Atik Lafwa yo ak Deklarasyon Ofisyèl 1 ak 2 yo

Konsidere apwòch sa a pou etidye Atik Lafwa yo: Pou chak atik lafwa, fè yon “ti-leson” pou eksplike sa ou kwè. Ti-leson ou yo ta dwe gen yon ekriti, foto, kantik oubyen chan pou timoun, oubyen yon eksperyans pèsonèl sou yon verite vivan ki gen relasyon avèk sa atik lafwa a anseye.

Ki diferans verite sa yo fè nan relasyon nou avèk Pè Selès ak Jezikri? Nan ki fason Atik Lafwa yo amelyore etid ou nan levanjil la oubyen ede w pataje levanjil la avèk lòt moun?

Gade nan Gid pou Ekriti yo, “Atik Lafwa,” Biblyotèk Levanjil; L Tom Perry, “Les Doctrines et Principes Contenus dans les Articles de Foi},”Lyawona, Nov. 2013, 46–48; “Chapit 38: Lèt Wentworth la,” nan Enseignements des Présidents de l’église: Joseph Smith, (2011) 435–47.

“Nou kwè [Bondye] pral revele anpil gwo bagay ki enpòtan ankò konsènan Wayòm Bondye a ” (Atik Lafwa 1:9). Avèk prensip sa a nan lespri w, repase Deklarasyon Ofisyèl 1 ak 2 yo, epi chèche mo ak fraz ki fòtifye lafwa ou nan revelasyon kontinyèl. Kijan revelasyon sa yo afekte lavi ou? Kijan yo ede travay wayòm Pè Selès la pwogrese?

Ki evidans ou wè ke “enspirasyon Bondye Toupwisan an” ap dirije Legliz la jodia? (Deklarasyon Ofisyèl 1). Petèt ou ta kapab revize yonn oubyen plis nan mesaj resan konferans jeneral yo, pou w wè fason Seyè aap gide Legliz Li a—ak lavi ou. Mesaj ki pi resan Prezidan Legliz la ka yon bon kote pou kòmanse.

Kisa ou ka fè si oumenm oubyen yon moun ou renmenap lite pou konprann oubyen aksepte sa Seyè a anseye atravè pwofèt Li yo? Poukisa w rekonesan pou yon pwofèt?

Gade tou nan Amòs 3:7; 2 Nefi 28:30; Allen D. Haynie, “Yon Pwofèt Vivan pou Dènye Jou yo,” Lyawona, Me 2023, 25–28; Sijè ak Kesyon, “Pwofèt yo,” Biblyotèk Levanjil la; “Seigneur, merci pour le prophèt,” cantiques, no. 10.

Nan “Ekstrè yo ki soti nan Twa Diskou Prezidan Wilford Woodruff konsènan Manifès la” (nan fen Deklarasyon Ofisyèl 1) la, ki rezon pwofèt la te bay pou Senyè a te mete fen a pratik maryaj pliral la? Kisa sa a anseye w konsènan travay Bondye a?

Pou plis enfòmasyon konsènan kontèks istorik Deklarasyon Ofisyèl 1la, gade 2:602–15; “Le Mesajer et le Manifeste,” nan Revelations dans leur contexte, 323–31;ak “Marriage Plural et les Premières Familles en Utah,” Biblyotèk Levanjil la.

Nou pa konnen poukisa òdonasyon prètriz ak òdonans tanp pat disponib pou manm Legliz ki gen desandans Afriken pou yon tan. Menm lè nou fè fas a kesyon difisil san repons konsènan règleman sa a, anpil Sen Dènye-jou ki nwa te konfye Seyè a (gade nan Pwovèb 3:5) epi yo te rete fidèl a Li atravè lavi yo. Aprann konsènan lafwa ak eksperyans yo ta ka enspiran pou ou. Men kèk nan istwa yo, ki disponib nan history.ChurchofJesusChrist.org:

• “Jane Elizabeth Manning James”

• “Nan Kay Papa m nan gen anpil Chato” (istwa sou Green Flake)

• “You Have Come at Last (Ou vini finalman)” (istwa sou Anthony Obinna)

• “Break the Soil of Bitterness (Kase Sòl Amètim nan)” (istwa sou Julia Mavimbela)

• “I Will Take It in Faith (M ap Pran l ak Lafwa)” (istwa sou George Rickford)

• “Long-Promised Day” (istwa of Joseph W. B. Johnson)

Pandan w ap li Deklarasyon Ofisyèl 2, kisa w aprann konsènan pwosesis Seyè a pou gide règleman Legliz Li a? Medite sou fason ou aprann konfye Seyè a menm lè ou pa gen yon konpreyansyon pafè.

Gade tou nan 2 Nephi 26:33; “Témoin de la Fidélité,” nan Révélations dans leur contexte,, 332–41; Sijè ak kesyon, “Race et la Prêtrise,” Bibliyotèk Levanjil la; Ahmad Corbitt, “A Personal Essay on Race and the Priesthood,” pati 1–4,history.ChurchofJesusChrist.org; BeOne.ChurchofJesusChrist.org.

• Konsidere chèche epi chante kantik oubyen chan pou timoun ki ka ede timoun yo konprann youn oubyen plis nan Atik Lafwa yo. Petèt, yo ka ede w chwazi kantik ak chan yo. Ede timoun ou yo wè kouman chan yo gen relasyon avèk Atik Lafwa yo.

• Oumenm ak timoun ou yo ta ka travay ansanm pou ekri kesyon moun ta ka genyen konsènan levanjil Jezikri oubyen Legliz Li a. Apresa, nou ta ka travay ansanm pou reponn kesyon sa yo, itilize Atik Lafwa. Ki lòt kote nou ka ale lè nou gen kesyon konsènan levanjil la

• Pou ede timoun ou yo konprann nevyèm atik lafwa a, petèt ou ta ka ba yo ekriti yo ak yon foto pwofèt vivan an (oubyen yon revi konferans resan Lyawona a). Mande yo pou yo leve ekriti yo anlè pandan w ap li pawòl “tout sa Bondye revele oubyen revi a pandan w ap li “tout sa Li revele kounyea” (Atik Lafwa 1:9). Poukisa nou bezwen ni ansyen pwofèt ak modèrn yo?

• Timoun ou yo ta ka aprann fason pawòl pwofèt yo gide nou lè nou swiv enstriksyon pou fè yon bagay, tankou manje ak jwèt. Ou ta ka konpare sa avèk enstriksyon Jezikri te ban nou atravè pwofèt la. Ki kèk bagay Seyè a anseye nou atravè pwofèt vivan Li a jodia?

• Petèt, lè yo wè kouman ansyen ekriti yo gen relasyon avèk revelasyon modèn yo, sa ta ka ede timoun konprann Deklarasyon Ofisyèl yo. Ou ta ka mande yo li Travay 10:34–35 ak Jakòb 2:27–30 epi envite yo detèmine ki ekriti ki gen relasyon avèk Deklarasyon Ofisyèl 1 (ki te mennen nan sispann maryaj pliryèl) epi ki gen relasyon avèk Deklarasyon Ofisyèl 2 (ki te anonse ke òdonasyon prètriz ak òdonans tanp disponib pou moun nan tout ras). Rann temwayaj ou ke Senyè a revele volonte l bay pwofèt tan lontan ak pwofèt modèn.