“Mêyi a Dipinguluja: Nsangilu wa Diambuluisha,” Luaku, Undonde—Bua mu Dîku ne mu Ekelezia: Dilongesha ne Bipungidi 2025 (2025)
“Nsangilu wa Diambuluisha,” Luaku, Undonde—Bua mu Dîku ne mu Ekelezia: 2025
Mêyi a Dipinguluja
Nsangilu wa Diambuluisha
Panyima pa Nsangilu wa Diambuluisha mulongolodibua mu Nauvoo, Illinois, Muambi Joseph Smith wakamba, “Ekelezia kavua muanji kulongolodibua ne buakana anu pavua bamamu balua balongolodibua.” Momumua, dilonga dia Dipinguluja dia Ekelezia wa Mukalenga ne buakuidi kabiena biwujibua to anu biobi biangata kulonga kua Nsangilu wa Diambuluisha, udi nkayenda “dipinguluja dia mushindu wa kala” wa bakaji bayidi ba Yezu Kilisto.
Eliza R. Snow uvua ne mudimu wa mushinga mu dipinguluja edi. Uvua koku pavua Nsangilu wa Diambuluisha mulongolodibua bua musangu wa kumpala ne, bu mufundi wa nsangilu, wakafunda miaku mu bisangilu ebi. Wakajadika bua musangu wa kumpala ne nsangilu wa Diambuluisha uvua mulongolodibua “mu luidi lua buakuidi.” Kuinshi eku kudi mêyi mafunda pavuayi usadila bu Mulombodi Mukulu Munena muibidi wa Nsangilu wa Diambuluisha, bua kuambuluisha bamamu benda bua kumvua mudimu wa bunzambi mubapesha kudi bana bakaji ba tshipungidi ba Nzambi.
Bua kulonga bia bungi pa mushindu uvua Nsangilu wa Diambuluisha mulongolodibua, tangila Daughters in My Kingdom: The History and Work of Relief Society (2017), 1–25; The First Fifty Years of Relief Society (2016), 3–175.
Dipenta dia Bulongolodi bua Nsangilu wa Diambuluisha kudi Paul Mann
Eliza R. Snow
“Nansha dina [Nsangilu wa Diambuluisha] didi mua kuikala dina dia mpindiewu, bulongolodi ebu budi bua mbangilu wa kala. Bavua ba tuambila kudi [Joseph Smith], ne bulongolodi bua momumua ebu, buvuaku mu ekelezia wa kala, mafanyikiji ku bidi bienza mu imua mikanda mifunda mu Dipungila Dipia-Dipia, benzela tshiena bualu, ‘mukaji musungula’ [tangila 2 Yone 1:1; Dilongesha ne Bipungidi 25:3].
“Etshi tshidi bulongolodi budi kabuyi mua kuikalaku kakuyi Buakuidi, bualu bidi biumbukila ku bukokeshi buabu ne buenzeji bua ku mushimi awu. Pavua buakuidi bumbushibua pa buloba, bulongolodi ebu ne tshikumbaji tshionsu tshia mulongu mulelela wa ekelezia wa Yezu Kilisto pa buloba kulua tshijima. …
“Ne dikalangana mu bulongolodi bua ‘Nsangilu wa Diambuluisha wa Bakaji ba Nauvoo,’ … kabidi ne dipeta dia dimanya dishidimuka mu nsangilu awu, kumisangu ndi mua kumanyisha ngenyi mikesa idi bua kuambuluisha bana bakaji ba Siona mu dibuela mu bulongolodi ebu, budi buwujibua ne majitu matungunuka a bungi mapia-mapia. Pikala bana bakaji ne ba mamu mu Isalele badi bumvua kabayi bakumbana bua kuleja buikadi buabu mu bitupa bidibobu, mpindiewu nebapeta bipolu binena bua kuikala bakumbana bua kuenzela, bipedi ne mamanya abu mimpe adibu nawu a bungi.
Nsangilu wa Diambuluisha uvua mulongolodibua mu nzubu wa kulu wa Tshibutshilu tshia Madiotu Makunza.
“Pikala muntu udiabakena, ntshinyi tshidi kipatshila ka Nsangilu wa Diambuluisha wa bakaji? Ndi mua kumuandamuna [kipatshila kadi] ka—kuenza bimpa—kuenzela makumbanyi onsu atudinawu bua kuenza bimpa, kabiyi anu kuambuluisha bapela kadi mu kusungila anyima yabu. Budienzeji busangisha nebukumbaja bintu bipita bungi bidi mua kuikala bikumbajibua kudi buenzeji buakana bua nkaya. …
Mu diabanyina bapela, Nsangilu wa Diambuluisha wa bakaji udi ne majitu makuabu a kukumbaja kayi anu majinga a mubidi. Kumpangila kuikala bapeshibua ngumu (pa biena bualu) ne kudiumvua kuyi disanka mu mishindu mikuabu, kulomba ntema; ne mu misangu ya bungi mishindu ya kuleja lusa—meyi makesa a mubelu, anyi nasha a dinanga ne kuelangana moyo ku bianza wa disanka neatamba kuenza bimpa ne bikala bianyishibua biakana bitamba tshibuta tshia ngolo. …
Pavua Bansantu basangilu ku musoku wabenda, bengi kudi bantu bonsu, ne bikala bua kulombodibua bibi kudi aba badi bakeba bipolu bua kudinga, Nsangilu wa [Diambuluisha] uvua ne budimu bua [kubakeba], kubabueja mu nsangilu udi mua kubapeluja ne kubakankamika, ne ku mutu kua bionsu bidi bibakankamika mu ditabuija dia Lumu Luimpa, ne mu dienza nunku, badi bambuluisha bua kusungila ba bungi.
“Bidi bilomba mikanda ya bungi idi ne tshia kumvuija midimu, mishindu ne majitu adi alua mu makumbaji a Nsangilu. … Enza mudimu ewu (muinshi mua bulombodi bua muepiskopo) mu tshimuma, kakuyi dienzeja, ne tshisumi, mu bobumua ne mu disambila, ne Nzambi neabenesha madienzeji eba ne diya kumpala”