Doktrin ak Alyans 125–128

Apre l retounen soti nan yon misyon nan Angletè—youn nan anpil misyon li te sèvi—Brigham Young te resevwa yon lòt apèl enpòtan de Senyè a. Li te mande l pou “bay fanmi [li] swen espesyal” (vèsè 3), yo t ap soufri nan absans li. Pandan w ap etidye seksyon sa a, konsidere poukisa pafwa Senyè a mande sakrifis nan sèvis nou. Kisa ou ka fè pou pran swen fanmi ou?

Gade tou “Prends bien soin de ta famille,” nan Révélations dans leur contexte,, 242–49.

Fo akizasyon ak menas arestasyon te fòse Joseph Smith al kache yon fwa ankò an Out 1842. Epi malgre sa pawòl li te ekri Sen yo pandan moman sa a (kounyea Doktrin ak Alyans 127) chaje optimis ak lajwa. Kisa vèsè 2–4 anseye nou konsènan Bondye? konsènan fè fas ak mokri oswa opozisyon? Ki fraz nan vèsè sa yo ki t ap ede ou lè ou santi w pèsekite? Konsidere pou w anrejistre kijan Senyè a soutni w nan “dlo pwofon” lavi ou.

Lè w ap li Doktrin ak Alyans 127:5–8; 128:1–8, chèche jwenn rezon Senyè a te bay Joseph Smith enstriksyon spesifik sa yo konsènan anrejistreman batèm pou mò yo. Kisa bagay sa a anseye nou konsènan Senyè a ak travay Li a? Kijan ou santi enstriksyon sa a aplike pou pwòp rejis fanmi ou yo, tankou jounal pèsonèl yo?

Li klè apati sa Bondye te revele atravè Joseph Smith poukisa zansèt nou yo ki pa t batize nan lavi sa a bezwen nou: nou batize nan plas yo yon fason pou yo ka aksepte oswa rejte òdonans sa a. Men Pwofèt te anseye tou ke sali zansèt nou yo “ak essansyèl pou sali nou.” Pandan w ap li Doktrin ak Alyans 128:15–18, reflechi konsènan rezon sa konsa.

Vèsè 5 anseye ke òdonans batèm pou mò yo te “prepare anvan fondasyon mond lan.” Kisa verite sa a anseye nou konsènan Bondye ak plan Li a? Kisa mesaj Eldè Dale G. Renlund “Istwa Familyal ak Travay Tanp: Sèlman ak Gerizon” ajoute sou konpreyansyon ou? Lyawona, Me 2018, 46–49).

Joseph Smith te itilize fraz tankou “pouvwa ki lye,” “lyen ki soude,” ak “inyon ki pafè” lè l ap anseye sou òdonans prètriz yo ak batèm pou mò yo. Chèche fraz sa yo ak lòt ki sanble avèk yo pandan w ap li Doktrin ak Alyans 128:5–25. Eske ou ka panse ak objè ou ta ka itilzie pou ilistre fraz sa yo, tankou yon chèn oswa yon kòd? Poukisa sa yo se bèl fraz pou dekri doktrin sa a?

Konsidere kesyon sa yo gendwa ede etid ou nan vèsè sa yo:

• Selon opinyon w, poukisa batèm pou mò yo ka konsidere kòm “pi gloriye nan tout aspè ki gen pou wè ak levanjil etènèl la”? (verse 17). Ki eksperyans ki te ede w santi w fason sa a?

• Nan ki sans tè a gendwa modi si pa t gen “okenn … lyen ki koneksyon ant paran yo ak pitit yo”? (vèsè 18).

• Kisa k enpresyone w nan pawòl Joseph Smith yo ki nan vèsè 19–25? Kijan vèsè sa yo afekte fason ou santi w konsènan Jezikri? konsènan sèvis tanp lpou zansèt nou yo? (gade tou “Come, Rejoice,” Cantiques, no. 9).

Apre w fin etidye vèsè sa yo, ou ka santi w enspire pou w fè yon bagay pou zansèt ou yo. Ide yo nan FamilySearch.org ta ka ede.

