Doktrin ak Alyans 129–132

Gen anpil bagay nou pa konnen konsènan egzaltasyon oubyen lavi nan pi wo degre wayòm selès la—kalite lavi Bondye viv la. Anpil ladan yo kapab depase kapasite aktyèl nou pou nou konprann. Men Bondye te revele kèk endis presye, e nou jwenn anpil ladan yo nan Doktrin ak Alyans 130–32a. Ou ka li yo avèk kesyon tankou sa yo nan lespri ou: Kisa m aprann osijè Bondye? Kisa m aprann konsènan lavi apre mòtalite a? Kijan enfòmasyon sa a konsènan lavi etènèl beni lavi mwen kounyea?

Gade tou “Nous nous réjouissons de l‘entendre parler,” nan Révélations dans leur contexte, 277–80.

Nan pwòp pawòl pa w, kijan ou ta dekri sa Senyè a anseye nan Doktrin ak Alyans 130:20-21 ak 132:5yo? Reflechi sou kijan prensip sa a te manifeste nan lavi ou.

Gendefwa, menm lè nou obeyisan anvè Bondye, benediksyon nou ap atann yo pa vini tousuit. Kijan nou mantni lafwa nou ak espwa nou lè sa rive? Chèche enspirasyon nan mesaj Eldè D. Todd Christofferson la “Relasyon Nou Avèk Bondye” (Lyawona, Me 2022, 78–80).

Gade tou 1 Nefi 17:35; Doktrin ak Alyans 82:10.

Atravè Pwofèt la Joseph Smith, Senyè a te retabli verite konsènan kijan maryaj ak reslasyon familyal yo kapab etènèl. Pandan w ap li Doktrin ak Alyans 132:13–21an, chèche fraz ki ede w konprann ki diferans ki genyen ant sa ki ap “rete” etènèl ak sa ki pral detwi. Kisa w panse sa vle di pou yon relasyon maryaj “fèt pa [Bondye]”? (vèsè 14).

Nan mesaj li a “Louanj pou moun ki sove lòt,” Prezidan Dieter F. Uchtdorf konpare relasyon yon maryaj etènèl avèk bagay ki “jetab” (Liahona, Me 2016, 77-78). Kisa diferans sa a anseye ou sou kijan pou n nouri—oubyen prepare pou—yon relasyon maryaj? Reflechi sou relasyon ou genyen ak fanmi ou—kounyea ak nan lavni—pandan w ap li mesaj Eldè Uchtdorf la. Kisa w jwenn ki ba w espwa nan Senyè a pou relasyon familyal ou yo?

Prezidan Henry B. Eyring te pataje konsèy sa a li te resevwa lè li te enkyete pou sitiyasyon pwòp fanmi pa l: “Sèlman viv diy pou wayòm selès la, epi aranjman familyal yo pral pi mèvèye pase sa w ta ka imajine” (nan “Yon Fwaye Kote Lespri Senyè a Abite,” Lyawona, Me 2019, 25). Kijan konsèy sa a ta ka ede w oubyen ede yon moun ou konnen?

Gade tou “Ensemble à tou jamais,“ Cantiques, no. 192; Sijè ak Kesyon, “Mariage,” Bibliyotèk Levanjil.

Anpil moun ki li Ansyen Testaman an poze tèt yo kesyon sou Abraram, Jakòb, ak Moyiz, ak lòt moun ki te marye avèk plizyè madanm. Eske sèvitè Senyè sa yo t ap komèt adiltè? Èske Bondye te apwouve aksyon yo? Joseph Smith te gen menm kesyon sa yo. Chèche repons Bondye te bay nan Doktrin ak Alyans 132:1–2, 29–40.

Maryaj ant yon gason ak yon fi se modèl Bondye bay pou maryaj (gade antèt seksyon Deklarasyon Ofisyèl 1; Jakòb 2:27, 30). Sepandan, te gen peryòd kote Bondye te kòmande pitit Li yo pou yo pratike maryaj pliral.

Premye ane yo nan Legliz retabli a sete youn nan peryòd eksepsyon sa yo. Si ou vle aprann plis konsènan maryaj pliral pami premye Sen yo, gade “Mercy Thompson et la révélation sur le mariage” (nan Révélations dans leur contexte, 281-93); Les saints, 1:290-92, 432-35, 482-92, 502-4; Sujets et questions, “Le mariage plural dans l’Église de Jésus-Christ des Saints des Derniers Jours,” Bibliyotèk Levanjil la; “Why Was it Necessary for Joseph Smith and Others to Practice Polygamy (Poukisa L te Nesesè pou Joseph Smith ak Lòt te Pratike Poligami)?” (videyo), ChurchofJesusChrist.org.

10:8

• Kisa Doktrin ak Alyans 132:13 anseye nou konsènan bagay mond lan? Petèt oumenm ak pitit ou ta kapab ranpli yon malèt oubyen yon valiz lekòl avèk atik ki reprezante bagay ke, daprè Doktrin ak Alyans 130:2, 18–19; 132:19yo, nou ka pote avèk nou nan lavi k ap vini an.

• Petèt yon senp konparezon ta kapab anseye pitit ou konsènan obeyisans anvè kòmandman Bondye yo. Pa egzanp, ou gendwa mande yo pou yo ba ou direksyon pou w mache ale yon kote, tankou yon lekòl oubyen yon Legliz. Kisa k rive lè nou pa suiv direksyon yo? Apresa, ou kapab li Doktrin ak Alyans 130:21 an epi konpare direksyon sa yo konsènan kòmandman Bondye te bannou yo.

• Ou gendwa chante ansanm yon chan sou obeyisans tou, tankou “Pour trouver la paix” (Chants pour les enfants, 68-69), epi chèche mo nan Doktrin ak Alyans 130:20-21 ak 132:5 yo ki sanble ak mo ki nan chante a. Kijan Bondye beni nou lè nou fè efò pou n kenbe kòmandman Li yo?

• Apre nou fin li Doktrin ak Alyans 130:22 ansanm, oumenm ak pitit ou kapab gade yon foto Jezikri epi pwente sou je Li, bouch Li, ak lòt pati sou kò Li. Apre sa yo ta kapab pwente sou menm pati nan pwòp kò pa yo. Di yo poukisa li enpòtan pou ou pou w konnen ke kò nou sanble ak kò Papa nou ki nan Syèl la ak Jezi.

• Ede timoun yo jwenn egzanp kèk bagay ki pa dire pou tout tan—tankou manje ki gate, flè ki fane, elatriye. Apresa, gade nan Doktrin ak Alyans 132:19 ansanm epi jwenn fraz kle tankou “alyans etènèl,” “sele,” “nan tout letènite,” ak “pou toujou ajamè.” (Gade “Chapit 55:Yon Revelasyon sou Maryaj,” nan Istwa Doktrin ak Alyans yo, 198, oswa videyo korespondan an nan Bibliyotèk Levanjil.) Ou gendwa gade foto fanmi ou yo tou epi rann temwayaj ke Senyè a te fè l posib, atravè òdonans yo ak alyans tanp la, pou fanmi yo ka pou toujou ajamè.

0:42