“Ngondu wa Dikumi 27–Ngondu wa Dikumi ne Umua 2: ‘Nzubu mu Dina Dianyi’: Dilongesha ne Bipungidi 124,” Luaku, Undonde—Bua mu Dîku ne mu Ekelezia: Dilongesha ne Bipungidi 2025 (2025)

“Dilongesha ne Bipungidi 124,” Luaku, Undonde—Bua mu Dîku ne mu Ekelezia: 2025

Ngondu wa Dikumi 27–Ngondu wa Dikumi ne Umua 2: Nzubu mu Dina Dianyi

Dilongesha ne Bipungidi 124

Bu muvuabi bikola mu bidimu bisambombu bishala bua Bansantu, bintu bivua bibanga kumueka biakana mu printemps wa 1839: Bansantu bipata bavua bapeta lusa munkatshi mua bena ditunga dia Quincy, Illinois. Balami bavua bitabijila Joseph Smith ne balombodi bakuabu ba Ekelezia bua kunyema bupika mu Missouri. Ne Ekelezia uvua musumba bulaba mu illinois, muaba uvua Bansantu bua kusangila kabidi. Eyowa, uvua muaba wa lunteka, buloba buvua ne tumua, kadi kufuanyikija ku ntatu ikavua Bansatu bapeta, eyi idi ikumbana bua kuyambula. Bakakoka bitotshi bionsu ne kufunda charte wa tshimenga tshipia-tshipia, tshivuabu binyika Nauvoo. Tshidi tshiumvuija “tshilengela” mu tshiena Ebelu, kadi nansha katshiyi muaku wa ditabuija tshikala diumvuija dijalama, dia kumpala. Mu mushindu mukuabu, Mukalenga uvua ubueja mu Muambi wenda luidi lua kuenza mu lukasa. Uvua ne malelela a bungi ne milulu ya kupingajilula, ne uvua munjinga ntempelo muaba uvuayi mua kuasa Bansantu benda tshifulu tshia butumbi ne bunema, dibenga kufua ne moyo wa tshiendelela (Dilongesha ne Bipungidi 124:55). Mu mishindu ya bungi, ngumvuilu ya momumua eyi ya ditabuija ne kuenza mu lukasa bidi bijadika mu mudimu wa Mukalenga lelu.

Tangila kabidi Saints, 1:399–427; “Organizing the Church in Nauvoo,” mu Revelations in Context, 264–71.

Longa bia bungi pa miaba ya kumona ya kala ya Ekelezia mu Illinois.

Ngenyi bua Kulonga mu Dîku ne mu Ekelezia

Dilongesha ne Bipungidi 124:2–11

Ndi bua kubikila bakuabu bua kulua kudi Kilisto.

Mukalenga wakambila Muambi Joseph Smith bua kuenza dimanyisha dia lumu luimpa luenda kudi ba mfumu bonsu ba pa buloba ne moyo mushindame (tangila Dilongesha ne Bipungidi 124:2–11). Wewa mupeshibua bujitu ebu, tshinyi tshiamba dimanyisha dieba pa Yezu Kilisto ne lumu luimpa luenda lupinguluja? Nana meji kabidi pa mushindu uwudi mua kutangalaja bujadiki bueba mu mushindu muakana ne mupepela ne bantu bawudi uyukila nabu dituku dionsu?

Tangila kabidi “Dipinguluja dia Tshiuwidi tshia Lumu Luimpa lua Yezu Kilisto: Dimanyisha dia Bidimu Nkama Ibidi kudi ba pa Buloba,” Tshisangi tshia Lumu Luimpa

Dilongesha ne Bipungidi 124:12–21

Ndi mua kuikala muyidi udi nzambi weyemena.

Suaku wabanyangana ne bakuabu, bu muvua Mupandishi muenza mu Dilongesha ne Bipungidi 124:12–21, ngikadilu ya Muena Kilisto iwudi mumona mu bobu. Mushindu kayi uvuayi mukuleja dinanga ne dieyemena?

