Mme Ekikere ke Edibɔ-ukpep ke Ufɔkiduŋ ye ke Ufɔk Abasi

Ŋwed Abasi edi ikɔ Abasi, ntem ebup Enye eyom uŋwam man efiɔk mmɔ.

Kpukpru ŋkpɔ etie-ntiense abaŋa Christ (se 2 Nephi 11:4; Moses 6:63), ntem kere-ebaŋa nditi mme ndinim-idiɔŋɔ ke mme ufaŋ-ŋwed emi etiede-ntiense abaŋa Andinyaŋa, nam ima eke mbufo enyenede ɔnɔ Enye okpon, nyuŋ kpep nte etienede Enye Ubka-ini esinehede etiŋ mme akpanikɔ abaŋade Andinyaŋa ye ikɔ-Abasi Esie, ndien ke ubak-ini esida mmɔ esin nte uwutŋkpɔ mme ke mbuk. Bup idem fo ete, “Ewe nsinsi akpanikɔ ke ekpep ke mme ufaŋ-ŋwed emi? Nso ŋkpɔ ke mme akpanikɔ emi ekpep mi abaŋa Andinyaŋa?

Ekpaŋ-utɔŋ enɔ ekikere ye esit mbufo, ekpedi ke mmɔ inyeneke ebuana ye se mbufo okotde. Mme ekikere emi ekeme edidi se Ete eke Enyɔŋ oyom ete mbufo ɔbɔ-ukpep.

Odu ata ediwak usuŋ ndiwet mme ekikere emi edide ke nte mbufo ekotde ŋwed. Nte uwutŋkpɔ, mbufo emekeme edikut mme ikɔ ye mme udim-ikɔ ke ŋwed Abasi emi enemde fi; mbufo emekeme edinim mmɔ idiɔŋɔ ndien ewet ekikere fo nte editi-ŋkpɔ ke ŋwed Abasi fo. Mbufo ŋko emekeme edinim journal eke ifiɔk, ekiekere, ye inem-ŋkpɔ emi mbufo ɔbɔde.

Edineme mme ifiɔk otode edikot eke idem fo edi eti usuŋ ke edikpep mbon efen, ndien oro ŋko eyeŋwam edisɔŋɔ ifiɔk fo kabaŋa se mbufo okokotde. Ebuana se mbufo ekpepde ye mbon ufɔkemana ye mme ufan fo (ke idem fo mme ke ofum), nyuŋ dɔhɔ mmɔ ete enam ukem oro.

Kere-baŋa nte mbuk ye ukpep-ŋkpɔ emi mbufo okotde anamde ŋkpɔ ke uwem fo. Nte uwutŋkpɔ, mbufo emekeme ndibup idem fo ete, Ewe ifiɔk-ukpep ke ami ŋkenyene emi edide ukem ye se ami ŋkotde?

Nte mbufo okotde ŋwed Abasi, mbume ekeme ediduk esit fo. Mbume emi ekeme edinyene ebuana ye se mbufo okotde mme ye uwem fo ke ofuri ndaha. Kere-baŋa mbume emi nyuŋ se yom ibɔrɔ ke nte mbufo akade iso edikot ŋwed Abasi.

Man edibɔ ndadiana ifiɔk ke esit ufaŋ-ŋwed emi mbufo okotde, da ikɔ-idak-isɔŋ, eke Topical Guide, eke Bible Dictionary, eke Guide to the Scriptures, ye mme ŋkpɔ-uŋwam edikot efen.

Mbufo emekeme edikut nti ifiɔk abaŋade itie ŋwed Abasi ke nte mbufo ekerede-abaŋa ndaha esie, esinede mme ini mme ebiet emi eke otode edi. Nte uwutŋkpɔ, ndidiɔŋɔ ntɔŋɔ ye ubono-ŋkpɔ eke mbon emi Abasi eketiŋde ikɔ ɔnɔ ekeme ediŋwam fi ndinehede mfiɔk udɔŋ eke ikɔ Esie.

Ekot se mme prophet ye apostle ukperedem usen ekekpepde ebaŋa ukpep-ŋkpɔ emi mbufo okutde ke ŋwed Abasi.

Ndikot ŋwed Abasi inaha nte ɔnɔ nnyin ifiɔk kpɔt dei ŋko ndinam nnyin ikpuhɔ usuŋ nte nnyin idude uwem. Ekpaŋ-utɔŋ enɔ se Spirit etemede mbufo ete enam ke nte mbufo ekotde, ndien ekem enam ŋkpɔ ke mme item emi.

Eyekut mme ikwɔ ye ikwɔ nditɔ-ŋwɔŋ emi eyomde ke Edi, Etiene Mi. Ekama nsasana ikwɔ ndikot Spirit ye edisɔŋɔ mbuɔtidem ye ikɔ ntiense mbufo kabaŋa mme akpanikɔ eke ikɔ-Abasi.

Mek itie ŋwed Abasi kiet emi ɔwɔrɔde ŋkpɔ ɔnɔ fi, ufɔkemana fo, mme ubet ukpep fo, enyuŋ emum oro ke ibuot ke edifiak-ŋkot oro kpukpru usen mme ke edibre mbre edimum ke ibuot.

Ekut mme ŋkpɔ-ukpep-ŋkpɔ emi enyenede ebuana ye ibuot-ŋwed ye ufaŋ-ŋwed emi mbufo okotde. Kere-baŋa nte ŋkpɔ-ukpep-ŋkpɔ kiet-kiet enyenede ebuana ye mme ukpep-ŋkpɔ eke ŋwed Abasi.

Ekot esisit ufaŋ-ŋwed, ndien ekem eduri ŋkpɔ emi enyenede ebuana ye se mbufo okotde. Mme ke mbufo emekeme ediyom ndise kiet ke Gospel Art Book mme ke ebiet efen ke Gospel Library. Mbufo ŋko emekeme edisio ndise kiet emi owutde se mbufo ekekpepde.

Ke okotde mbuk okure, kot mbon ufɔkemana mme ubet ukpep kiet man enam oro ewut. Ke oro ebede, eneme ebaŋa nte mbuk oro enyenede ebuana ye mme ŋkpɔ emi mbufo efiɔkde.

Edieke mbufo enyenede mbon ufɔkemana emi miduak-ke edibuana ke edikot ŋwed Abasi ke ufɔkemana, eyom usuŋ efen ndibuana ye mmɔ. Nte uwutŋkpɔ, nte mbufo emekeme edibuana nsinsi akpanikɔ nkaŋa-nkaŋa ke nneme mbufo mme ndibuana inem ŋwed Abasi ke usuŋ emi mibiet-ke ndikwɔkwɔ-rɔ mme ndika-kak? Ndikot ŋwed Abasi inaha nte edi ukek-ukem ke ofuri ufɔkemana. Ubak nditɔ-ŋwɔŋ ekeme edinɔ nti ibɔrɔ ke edikot ŋwed ke etiede ke iso ye iso. Ebɔŋ-akam enyuŋ etiene mme item eke Spirit.