Senisim Laip Em Gol bilong Yumi

As bilong olgeta gospel lainim na tising em long senisim yumi moa na helpim yumi kamap moa olsem Jisas Krais. Long dispela as, taim yumi stadim gospel,yumi i no painim ol nupela toktok tasol, yumi laik kamap “nupela man” (2 Corinthians 5:17). Dispela i min yumi bai lukluk long Papa long Heven na Jisas Krais long helpim yumi senisim bel bilong yumi, lukluk bilong yumi, ol eksen bilong yumi, na pasin bilong yumi yet.

Tasol pasin bilong lainim we i save strongim bilip bilong yumi na senisim tru yumi i no save kamap wantu. Em i no save kamap long klasrum, tasol em i save kamap insait long bel bilong wan wan, na haus bilong wan wan. Long wan wan de, yumi mas strong long save gut, na bihainim tok bilong dispela gospel. Strong bilong Holi Spirit tasol bai senisim yumi tru tru.

Holi Spirit tasol bai stiaim yumi i go long ol tok tru na Em tasol i save tokaut olsem dispela tok em i tru (lukim John 16:13). Em i save givim yumi gutpela tingting, givim yumi planti moa save, na putim toktok i kam long God long bel bilong yumi olgeta. God tasol em i as bilong olgeta samting i tru. Holi Spirit i save klinim bel bilong yumi. Em save kirapim bel bilong yumi long bihainim ol samting i tru, na Em i save tokim yumi, wantaim isipela pasin, ol rot bilong mekim olsem. Tru tumas, “Holi Spirit … bai skulim [yumi] long olgeta samting” (John 14:26).

Olsem na, taim yumi laik bihainim, lainim, na skulim narapela long gospel, namba wan samting yumi mas mekim, yumi mas larim Holi Spirit i kam poromanim yumi. Dispela tingting i mas bosim laik bilong yumi na stiaim ol tingting na pasin bilong yumi. Yumi mas bihainim ol samting i save bringim strong bilong Spirit kam long laip bilong yumi, na noken larim wanpela samting bilong ronim dispela strong i go—yumi save olsem sapos yumi stap stret na Holi Spirit i stap wantaim yumi, em yumi i ken stap wantaim Papa long Heven na Pikinini Man bilong Em, Jisas Krais.