Lus Qhuab Qhia thiab Kev Khi Lus 129–132

Yeej muaj ntau yam uas peb tsis paub txog kev tsa nto los sis kev ua neej hauv theem siab tshaj plaws ntawm lub nceeg vaj xilethi-aus—yog ib lub neej uas Vajtswv muaj. Tej zaum peb tsis txawj to taub tej yam ntawd. Tiam sis Vajtswv tau muab me ntsis tshwm sim rau peb, thiab ntau yam ntawd nyob hauv phau Lus Qhuab Qhia thiab Kev Khi Lus 130–32. Tej zaum koj yuav xav nyeem nrog tej lus nug zoo li no hauv koj lub siab: Kuv kawm dab tsi txog Vajtswv? Kuv kawm dab tsi txog lub neej tom qab lub neej hauv lub ntiaj teb no? Tej yam tseeb txog txoj sia nyob mus ib txhis ua li cas pab kuv lub neej tam sim no?

Kuj saib “Our Hearts Rejoiced to Hear Him Speak,” nyob hauv Revelations in Context, 277–80.

Koj yuav hais li cas kom piav txog tej yam uas tus Tswv qhia nyob hauv Lus Qhuab Qhia thiab Kev Khi Lus 130:20–21 thiab 132:5? Cia li xav seb koj ua raws li lub ntsiab cai no li cas.

Tej lub sij hawm, txawm peb ua raws li Vajtswv hais los, tej koob hmoov uas peb xav tau yuav tsis los sai heev. Koj yuav ua li cas kom muaj koj txoj kev ntseeg thiab kev cia siab thaum tej yam no tshwm sim? Nrhiav tej lub tswv yim nyob hauv Txwj Laug D. Todd Christofferson’s zaj lus “Peb txoj Kev Txheeb Ze Vajtswv” (Liyahaunas, Tsib Hlis Ntuj 2022, 78–80).

Kuj saib 1 Nifais 17:35; Lus Qhuab Qhia thiab Kev Khi Lus 82:10.

Dhau los ntawm tus Yaj Saub Joseph Smith, tus Tswv tau muab tej lus tseeb txum tim rov qab los yog qhov uas tias kev sib yuav thiab peb tsev neeg txoj kev sib raug zoo nyob tau mus ib txhis. Thaum koj nyeem Lus Qhuab Qhia thiab Kev Khi Lus 132:13–21, nrhiav tej kab lus uas pab koj to taub tias tej yam dab tsi yuav “nyob” mus ib txhis li thiab tej yam dab tsi yuav tsis nyob. Koj xav hais tias kev sib yuav txoj kev sib raug zoo “los ntawm [tus Tswv]” txhais li cas? (nqe 14).

Nyob hauv nws zaj lus “Qhuas Cov uas Cawm Lwm Tus,” Thawj Tswj Hwm Dieter F. Uchtdorf hais txog kev sib yuav txoj kev sib raug zoo nyob mus ib txhis txawv tej yam “siv ta pov tseg” (Liyahaunas, Tsib Hlis Ntuj 2016, 77–78). Tej yam sib txawv no qhia tau koj txog kev tu—los sis kev npaj rau—kev sib yuav txoj kev sib raug zoo li cas? Xav txog koj tsev neeg txoj kev sib raug zoo—tam sim no thiab yav tom ntej—thaum koj nyeem Txwj Laug Uchtdorf zaj lus. Koj nrhiav tau dab tsi nyob hauv uas pab koj tso siab rau Khetos pab kom koj tsev neeg sib raug zoo?

Thawj Tswj Hwm Henry B. Eyring tau qhia txog tej lus ntuas uas nws txais thaum nws tau txhawj txog nws tsev neeg: “Koj yuav tsum ua neej tsim nyog txais lub nceeg vaj xilethi-aus, koj thiaj yuav muaj ib tsev neeg uas zoo tshaj qhov koj xav” (nyob hauv “}Ib lub Tsev uas tus Tswv tus Ntsuj Plig Nyob Haud{,” Liyahaunas, Tsib Hlis Ntuj 2019, 25). Zaj lus no yuav pab koj los sis ib tug uas koj hlub li cas?

Kuj saib “Tsev Neeg Nyob Tau Ua Ke Mus Tas Ib Txhis,” Cov Nkauj Qhuas Vajtswv, zaj 141; Tej Ntsiab Lus thiab tej Lus Nug, “Kev Sib Yuav,” Txoj Moo Zoo cov Ntawv.

Neeg feem coob uas nyeem Phau Qub tau xav txog qhov uas Anplaham, Ixaj, Yakhauj, Mauxes, thiab lwm tus txoj kev yuav ntau tus poj niam. Tus Tswv cov tub qhe no puas tau deev luag poj luag txiv? Vajtswv puas tau pom zoo rau lawv tej kev sib yuav? Joseph Smith muaj tej lus nug ib yam li ntawd. Nrhiav tej lus teb uas tus Tswv tau hais nyob hauv Lus Qhuab Qhia thiab Kev Khi Lus 132:1–2, 29–40.

