E whakamahia ana Haere Mai, Whai Mai i Ahau—Mō te Kāinga me te Hāhi

Mā ngā tāngata katoa tēnei rauemi Haere Mai, Whai Mai i Ahau mā ngā tāngata e hiahia ana ki te ako i ngā karaipiture—takitahi, ā–whānau, i roto i ngā akomanga Hāhi anō hoki. Mehemea kāore koe i rangahau i ngā karaipiture i mua, mā tēnei rauemi koe e āwhina kia tīmata ai. Mehemea he kaha kē koe ki te rangahau karaipiture, mā tēnei rauemi koe e āwhina kia whaihua rawa ngā āhuatanga e pā ai ki a koe.

Ko te Kāinga te tino wāhi ki te ako i te rongopai Mā ōu kaiako i te hāhi koe e tautoko, ā, ka whakakahangia koe e ētahi atu o ngā mema i te wāri. Engari me whāngai koutou ko tō whānau ia te rā, ia te rā ki te “kupu pai a te Atua” (Moronai 6:4; tirohia anōtia a Russell M. Nelson, “Opening Remarks,” Liahona, Noema. 2018, 6–8).

Whakamahia tēnei rauemi e rite ana ki tāu e pai ai hei āwhina i a koe. E aro atu ana ngā whakatakototanga kōrero ki ngā mea pono mau tonu e kitea ana i te Te Kawenata Tawhito. E whakahua ake anō ērā i ngā whakaaro me ngā mahi hei āwhina i a koe ki te rangahau takitahi, taki-whānau rānei, taki-hoa rānei i ngā karaipiture. I a koe e rangahau ana, me whai atu i te ārahitanga o te Wairua kia kitea ai ngā mea pono mau tonu e whai tikanga ana ki a koe. Kimihia ngā karere mōu ake, ā, me whai i ngā ākinga o te wairua e pā ai ki a koe.

Ko teHaere Mai, Whai Mai i Ahau—Mō te Kāinga me te Hāhi te marautanga mō ngā akomanga Kura Hāpati Rātapu i te Paraimere, i te taiohi, me ngā akomanga Kura Hāpati mō te hunga pakeke, Taitamāhine me ngā Korama o te Tohungatanga o Arona. Mēnā ko koe te kaiako i roto i ēnei o ngā mōmō akomanga, e pai ana māu kia whakamahia ēnei whakatakotoranga mahi i roto i tēnei rauemi i roto i tō rangahau taki-tahi, ā, i a koe e whakarite ana ki te whakaako. Hei tīmatatanga māu me ruku tuatahi koe ki roto i ngā karaipiture. Ka puta tō whakaritenga whakahirahira tino nui i a koe e tirohia ana ngā karaipiture me te whai atu i te whakaaweawenga a te Wairua Tapu. Kimihia ngā mea pono mau tonu e āwhina ai i a koe kia meinga kia rite ake ki tō tātou Matua i te Rangi rāua ko Ihu Karaiti. E āhei ana i aHaere Mai, Whai Mai i Ahau te āwhina i a koe kia kitea ai ētahi o ēnei mea pono mau tonu, ā, kia mārama anō ki te horopaki o ngā karaipiture.

Me mau tonu ki ōu whakaaro, nā, ko te tino tiketiketanga o te rongopai, kei roto i te kāinga, ā, e tautokona ana e te Hāhi. Kia pēnei kē te kupu, ko tō haepapa matua koia ko te tautoko i ngā tāngata e whakaakona ai e koe i roto i ā rātou mahi ki te ako, ki te whakatinana i te rongopai ki te kāinga. Kaua e māharahara ki te ahurei o ngā mahi e tukua atu ai ki a rātou i te akomanga. Heoi, me tuku kē kia whai wā anō rātou ki te toha mai i ngā mea kua pā nei ki a rātou, ngā whakaaro, me ngā pātai mō ngā whiti karaipiture kua pānuitia e rātou i te kāinga. Tonoa rātou ki te toha mai i ngā mea pono mau tonu kua kitea e rātou. He mea whakahirahira ake tēnei i te aro ki te nui o ngā kōrero e tirohia ai e koutou.

Ko tētahi o ngā tino take e hui tahi ai tātou i roto i ngā karaehe Kura Rātapu, arā, ko te tautoko tētahi i tētahi i a tātou e ū ana ki te whai atu i a Ihu Karaiti. Ko tētahi huarahi māmā ko te ui ake i te pātai pērā i “He aha tā te Wairua Tapu i whakaako ai ki a koe i tēnei wiki i a koe e rangahau ana i ngā karaipiture?” Mā ngā whakautu ki tēnei pātai e hua ake ai ngā whakawhitinga kōrero whaihua e whakatupuria ai te whakapono i a Ihu Karaiti me Tana rongopai.

Kātahi ka whakapuare ake tētahi kōrero e hāngai ana ki ngā kōrero rangahau i Haere Mai, Whai Mai i Ahau. Hei tauira, ka kī ake tētahi whakaaro rangahau kia tirohia Ihaia 53, e rapu ana i ngā kupu e whakamāramahia ana te mīhana o te Kaiwhakaora. Māu pea ngā mema o te akomanga e tono kia tohaina mai ō rātou whakaaro, ō rātou kare ā-roto rānei i puta mai ai i ēnei kupu. Me huri atu rānei ki te rangahau i ēnei whiti i roto i te akomanga.

