Христийн мэндэлсний баяр

Та “дэлхий дээр амьдарч байсан болон хойшид амьдрах бүх хүнд [Есүс Христийнх шиг] ийм хүчтэй нөлөөг өөр хэн ч үзүүлэхгүй юм” хэмээх мэдэгдлийг дэмжиж юу хэлэх вэ? Аврагчийн хүчтэй нөлөөг гэрчлэх шүлгүүдийг “Амьд Христ”-ээс хайж ол. Их Эзэн таныг хэрхэн хүчирхэгжүүлсэн бэ?

Христийн шашин шүтлэггүй хэн нэгэн танаас Христийн мэндэлсний баярыг тэмдэглэдэг шалтгааныг асуусан гэж бодъё. Та хэрхэн хариулах байсан бэ? Энэ асуултыг эргэцүүлэн “Амьд Христ” мэдэгдлийг уншиж, өөрт төрсөн бодол, мэдрэмжийг бичнэ үү.

Мөн “Why We Need a Savior” (видео)-г Gospel Library-аас үзнэ үү.

2:15

“Амьд Христ” мэдэгдэлд төлөөлөгчид амилсан Их Эзэн гурван удаа үзэгдсэнийг дурдан, Аврагчийн амилалтын талаар гэрчилдэг (тавдугаар догол мөрийг үзнэ үү). Эдгээр айлчлалын талаарх зарим тэмдэглэлийг Иохан 20; 3 Нифай 11; Иосеф Смит—Түүх 1:14–20 дээрээс унш. Та эдгээр үзэгдлийн үед Аврагчийн хэлсэн үг, үйлдлээс Түүний талаар юу сурч мэдэж болох вэ?

Энэ жил та Сургаал ба Гэрээг судлах явцдаа Аврагчийн “санваар, Түүний Сүм [хэрхэн] сэргээгдсэн” талаар илүү ихийг олж мэдэх боломжтой байсан. Аль сэргээгдсэн үнэн эсвэл зарчим таны хувьд онцгой утга учиртай вэ? Сэргээлтийн талаар заадаг дараах судруудаас заримыг нь уншиж болно. Үүнд: Сургаал ба Гэрээ 1:17–23; 13; 20:1–12; 65; 110; 112:30–32; 124:39–42; 128:19–21. Сэргээгдсэн сайн мэдээний үнэнүүд танд Есүс Христийг таньж мэдэн, хайрлахад хэрхэн тусалдаг талаар тунгаан бод.

Христийн мэндэлсний баяр бол Есүс Христийн мэндэлсэн өдрийг эргэн дурсах, Түүний дахин ирэх өдрийг хүсэн хүлээх цаг үе юм. Та “Амьд Христ”-ийн сүүлээсээ хоёр дахь догол мөрөөс Түүний эргэж ирэх талаар юу мэдэж авсан бэ? “Хүн зон баярла,” “Энэ бүхэн шөнө дунд болсон” (Дуулал, д. 107, 113) зэрэг Христийн Хоёр дахь ирэлтийн талаар заадаг Христийн мэндэлсний баярын дууллуудын шүлгийг уншиж, тэдгээрийг дуулж эсвэл сонсож болох юм.

“Амьд Христ”-ийн сүүлийн догол мөр дээрх Аврагчид өгсөн алдар нэр, тодотголыг тэмдэглэж ав. Тэдгээрийн заримыг судлах цаг гарга. Жишээ нь:

Гэрэл: Есүс Христ ямар арга замаар танд гэрэл болдог вэ? Та Түүний танд өгдөг гэрлийг төлөөлсөн зураг зурж эсвэл ямар нэг зүйлийн зургийг дарж болох юм. Түүний гэрлийг хуваалцах ямар сүнслэг сэдэл танд төрж байна вэ? (Мөн Иохан 8:12; 3 Нифай 18:24; Сургаал ба Гэрээ 50:24-ийг үзнэ үү.)

Амьдрал: Яагаад амьдрал гэдэг үг нь Есүс Христийг тодорхойлоход тохирсон үг гэж та бодож байна вэ? Ямар байдлаар Тэр танд амьдрал бэлэглэдэг вэ? Түүнгүйгээр мөн Түүний сайн мэдээгүйгээр таны амьдрал ямар байх байсан бэ? (Мөн Иохан 10:10; 1 Коринт 15:19–23; Сургаал ба Гэрээ 66:2-ыг үзнэ үү.)

Найдвар: Есүс Христийн болон Түүний сайн мэдээний улмаас та юунд найддаг болсон бэ? Ирээдүйдээ итгэл, найдвараа алдсан хэн нэгнийг та мэдэх уу? Та Есүс Христэд найддаг талаар тухайн хүнтэй хэрхэн хуваалцаж болохоо тунгаан бод. (Мөн Ром 8:24–25; Ифер 12:4; Моронай 7:41-ийг үзнэ үү.)