Tangila kabidi Richard J. Maynes, “Earning the Trust of the Lord and Your Family,” Liahona, Ngondu wa Dikumi ne Umua 2017, 75–77.

Dilongesha ne Bipungidi 124:22–24, 60–61

Mukalenga musua bua ngakadila ne ngitaba bakuabu.

Pawudi unana meji pa maludiki a Mukalenga mu Dilongesha ne Bipungidi 124:22–24, 60–61, ela meji pa mushindu uwudi mua kuenza nzubu weba ne tshikongu tshieba muaba bu muvua uvua Mukalenga muela meji bua Nauvoo

Tangila kabidi “A Friend to All” (video), ChurchofJesusChrist.org.

Ntempelo wa Nauvoo mu dîbaka — Diumvuija ku Joseph Smith ku Ntempelo wa Nauvoo, kudi Gary E. Smith

Dilongesha ne Bipungidi 124:25–45, 55

Tudi tuibakila Mukalenga ntempelo bua kupeta milulu ya tshijila.

Tshinyi tshiwudi umvua Mukalenga uvua muelela misangu yonsu bantu benda mukenji bua kuibaka ntempelo mu dina dienda dia tshijila? Ela meji bua kuenza lista wa ngeyi iwudi mupeta mu Dilongesha ne Bipungidi 124:25–45, 55. Udi mua kupeta ngenyi mikuabu mu musambu bu mudi “We Love Thy House, O God” (Hymns, no. 247) anyi video “What Is a Temple?” (Tshisangi tshia Lumu Luimpa). Mushindu kayi udi mudimu wa kuibaka ntempelo tshimanyinu tshia dinanga dia Mukalenga bueba?

Katshia ntempelo wa Nauvoo wibakibua mu 1840, ntempelo mipita 300 ikadi mibakibua anyi mimanyishibua. Mulombodi Mukulu Russell M. Nelson wakalongesha: Tudi bamanya ne diba dietu mu ntempelo didi dia mushinga bua lupandu ne dizanjikibua bietu ne bia mêku etu. … Buluishi bua muena lukuna budi bubanda mene-mene, mu bukola ne mu mishindu. Dijinga dietu bua kuikala mu ntempelo musangu yonsu kaditu dianji kutanta” (“Becoming Exemplary Latter-day Saints,” Liahona, Ngondu wa Dikumi ne Umua 2018, 114). Mushindu kayi udi ntempelo mukuambuluisha bua kutantamena “buluishi bua muena lukuna”? Tshinyi tshiwudi umvua tshikusaka bua kulonda mubelu wa Mulombodi Mukulu Nelson?

Tangila kabidi “Why Latter-day Saints Build Temples,” temples.ChurchofJesusChrist.org.

Dilongesha ne Bipungidi 124:45–55

Mukalenga udi ubenesha bantu badi baditatshisha bua kunemeka mikenji yenda.

Bansantu bavua belela mukenji bua kuibaka ntempelo mu compté wa Jackson, Missouri, kadi bavua bapangisha kudi bena lukuna babu (Dilongesha ne Bipungidi 124:51). Tunungu 49–55 tudi ne mukenji wa dijadikila bantu badi dijinga ne kunemeka mikenji ya Nzambi kadi bapangisha bua kubienza bualu bua dîku diabu anyi bipolu bikuabu. Tshinyi tshiwudi mupeta mu tunungu etu tshidi mua kuambuluisha muntu mu mishindu eyi?

Dilongesha ne Bipungidi 124:91–92

Mukalenga udi mua kundudika kupitshila ku dibenesha dia nkambua mukulu.

Panyima pa tatu’enda wa Muambi, Joseph Smith mukulumpa, mufua, Mukalenga kubikila Hyrum Smith ku dibikila divua tatuabu nadi—Nkambua Mukulu wa Ekelezia. Udi mua kubala pa bualu ebu mu Dilongesha ne Bipungidi 124:91–92.

Bua kulonga bia bungi pa malu a kala a mabenesha a nkambua mukulu, tuta apa.

