Гэр бүл: Дэлхий дахинаа өргөх тунхаг

“Гэр бүл: Дэлхий дахинаа өргөх тунхаг” гэр бүлийн тухай гэдэг нь тодорхой. Гэхдээ үүнд Бурханы авралын төлөвлөгөөний талаар эн тэнцүүхэн заадаг. Тунхгийг судлах нэг арга зам болгож, жижиг цаасан дээр мөнх бус байдлын өмнөх амьдрал, мөнх бус амьдрал, мөнх бус байдлын дараах амьдрал гэсэн хэллэгүүдийг бичээд, тунхгийн хэсгүүдийн сэдэв бүрийн талаар зааж байгаа зүйлийг жагсаан бич. Та энэ арга барилаар тунхгийг судлахдаа юуг ойлгож авсан бэ? Энэ нь танд гэрлэлт, гэр бүл яагаад Бурханы төлөвлөгөөний зайлшгүй нэг хэсэг болохыг ойлгоход хэрхэн тусалсан бэ? Тунхаг дахь үнэнүүд амьдралд тань хэрхэн нөлөөлдөг вэ?

Олон шалтгаанаас болоод гэр бүлтэй болох, хүүхэд өсгөн хүмүүжүүлэх талаар айдастай байдаг хүмүүс олон бий. Нэг найз тань би хэзээ ч гэрлэж эсвэл гэр бүлтэй болохыг хүсэхгүй байна гэж хэлбэл та юу гэж хариулах вэ? Та найздаа Бурханы төлөвлөгөөнд итгэж найдахад нь туслах ямар нэг зүйлийг тунхгаас хайж олж өгч болох юм.

Танаас хэн нэгэн эсвэл та өөрөөсөө асууж болох нэг асуулт нь “Миний гэр бүлийн нөхцөл байдал гэр бүлийн тунхгийн агуулгатай тохирохгүй байвал яах вэ?” зэрэг асуулт юм. Та дараах хоёр хэсгээс бошиглолын зөвлөгөөг харж болно. Үүнд: Ахлагч Дийтр Ф.Угдорфын “Есүс Христ бол эцэг эхчүүдийн хүч чадал юм” (Лиахона, 2023 оны 5-р сар, 55–59) хэмээх захиасны “Хүчит өөрчлөлт” гэсэн хэсэг мөн ахлагч Д.Тодд Кристоффэрсоны “Why Marriage, Why Family” (Liahona, May 2015, 52) гэсэн захиасны сүүлийн дөрвөн догол мөр.

Сурч мэдсэн зүйл тань таныг юу хийхэд сүнслэгээр өдөөсөн бэ?

Мөн Даллин Х.Өүксийн “Төлөвлөгөө ба тунхаг” захиасыг 2017 оны 10-р сарын Ерөнхий чуулган сэтгүүлээс; Topics and Questions дахь “Family” гэдгийг Gospel Library-аас үзнэ үү.

Бид гэр бүлийн тунхгийг гэр бүлийн амьдралд зориулсан удирдамж гэж боддог. Мөн энэ нь бидний тэнгэрлэг гэр бүл болон мөнхийн мөн чанарын тухай чухал үнэнийг заадаг. Бид бүгдээрээ энэ гэр бүлийн нэг хэсэг гэдгийг мэдэх нь таны хувьд яагаад чухал вэ? Энэ үнэн таны сонголтуудад хэрхэн нөлөөлдөг вэ?

Мөн “Би Бурханы хүүхэд” дууг Хүүхдийн дуу номын д. 157-оос үзнэ үү.

Гэр бүлийн тунхгийн зургаа, долоодугаар догол мөрийг “гэр бүл аз жаргалд хүрэх” загвар гэж бод. Эдгээр догол мөрийг уншаад, “аз жаргалтай гэрлэлт болон гэр бүлийн” зарчмуудыг тодорхойл. Та өөрийн эсвэл бусдын гэр бүлийн амьдралаас эдгээр зарчмыг харуулсан үлгэр жишээнүүдийг бодож болох юм. Эдгээр нь Есүс Христийг гэр бүлийнхээ амьдралын суурь болгоход хэрхэн тусалж болох вэ?

Дараа нь та хүчирхэгжүүлэхийг хүсэж байгаа гэр бүлийнхээ харилцааны талаар бод. Аврагчийн тусламжтайгаар тодорхой төлөвлөгөө гаргаж, хүлээн авсан бодол, мэдрэмжээ дага.

Мөн Л.Витни Клэйтоны “Хамгийн сайхан гэр орон” захиасыг 2020 оны 4-р сарын Ерөнхий чуулган сэтгүүлээс үзнэ үү.