Videyo “pou Enspirasyon yo” nan koleksyon “Tanp ak Istwa Familyal yo” nan Bibliyotèk Levanjil la ka ba ou èd pratik, istwa ki enspiran, ak mesaj ki soti de dirijan yo konsènan istwa familyal.

Gade tou Kevin R. Duncan, “Yon Vwa Kontantman!,” Lyawona, Me 2023, 95–97.

Prezidan Gordon B. Hinckley te di:

“Ekspyasyon Jezi nan plas tout moun nan reprezante yon gwo sakrifis pa pwokirasyon. Li tabli modèl ki fè Li vin tounen yon mandatè pou tout limanite. Modèl sa a ki fè yon moun kapab aji nan non yon lòt la transmèt nan òdonans yo nan kay Senyè a. Ladan nou sèvi nan non moun ki te mouri san yo pat konnen levanjil la. Se yo ki gen responsablite pou asepte oswa rejte òdonans ki fèt la. Yo plase sou yon pyedegalite avèk moun ki ap mache sou tè a. Mò yo resevwa menm opòtinite ak vivan yo. Yon fwa ankò, ala yon bagay gloriye ak mèveye se pwovizyon Toupuisan an te fè atravè revelasyon L pou Pwofèt Li a” (“Les Grandes Choses que Dieu a Révélées,” Lyawona, Me 2005, 82–83).

• Pou ede timoun ou yo aprann sèvi manm fanmi yo, konsidere pataje enfòmasyon konsènan Brigham Young lan nan “Chapit 50: Les Saints en Nauvoo” (nan Istwa Doktrin ak Alyans yo, 184, oswa videyo korespondan an nan Bibliyotèk Levanjil la) oswa fè rezime Doktrin ak Alyans 126 nan pwòp mo pa w. Ou gendwa mete aksan sou fraz “bay fanmi ou swen spesyal” (vèsè 3) epi pale avèk timoun ou yo konsènan sa li vledi pou bay fanmi nou yo swen spesyal.

  

  1:33

• Li gendwa amizan poiu ou ak timoun ou yo pou nou gade foto fanmi yo (oswa desine foto) pandan n ap pale ansanm konsènan fason nou ka ede “pran swen” manm fanmi yo. Nou ta ka chante tou yon chan tankou “Notre Foyer ici-bas” (Cantiques, no. 188).

• Envite timoun ou yo pou yo reyalize apati Doktrin ak Alyans 128:1 ki sijè ki te okipe lespri Joseph Smith. Yo ta ka chèche tou nan vèsè17 pou jwenn ki sijè li te konsidere ki te “pi gloriye a.” Kite yo pataje sa yo jwenn epi pale konsènan rezon ki fè sijè sa a enteresan konsa.

• Anplis ede timoun ou yo prepare pou )epi viv) pwòp alyans batèm pa yo, ou ka ede yo konnen kijan pou ede moun yo ki pa te fè alyans sa yo pandan lavi pa yo. Konsidere pale timoun ou yo konsènan yon moun poiu konnen ki te mouri san l pa t batize. Apresa nou ta ka li ansanm Doktrin ak Alyans 128:5 epi gade yon foto fon batismo yon tanp (tankou sila ki nan fen plan sa a). Di timoun ou yo kisa ou santi konsènan resevwa batèm nan tanp yo nan pals moun ki mouri konsa tout moun gen yon chans pou fè alyans avèk Pè Selès la.

• Li gendwa amizan pou ou ak timoun ou yo fè yon chèn an papye avèk non paran yo, granparan yo, ak grangran paran yo, ak rès yo (gade paj aktivitesemèn sa a). Apresa nou ta ka patyaje youn ak lòt sa nou konnen konsènan zansèt sa yo. Li ansanm Doktrin ak Alyans 128:18 pou dekouvri ki “lyen koneksyon” ki rann istwa familyal nou “total ak konplè.” Nou ta ka gade tou videyo “Kouraj: M panse M pran sa nan Li” (Bibliyotèk Levanjil la).

  

  1:38

• Ou ka jwenn aktivite adisyonèl pou ede timoun ou yo patisipe nan istwa familyal nan “Le Temple et le Plan de Bonheur” nan apendis B oswa nan FamilySearch.org.