Kev sib yuav ntawm ib tug txiv neej thiab ib tug poj niam yeej yog Vajtswv txoj kev cai txog kev sib yuav (saib zaj lus piav txog tshooj rau Zaj Lus Tshaj Tawm Raug Cai 1; Yakhauj 2:27, 30). Txawm li ntawd los, twb muaj tej lub sij hawm hauv keeb kwm thaum Vajtswv tau txib Nws cov me nyuam yuav ntau tus poj niam.

Tej xyoo thaum nyuam qhuav muab lub Koom Txoos txum tim rov qab los yeej yog ib lub sij hawm zoo li ntawd. Yog koj xav kawm txog Tsoom Haiv Neeg Ntseeg hauv Hnub Nyoog Kawg thaum ub txoj kev yuav ntau tus poj niam, saib “Mercy Thompson and the Revelation on Marriage” (nyob hauv Revelations in Context, 281–93); Saints, 1:290–92, 432–35, 482–922, 502–4; Tej Ntsiab Lus thiab tej Lus Nug, “Kev Yuav Ntau tus Poj Niam hauv Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg,” Txoj Moo Zoo cov Ntawv; “Why Was It Necessary for Joseph Smith and Others to Practice Polygamy?”” (vidi-aus), ChurchofJesusChrist.org.

10:8

• Phau Lus Qhuab Qhia thiab Kev Khi Lus 132:13 qhia dab tsi rau peb txog tej yam ntawm lub ntiaj teb? Tej zaum koj thiab koj cov me nyuam yuav xav tso khoom hauv ib lub thawv los sis lub hnab ua ke, tso khoom uas sawv cev rau tej yam uas peb yuav muaj hauv lub neej tom ntej, raws li qhia hauv Lus Qhuab Qhia thiab Kev Khi Lus 130:2, 18–19; 132:19.

• Tej zaum koj qhia tau ib yam dab tsi uas tsis nyuaj rau koj cov me nyuam to taub txog txoj kev ua raws li Vajtswv tej lus txib. Piv txwv hais tias, koj nug tau lawv kom qhia koj kev mus qhov twg, xws li tsev kawm ntawv los sis lub tsev Koom Txoos. Muaj dab tsi tshwm sim thaum peb tsis ua raws li tej kev qhia? Ces, koj nyeem tau Lus Qhuab Qhia thiab Kev Khi Lus 130:21 thiab muab tej kev qhia no sib piv nrog Vajtswv tej lus txib uas Nws tau muab rau peb.

• Tej zaum nej yuav hu ib zaj nkauj ua ke txog kev mloog lus, xws li “Keep the Commandments” (Children’s Songbook, 146–47), thiab nrhiav tej lus nyob hauv Lus Qhuab Qhia thiab Kev Khi Lus 130:20–21 thiab 132:5 uas zoo li tej lus hauv zaj nkauj. Vajtswv foom koob hmoov li cas rau peb thaum peb siv zog ua raws li Nws tej lus txib?

• Tom qab nyeem Lus Qhuab Qhia thiab Kev Khi Lus 130:22 ua ke, tej zaum koj thiab koj cov me nyuam yuav xav ntsia ib daim duab txog Yexus Khetos thiab taw tes rau Nws lub qhov muag, Nws lub qhov ncauj, thiab lwm yam hauv Nws lub cev. Koj cov me nyuam kuj taw tes rau tej yam ntawd hauv lawv lub cev thiab. Qhia lawv vim li cas tseem ceeb rau koj paub tias peb cov cev zoo nkaus li Leej Txiv Saum Ntuj Ceeb Tsheej thiab Yexus Khetos cov cev.

• Pab koj cov me nyuam nrhiav tej yam uas tsis kav ntev xws li—zaub mov uas tsis kav ntev, paj uas tsis ka ntev, thiab lwm yam. Ces, nyeem Lus Qhuab Qhia thiab Kev Khi Lus 132:19 ua ke thiab nrhiav tej kab lus xws li “txoj kev khi lus uas kav ib txhis,” “sib khi ua ke,” “nyob mus ib txhis,” thiab “mus ib txhiab thiab ib txhis li.” (Kuj saib “Tshooj 55: Ib txoj Kev Tshwm Sim txog Kev Sib Yuav,” nyob hauv Cov Dab Neeg hauv phau Lus Qhuab Qhia thiab Kev Khi Lus, 198, los sis qhov vidi-aus nyob hauv Txoj Moo Zoo cov Ntawv.) Tej zaum nej kuj yuav xav saib tej daim duab txog koj tsev neeg thiab ua tim khawv tias tus Tswv tau qhib kev los ntawm cov kab ke thiab khi lus hauv lub tuam tsev rau tsev neeg nyob tau ua ke mus ib txhis.

0:42