut ke ma suhmuhslah—mwet se, oacna sucu se, ac ke klahs ke Alu. Kom fin sonna lutlut ke ma suhmuhslah lwen nuhkwewa ke pacl somlah, mwe kahsruh se inge kuh in kahsre kom in muhtwacwacack. Kom fin oraclah tari ohiyac wowo se ke lutlut ke ma suhmuhslah, mwe kahsruh se inge kuh in kahsre kom ahkyohkye kalmen ma kom puhlakihn.

Acn se ma wo emet in lutlu ke wosasuc pa in lohm se Mwet luti ke alu ac kuh in kahsre kom, ac kom kuh in eis kahs in ahkkweye sin kuhtuh mempucr sahyac ke ward. Tuhsruhk in moullac ke ma kawihl, kom ac sucu lom an enenuh mwe ahkweye lwen nuhkwewa ke “kahs wowo luhn God” (Moroni 6:4; see also Russell M. Nelson, “Sramsram in Ikucslah,” Liahona, Nov. 2018, 6–8).

Orekmakihn mwe kahsruh se inge ke oacna sie ohiyac ma ac kahsre kom. Mwe ahkuhtweyac inge use kahlwem yohk nuhke ma pwacye wacngin sahflahiyac konweyuckyak ke Wuhlweacng Mahtu. Eltahl oacyacpac sruhkwack nuhnak ac mukuikui in kahsre kom in muhkwena lutlut ke ma suhmuhslah, yurin sucu lom an, kuh yurin kawuck. Ke kom lutlut, ukoe kolyuck luhn Nguhn in konwacack ma pwacye tiac eklac ma yohk kalmac nuh sum. Suk ke pweng luhn God nuh sum, ac ukoe kolyuck ma kom eis.

Fahsruh, Fahsr Tukuk—Nuhke Lohm sesr ac Alu ah pa akwuck se nuhke u in tuhlihk srihsrihk ke klahs ke Sacnri, mwet fuhsr ac Sacnri Skul luhn mwet mahtuh, klahs luhn Muhtwacn Fuhsr, ac toeni ke u luhn Aaronic Pristut. Kom fin luti ke oacna sie sin ma oreklac inge, kom ac ngihsreyuck in orekmakihn mwe ahkuhtweyac ke mwe kahsruh inge nuhke lutlut lom sifacna ac ke kom ahkolah in luti. Muhtwacwacack ke puhla lom sifacna ke ma suhmuhslah. Ahkolah yohk srihpac lom fah tuhkuh ke kom suk ma suhmuhslah ac suk kolyuck sin Nguhn Muhtahl. Suk ke ma pwacye tiac eklac ma kahsre kom in eklac ocana Pahpah Inkuhsrao ac Jisus Kraist. Faharuh, Fahsr Tukuk kuh in kahsre kom akihlen kuhtuh ma pwacye ac kahlwem ke koanon ma suhmuhslah.

Esamyac lah lutlut ke wosasuc, ma se wo emet, pa lutlut in lohm ac kahsruh sin Alu uh. Ke kuhtuh pac kahs sahyac, ma se emet kunom pa in kahsruh mwet ma kom luti ke elos srihke in lotwelah ac moulkihn wosasuc in lohm selos. Mwet elyah ke oasr ahkuhtweyac sefanna ituckyang nuh selos lun klahs. Aholyac, sang nuh seltahl pacl wo in akacsruhi ke ma eltahl puhla, nuhnak, ac kihsensiyuck ke pohloh kahs ke ma suhmuhslah eltahl riti lohm ah. Ngihsre eltahl in akacsruhi ke ma pwacye tiac eklac eltahl konwacack. Ma se inge yohk srihpac likina in afuhnlah sie mwe lutlut fohn se.

Sie srihpen toeni lasr ke Sacnri Skul klahs pa in kahsruh ac ahkkweye sie sin sie ke kuht srihke in fahsr tukihn Jisus Kraist. Inkacnek fihsracsr se in oruh ma se inge pa siyuck sie kihsen siyuck oacna “Meac Nguhn Muhtahl luti kom ke wik se inge ke kom lutlut ke ma suhmuhslah?” Top nuhke kihsen siyuck inge kuh in kol nuhke sramsrma yohk srihpac ma ahkfokokoye luhlahlfongi ke Jisus Kraist ac wosasuc Lal.

Na kom kuh in ngihsre sramsrsam in orek ma fal nuhke lutlut nuhnakkihnyuck ke Fahsruh, Fahsr Tukuk. Oacna mwe srihkasrak, sie lutlut kuh in nuhnkweack in sukIsaiah 53, suk ke kahs ma ahkuhtweyac ke misin luhn Leum. Kom aclos kac.ac kuh in siyuck sin mwet ke klahs in akacsruhi ke oacna sie nuhnak kuh puhla ma kahs inge fahk nuh selos. Kuh kom kuhn in sislah kuhtuh pacl in suk kahs inghe ekihn klahs se.

