Go Sokologa Ke Maikaelelo a Rona

Maikaelelo otlhe a go ithuta le go ruta efangele ke go tseneletsa go sokologa ga rona le go re thusa go nna jaaka Jeso Keresete. Ka lebaka le, fa re ithutontsha efangele, ga re lebelele fela molaetsa o moša, re batla go nna “dibopiwa tse disha” (2 Bakorintha 5:17). Se se raya go ikaega ka Rara wa Legodimo le Jeso Keresete go re thusa go fetola dipelo tsa rona, megopolo ya rona, ditiro tsa rona, le mekgwa ya rona.

Mme mofuta wa go ithuta le go ruta efangele o o nonotshang tumelo ya rona le go re gogela kwa masaitseweng a go sokologa ga o diragale otlhe gangwefela. E atologa go tswa mo ntlwaneng ya borutelo go ya mo pelong ya motho le legae. Go tlhoka maiteko a a sa fetogeng, a letsatsi le letsatsi go tlhaloganya le go tshela efangele. Go sokologa ga boammaaruri go tlhoka tlhotlheletso ya Mowa o o Boitshepo.

Mowa o o Boitshepo o re kaela go ya kwa boammaaruring gape o supa tshupo ya boammaaruri joo (bona Johane 16:13). O sedimosa ditlhaloganyo tsa rona, o tlhagafatsa ditlhaloganyo tsa rona, le go ama dipelo tsa rona ka tshenolo go tswa kwa Modimong, motswedi wa boammaaruri jotlhe. Mowa o o Boitshepo o itshekisa dipelo tsa rona. O re tlhotlheletsa gore re nne le keletso ya go tshela ka boammaaruri, a bo a sebela mo go rona ditsela tsa go dira se. Ka boammaaruri, “Mowa o o Boitshepo … o tla [re] ruta dilo tsotlhe” (Johane 14:26).

Ka mabaka a, mo maitekong a rona a go tshela, go ithuta, le go ruta efangele, sa ntlha sa konokono, re tshwanetse go batla bopati jwa Mowa. Maikaelelo a a tshwanetse go laola maikgethelo a rona le go kaela dikakanyo tsa rona le ditiro. Re tshwanetse go batla sengwe le sengwe se se laletsang tlhotlheletso ya Mowa le go ganetsa sengwe le sengwe se se kobang tlhotlheletso eo—gonne re itse gore fa re ka tshwanela boleng teng jwa Mowa o o Boitshepo, re ka tshwanela gape go tshela mo boleng teng jwa ga Rara wa Legodimo le Morwa wa Gagwe, Jeso Keresete.