Гэр бүлийн тунхгийн сүүлийн догол мөр нь үйлдэх нэг дуудлагыг багтаадаг. Энэ дуудлагад хэрхэн хариулах талаар эргэцүүлэхэд тань тунхгийн гарчгийг унших нь тус болж болох юм. Тухайлахад, тунхаг гэж юу вэ? Энэ үг уг материалын талаар ямар мэдээлэл өгч байна вэ? Тэргүүн зөвлөл болон Арван хоёр төлөөлөгчийн чуулгыг гэр бүлийн тухай тунхгийг дэлхийд зориулан гаргахад тэнцэхүйц болгосон зүйл юу вэ? Мөн та тунхгийн гол захиаснууд юу юу болохыг жагсаан бичиж болно. Та эдгээр захиасыг амьдралдаа, гэр орондоо, хүрээлэл дундаа хэрхэн таниулах вэ?

Мөн Бонни Л.Оскарсоны “Гэр бүлийн тунхгийн хамгаалагчид” захиасыг 2015 оны 4-р сарын Ерөнхий чуулган сэтгүүлээс; “Defenders of the Faith” (видео)-г Gospel Library-аас үзнэ үү.

6:56

• Бүх хүнд хэлэхийг хүсдэг маш чухал зүйлсийнхээ талаар бодоход нь хүүхдүүдэд тусал. “Гэр бүл: Дэлхий дахинаа өргөх тунхгийн нэг хувийг хүүхдүүдэд үзүүлээд, Тэнгэрлэг Эцэгийн хувьд гэр бүл ямар чухал болохыг бидэнд хэлэхийн тулд бошиглогч, төлөөлөгчид үүнийг бичсэнийг тайлбарла. Яагаад Түүнд гэр бүлүүд тун чухал байдаг вэ? (мөн “What Is the Purpose of Family?” видеог үзнэ үү [ChurchofJesusChrist.org]).

  

  1:19

• Гэр бүлийн тунхгаас бид бүгдээрээ мэдэх ёстой гэж үзэж буй зүйлээ хүүхдүүдтэй хуваалц. Эдгээр үнэний талаар бодол санаагаа хуваалцахад хүүхдүүдийг урь. Эдгээр зүйлийг мэддэггүй байсан бол бидний амьдрал хэр өөр байх байсан бэ? Мөн та нар “Би Бурханы зааснаар амьдарна” зэрэг тунхаг дахь үнэнүүдтэй холбоотой дууг хамтдаа дуул (Хүүхдийн дууны ном, 86).

• Ерөнхийлөгч Даллин Х.Өүкс Төлөвлөгөө ба тунхаг (2017 оны 10-р сарын Ерөнхий чуулган) хэмээх захиасныхаа 4-р хэсэгт гэр бүлийн тунхгийг хэрхэн бичсэн тухайгаа өгүүлсэн байдаг. Та хүүхдүүдтэйгээ хамт түүний тайлбарыг эргэн харж, Их Эзэнийг үйлчлэгчдэдээ гэр бүлийн талаарх эдгээр үнэнийг заахад сүнслэгээр өдөөсөн явдалд яагаад талархдагаа хэл.

• Гэр бүлийн тунхаг дээрх үнэнүүдийг дүрсэлсэн (эсвэл заримыг нь зурахад урь) зургийг хүүхдүүдэд үзүүл. Эдгээр нь ариун сүм, хамтдаа залбирч эсвэл тоглож байгаа гэр бүл мөн гэрлэж буй хос байж болно. Дараа нь гэр бүлийн тунхгаас зургуудтай холбоотой өгүүлбэрүүдийг хүүхдүүд олж болно. Итгэлийн тунхагт Их Эзэн эдгээр үнэний талаар юу заадаг вэ?

• Та нар “Би Бурханы хүүхэд” (Хүүхдийн дууны ном, 2) дууг хамт дуулахдаа аль нэг хүүхэд рүү бөмбөг шидээд, “би [хүүхдийн нэр] гэдэг Бурханы хүүхдийг мэднэ” гэж хэл. Дараа нь тэр хүүхэд бөмбөгийг өөр нэг хүүхэд рүү шидэн, тухайн хүүхдийн нэрийг дурдан ижил өгүүлбэрийг хэлнэ. Хүүхдүүдэд гэр бүлийн тунхгаас “тэнгэрлэг эцэг эхийн хайрт сүнслэг хүү, охин” гэсэн хэллэгийг олоход туслан, энэ үнэний талаарх гэрчлэлээ хуваалц.

• Гэр бүлээ хүчирхэгжүүлэх тухай ярилцлагыг эхлэхийн өмнө бид шүдээ мөн бие махбодоо, эсвэл барилга байгууламжийг бат бөх, хүчтэй болгохын тулд юу хийдэг талаар хүүхдүүдтэйгээ ярилц. Дараа нь та тэдгээрийг хүчирхэг гэр бүлийг бий болгохтой адилтгаж болно. Гэр бүлийн тунхгийн долоодугаар догол мөрд байдаг, гэр бүлийн амьдралыг аз жаргал руу хөтөлдөг Христтэй адил байх зарчмуудыг олоход хүүхдүүдэд тусал (мөн энэ долоо хоногийн үйл ажиллагааны хуудсыг үзнэ үү).