Ke u luhn Aaronic Pristut ac klahs luhn Muhtwacn Fuhsr toeni ke Sacnri, srihpac lalos uh eklac kuhtuhsrihk liki Sacnri Skul klah. Tahfwelah in kahsruh kais sie lotwelah ke wosasuc luhn Jisus Kraist, u inge toeni pac in tuhkweni kahsruh ke ahksahfye orekma luhn molwelah ac moul ma pahtpaht yurin God (liye General Handbook, 1.2). Eltahl oruh ma inge ye kolyuck luhn klahs ac u luhn prestunsi.

Ke srihpac inge, kais sie u kuh klahs miting enenuh in muhtwacwacack ke sie mempucr ke u sac kuh klahs prestuhnsi kol sie sramsram ke srihke in, mwe srihkasrak, moulkihn wosasuc, kuhlwacnsuhpuh mwet enenuh kahsruh, akacsruhi ke wosasuc, kuh wi nuhke tempuhl in oruh orekma ke sramsram mahtuh luhn sucu.

Tukun pacl in kahsruh sie sin sie, sie mwet luti fah kol klahs kuh u in tuhkweni lutlut ke wosasuc. Mwet kol mahtuh kuh mempucr ke klahs kuh u kuh in srihsrngiyucki in luti. Klahs kuh u luhn prestuhnsi, aetuhi yurin mwet kol mahtuh, oraclah kunohkohn inge.

Mwet ma kuneyucki in luti enenuh in ahkolah in orekmakihn mwe luti ahkuhtweyucki ke wik nuhkwewa ke Fahsruh, Fahsr Tukuk. Ke mwe ahkuhtweyac inge, icon se inge ahkuhtweyac sie mukuikui ma yohkna motkoeyuck nuh sin mwet fuhsr. Tuhsruhktuh, kuhtwena ma nuhnakkihnyuck ke mwe ahkuhtweyac inge kuh in orekmakihnyuck oacna sie mukuikui nuh sin mwet fuhsr.

Nuhke mwe srihkasrak ke kanon toeni ke kuhlahs luhn kohrohm an, liye ke appendix D.

Ahkolah lom in luti U luhn Tuhlihk Srihsrihk muhtwacwacack ke ke kom sifacna lutlut ke ma suhmuhslah ac in sucu lom. Ke kom oruh, kom kuh in puhla ke ma kawihl ac etwacack sin Nguhn Muhtahl ke tuhlihk ke Primary klahs. Inse pruhe, ac Nguhn fah mokle kom ke mwe nuhnak in kahsreltahl luti wosasuc luhn Jisus Kraist.

Ke kom ahkolah in luti, kom kuh in eis tahfweyacn ma mokleyuck ke kom konwacack mwe nuhnak nuhke mwe luti ke Fahsruh, Fahsr Tukuk—Nuhke Lohm sesr ac Alu ah. Kais sie mwe ahkuhtweyac ke mwe kahsruh inge oasr ip se oreklac sifac se “Mwe Nuhnak nuhke Luti Tuhlihk.” Nuhnkuh ke mwe nuhnak inge oacna ma touyak in sang puhrakwack ma moklweyuck yurum. Kom etuh tuhlihk ke Primary klahs—ac kom ac etwacltahllah wo ke kom sramsram nuh selos ke klahs. God el etwacltahl pac, ac El fah fahk nuh sum inkacnek wo emet in lotweltahl ac ahkinsewowoyacltahl.

Ac kuh tuhlihk ke klahs lom an oruh tari kuhtuh mukukui ke Fahsruh, Fahsr Tukuk yurin sucu lalos. Ac WONA. Kalweniyuck el wo. Motko in nghhsre tuhlihk ac in akacsruhi sie sin sie ma eltahl lotwelah lohm ah—tuh kom enenuh pac in ahkolah inkacnek luhn tuhlihk in wi finne eltahl tiacna lutlut lohm ah. Tuhlihk uh lotwelah ma pwacye ke wosasuc orekma wona ke ma pwacye inge kalweniyuck ke kain in mukuikui puhs. Kom fin konwacack tuh sie mukuikui in lutlut el orekma nuh sin tuhlihk uh, motko in kalweniyac, yohkna kom fin luti tuhlihk ma fuhsr kuhtuh. Kom ac kuh in sulpac liye sie mukuikui ke sie lesin tuhfahna tari.

Ke mahlwem ma oasr Sacnri limekohsr kac, mwet luti ke Primary tuh ngihsreyuck in ahollah sketual ah Fahsruh, Fahsr Tukuk ma ahkutweya ke Sacnri ahklimekohsr ke sie kuh puhs liki mukuikui in lutlut ke “Appendix B: Nuhke Primary—Ahkolah Tuhlihk Srihsrihk in Fahsr ke Inkacnek in Olwelah luhn God ke Lusen Moul Lalos.”