Мөн Topics and Questions дахь “Jesus Christ”-ийг Gospel Library-аас үзнэ үү.

“Амьд Христ”-д төлөөлөгчид Аврагчийг Тэнгэрлэг Эцэгийн өгсөн “бэлэг” гэж хэлдэг. “Амьд Христ” мэдэгдэл дээрээс ойлгосон зүйлс дээрээ тулгуурлан та дараах өгүүлбэрийг гүйцээгээрэй. “Есүс Христээр дамжуулан Бурхан надад … бэлгийг өгсөн.” Та энэ бэлгийг бүрэн дүүрэн хүлээн авахын тулд юу хийж болох тухай тунгаан бод.

“Амьд Христ”-ийг судлах нь Аврагчид итгэж, Түүнийг хайрлахад хэрхэн нөлөөлсөн бэ?

Мөн Рассэлл М.Нэлсоны “Есүсийн танд барьж буй дөрвөн бэлэг” захиасыг (Тэргүүн зөвлөлийн Христийн мэндэлсний баярын онцгой цугларалт, 2018 оны 12-р сарын 2) Gospel Library-аас; “Excerpts from ‘The Living Christ: The Testimony of the Apostles’” (видео)-г ChurchofJesusChrist.org-оос үзнэ үү.

2:46

• “Амьд Христ” мэдэгдлийг хүүхдүүдэд танилцуулах арга замуудын талаар бод. Магадгүй та гарчгийн Христ гэдэг үг мөн Тэргүүн зөвлөл болон Арван хоёр төлөөлөгчийн гарын үсэг рүү тэдний анхаарлыг хандуулж болох юм. Та тэдэнд энэ нь Христийн талаарх дэлхийтэй хуваалцахыг хүссэн тэдний гэрчлэл гэдгийг тайлбарлаж өгч болно.

• Хүүхэд бүрд “Амьд Христ” мэдэгдлээс нэг хэллэг өгөөд, үүний тухай зураг хайж олох эсвэл зурахыг тэднээс хүс. Дараа нь тэдэнд “Амьд Христ” мэдэгдлээс тухайн хэллэгийг олоход тусалж болно. Та тэдгээр зураг, хэллэгийг эмхэтгэн нийлүүлж, бүр ном болгож болно.

• Та нар Есүс Христийн талаар хэрхэн гэрчлэлтэй болсноо нэг нэгэнтэйгээ хуваалцаж болно. Та нар Аврагчийн зургийг хоорондоо дамжуулангаа Түүний талаар мэддэг зүйлсээ ээлжлэн хуваалцаж болох юм (“Амьд Христ”-д заасан үнэнүүдийн талаар байж болно).

• Та Амьд Христ-ийн хоёр дахь догол мөрийг уншихдаа Есүсийн хийсэн зарим зүйлийн талаар тэдэнтэй ярилц. Мөн та нар Аврагчийн амьдралынх нь зургуудыг үзэж болно (энэ долоо хоногийн үйл ажиллагааны хуудас болон Сайн мэдээний уран зургийн цуглуулгыг үзнэ үү). Уг зурган дээр Аврагч юу хийж байгаа талаар ярихад хүүхдүүдийг урь. Бид Түүнтэй адилаар бусдад хэрхэн үйлчилж чадах вэ? Gospel Library дахь “Дэлхийг гэрэлтүүл” видеонуудаас санаа авч болно.

• Аврагч төрснөөр дэлхийд ирсэн гэрэл, амьдрал, итгэл найдварын тухай өгүүлсэн “Ай, бяцхан хот Бетлехем минь” (Дуулал, д. 114) зэрэг Христийн мэндэлсний баярын дууллуудыг олоход хүүхдүүдэд тусал. Дууллуудыг хамтдаа дуулж, Есүс хэрхэн гэрэл, амьдрал, итгэл найдварыг тэдний амьдралд авчирсан талаар хуваалцах боломжийг хүүхдүүдэд олго.

• Бид Есүс Христийн ачаар ямар бэлгүүдийг хүлээж авсан бэ? Хамтдаа “Амьд Христ” мэдэгдлийг уншиж, эдгээр бэлгийг хайж ол эсвэл “Тэр Хүүгээ илгээсэн” (Хүүхдийн дууны ном, 20–21) зэрэг Аврагчийн тухай дууг дуул. Дараа нь хүүхдүүд тэдгээр бэлгийг төлөөлөх бэлгүүдийг боож болно. Христийн мэндэлсний баярын өдрөөр Аврагчийг болон Түүний бидэнд өгсөн бэлгүүдийг дурсан санахын тулд боосон бэлгүүдээ задлахыг хүүхдүүдээс хүс.