Ina hui ngā Kōrama Tohungatanga o Arona me ngā Akomanga Taitamāhine i ngā Rātapu, ka āhua rerekē ngā mahi i tā te akomanga Kura Rātapu. Hei āpiti atu i te āwhina tētahi i tētahi ki te ako i te rongopai o Ihu Karaiti, ka hui tahi anō ēnei rōpū hei rūnanga tahi e pā ana ki te whakatutukiranga i te mahi o te whakaoranga me te whakateiteitanga (tirohia te Pukapuka Aratohu Whānui, 1.2). Ka pēnei rātou i raro i ngā tohutohu a ngā tumuaki karaehe me ngā tumuaki kōrama.

Mō tēnei take, me tīmata ia karaehe kōrama i runga i tā tētahi mema o te kōrama, tumuakitanga karaehe rānei e ārahi ana i ngā kōrero mō ngā mahi ki te whakatinana i te rongopai, ki te minita ki ngā tāngata e hapa ana, ki te tohatoha atu i te rongopai, ki te mahi rānei i ngā mahi temepara me ngā mahi whakapapa.

Whai muri iho i tēnei wā rūnanga tahi, ka ārahi te kaiako i te karaehe, i te kōrama rānei i roto i ngā mahi ako ngātahi i te rongopai. Ka tohu ngā pakeke o te akomanga, kōrama rānei ki te whakaako. Mā te kōrero tahi a te tumuakitanga akomanga, kōrama rānei ki ngā pakeke e tohua ai ēnei whakatau.

Me whakamahi e te hunga kua tonoa ki te whakaako, i ngā taipitopito kōrero whakaako i roto i te taipitopito whakaako ā–wiki o te Haere Mai, Whai Mai i Ahau hei whakarite. Kei roto i ia taipitopito, ka tohua tēnei tohu i tētahi mahi e hāngai pū ana ki te hunga taiohi. Heoi anō, e taea ana te whakamahi i ngā kōrero i roto i ngā taipitopito hei mahi ako mā te hunga taiohi.

Tirohia āpitihanga D mō tētahi tauira rārangi take mō ngā hui kōrama me ngā hui akomanga.

Ka tīmata ake tō whakarite ki te whakaako i tō ruku ki ngā karaipiture ko koe anake, ko koutou ko tō whānau hoki. I a koe e pēnā ana, kia wātea ki ngā ākinga o te wairua me ngā tirohanga mai i te Wairua Tapu mō ngā tamariki i tō akomanga Paraimere. Me kaha ki te inoi, kātahi ka whakatōngia he whakaaro e te Wairua ki roto i a koe hei āwhina i a rātou ki te ako i te rongopai a Ihu Karaiti.

I a koe e whakarite ana ki te whakaako, ākene ka whiwhi koe i ngā āpitihanga whakaaro mā te tirotiro ki ngā whakaaro whakaako i tēnei rauemi Haere Mai, Whai Mai i Ahau—Mō te Kāinga me te Hāhi. Kei ia whakatakotoranga mahi i tēnei rauemi tētahi wāhanga e kīa nei ko “Whakaaro mō te Whakaako Tamariki.” He whakaaro noa ēnei hei whakahiko ake i te whakaaro auaha. E mōhio ana koe ki ngā tamariki i tō akomanga Paraimere—ā, ka tino mōhio ake koe ki a rātou i a koe e mahitahi ana me rātou i te akomanga. E mōhio ana te Atua ki a rātou anō hoki, Māna hoki koe e whakaaweawe ki ngā huarahi pai ake hei whakaako, ā, hei manaaki i a rātou.

Tērā pea kua mahi kē ētahi o ngā tamariki i tō karaehe i ētahi o ngā mahi kei roto i te Haere Mai, Whai Mai i Ahau i te taha o ō rātou whānau. Kei te Pai tēnā. He pai te toaitanga. Tērā pea he whakaaro pai kia tonoa mai ngā tamariki ki te whakamārama mai i ngā mea i ākona ai e rātou i te kāinga—ahakoa tērā me whakarite koe i ngā huarahi e ako tahi ai ngā tamariki ahakoa kāore rātou e ako ana i te kāinga. Ka kaha ake te ako a ngā tamariki i ngā mea pono o te rongopai i ngā wā e toaitia ana ēnei mea pono mā roto i ngā momo mahi maha. Mēnā ka kite koe i tētahi mahi e whai hua ana mā ngā tamariki, me whakaaro koe mēnā he pai kia toaitia, mehemea e whakaako ana i ngā tamariki nohinohi ka tika. Tērā pea ka tirohia anōtia tētahi mahi nō tētahi atu akoranga.

Hei ngā marama Rātapu rima, ka akiaki i ngā kaiako Paraimere kia whakaurua kētia tētahi mahi ako Haere Mai, Whai Mai i Ahau i te Rātapu tuarima e kitea ai i “Āpitihanga B: Mō te Paraimere—Te Whakarite i ngā Tamariki mō tētahi Oranga i runga i te Huarahi Kawenata o te Atua.”