Ibitekerezo byo Kunozae Kwigira mu Rugo no ku Rusengero

Ibyanditswe bitagatifu ni ijambo ry’Imana rero nimuyisabe ubufasha kugira ngo mubisobanukirwe.

Ibintu byose bihamya Kristo (reba 2 Nefi 11:4; Mose 6:63), bityo muzirikane kwandika cyangwa kwerekana imirongo ihamya Umukiza, yimbika urukundo umufitiye, kandi ikwigisha uburyo bwo kumukurikira. Rimwe na rimwe amahame yerekeye Umukiza n’inkuru nziza Ye bivuga mu buryo butaziguye, kandi rimwe na rimwe binyuzwa mu rugero cyangwa inkuru Mwibaze muti: “Ni ayahe mahame yigishwa muri iyi mirongo? Ni iki aya mahame anyigisha ku byerekeye Umukiza?”

Mwitondere ibitekerezo byanyu n’ibyiyumviro, ndetse niyo byaba bidafitanye isano n’ibyo murimo gusoma. Ibi bitekerezo bishobora kuba aribyo So wo mu Ijuru ashaka ko mwiga.

Hari uburyo bwinshi bwokwandika ibitekerezo bigenda biza uko mwiga. Urugero, mushobora gushaka amagambo n’imirongo mu byanditswe bitagatifu abatangaza; mushobora kuyerekana maze mukandika ibitekerezo byanyu nk’inyandiko mu byanditswe bitagatifu. Mushobora no guhorana agatabo k’ibyo mwashishojeho, ibyiyumviro, n’ibitekerezo

Kuganira ku byo mwashishojeho mukwiga kanyu bwite ni uburyo bwiza bwo kwigisha abandi kandi na none bufasha gukomeza ugusobanukirwa kwanyu kw’ibyo mwasomye. Musangize ibyo murimo kwiga n’abagize umuryango n’inshuti (mwaba muri kumwe cyangwa mu buryo bw’iyakure), maze mubasabe gukora nk’ibyo.

Mutekereze ukuntu inkuru n’inyigisho murimo gusoma zihura n’ubuzima bwanyu. Urugero, mushobora kwibaza muti: “Ni ibihe bintu nanyuzemo bisa n’ibyo ndimo gusoma?”

Uko mwiga ibyanditswe bitagatifu, ibibazo byaza mu mitekerereze yawe. Ibi bibazo byaba bifitanye isano n’ibyo murimo gusoma cyangwa ubuzima bwanyu muri rusange. Mutekereze byimbitse ibi bibazo kandi mushake ibisubizo uko mukomeza kwiga ibyanditswe bitagatifu.

Kugira ngo muhabwe ubushishozi bw’inyongera mu mirongo musoma, mukoreshe ibisobanuro mpezarupapuro, Topical Guide, Bible Dictionary, Guide to the Scriptures, n’ubundi bufasha bw’imyigire.

Ushobora kubona ubushishozi busobanutse bwerekeye imirongo yo mu byanditswe bitagatifu uko uzirikana ibirimo, harimo imiterere cyangwa aho byaturutse. Urugero, kumenya amateka n’imyemerere y’abantu Imana yavugishije bishobora kugufasha gusobanukirwa umugambi w’amagambo Yayo.

Musome ibyo abahanuzi b’iminsi ya nyuma n’intumwa bigishije ku mahame mubona mu byanditswe bitagatifu.

Kwiga ibyanditswe bitagatifu ntibigomba kutumurikira gusa ahubwo bigomba no kutwerekezaku guhindura uburyo tubaho. Mutege amatwi ibyo Roho ababwiriza gukora gukora uko musoma, maze noneho mukorere kuri ayo mabwiriza.

Indirimbo zatanzweho inama zo gukoreshwa n’indirimbo z’abana ziboneka muri Ngwino, Unkurikire. Mukoreshe umuziki mutagatifu kugira ngo mutumire Roho kandi mwimbike ukwizera kwanyu n’ubuhamya bw’ukuri bw’inkuru nziza.

Mutoranye umurongo w’ibyanditswe bitagatifu usobanutse kuri mwebwe, umuryango wanyu, cyangwa ishuri ryanyu, kandi muwufate mu mutwe muwusubiramo buri munsi cyangwa mukina umukino wo gufata mu mutwe.

Musahke ibikoresho bifitanye isano n’ibice n’imirongo murimo gusoma. Mutekereze uko buri gikoresho gifitanye isano n’n’inyigisho zo mu byanditswe bitagatifu.

Musome imirongo mike, maze mushushanye ikintu gifitanye isano n’ibyo mwasomye. Cyangwa mushobora kureba ishusho iri muri Gospel Art Book cyangwa ahandi hantu mu Isomero ry’Inkuru Nziza. Mushobora na none gufata ishusho igaragaza ibyo mwize.

Nyuma yo gusoma inkuru, musabe abagize umuryango kuyikoramo ikinamico. Hanyuma, muvuge ku kuntu inkuru ifitanye isano n’ibintu muri kunyuramo.

Niba mufite abagize umuryango badashaka kugira uruhare mu kwiga ibyanditswe bitagatifu mu umuryango, mushake ubundi buryo bwo kwihuza na bo. Urugero, mushobora gusangiza ukuri guhoraho mu buryo busanzwe mu biganiro byanyu cyangwa mugasangiza iyyanditswe gitagatifu gisobanutse mu buryo budasa no kubwiriza cyangwa kurengera? Kwiga ibyanditswe bitagatifu ntibigomba kuba bisa muri buri muryango. Abana bamwe bashobora kwishimira kwiga ibyanditswe bitagatifu umwe kuri umwe. Msenge kandi mukurikire amabwiriza ya Roho.