Mushindu kayi uwudi umvuija dibenesha dia nkambua mukulu kudi muntu utukayi muanji kumvua bakula buadi? Tshinyi tshiwudi mua kuamba bua kukankamika muntu bua kudipeta? Peta mandamuna ku nkonku eyi mu mukenji wa Mukulu Randall K. Bennett’s “Your Patriarchal Blessing—Inspired Direction from Heavenly Father” (Liahona, Ngondu Muitanu 2023, 42–43) anyi Biena Bualu ne Nkonku, “Patriarchal Blessings” (Tshisangi tshia Lumu Luimpa).

Muimanyina pa biwudi mulonga ne mumanya, ela meji pa mushindu uwudi mua kukumbaja tshiambilu etshi: “Dibenesha dia nkambua mukulu didi bu .” Bua tshinyi Tatu wa mu Diûlu musua bua bana benda bapeta dibenesha dia nkambua mukulu?

Wewa kuyi muanji kupeshibua dibenesha dia nkambua mukulu, tshinyi diwudi mua kuenza bua kudilongolola bua kudipeta? Wewa mupeshibua dibenesha dia nkambua mukulu, mushindu kayi uwudi mua kuleja Nzambi ne udi ubutshila dipa edi?

Tangila kabidi Kazuhiko Yamashita, “When to Receive Your Patriarchal Blessing,” Liahona, Ngondu Muitanu 2023, 88–90; Mukanda Munena wa Maludiki, 18.17, Tshisangi tshia Lumu Luimpa.

Kulongesha ne moyo mujima. Dilongesha didi ditamba kumvuika patudi tuela mamanya etu a nkaya ne bujadiki. Bu tshilejilu, wewa mupeshibua dibenesha dia nkambua mukulu, dimonununa pawudi udilongolola bua kulongesha pa mabenesha â a pabuawu. Buatshinyi udi ne kusakidila bua dibenesha dieba? Mushindu kayi uwudi upesha bakuabu lungenyi lua nyuma bua kudilongolola bua kupeta ne kulonga mabenesha abu a nkambua mukulu?

Ngenyi bua Kulongesha Bana

Dilongesha ne Bipungidi 124:15, 20

Yezu Kilisto munanga buakana

Bua kuambuluisha bana beba bua kuvuluka bidibu balonga mu Dilongesha ne Bipungidi 124–15; 20, udi mua kubambuluisha bua kuzola ne kukosa mitshima pa mabeji. Pa mitshima, udi mua kubambuluisha bua kufunda biambilu bia nshindamenu ya mu tunungu etu. Musambu bu ewu “Stand for the Right” (Mukanda wa Misambu ya Bana, 159) udi mua kuambuluisha bua kukuatshisha miaku ya Mukalenga.
Panyima pa kubala pamua Dilongesha ne Bipungidi 124:15, 20, kumisangu udi mua kuambuluisha bana beba bua kupeta tshidi tshiumvuija kusomba ne buakane mu dibeji 31 dia Bua Dikankamika dia Bansonga: Buludiki bua Kuenza Masungulangana. Tshinyi tshivua mukalenga muamba bushuwa pa George Miler mu kanungu 20 bitangila buakana bua mutshima wa George? Udi kabidi bua kuabanyangana bilejelu bia bana baleja buakana kupitshila ku dimanya dieba nkayeba anyi mu Makazina a Mulunda. Ambila bana beba bua bangata mapangadika bua kuleja buakana lumingu elu ne kukuambila mushindu kayi udibu bumvua padibu benza.

Dilongesha ne Bipungidi 124:28–29, 39

Yezu muelela bantu benda mukenji bua kuibaka ntempelo.

Bana beba badi mua kusanka padibu batangila bimfuanyi bia ntempelo, kuela ne ntempelo wa kala ne ntempelo udi babuipi ne muaba udibu bansombela (tangila ChurchofJesusChrist.org/temples/list). Udi mua kuenzela bimfuanyi ebi ne Dilongesha ne Bipungidi 124:39 bua kumvuija ne Yezu Kilisto uvua misangu yonsu welela bantu benda mukenji bua kuibaka ntempelo—mu bikondu bia kala ne matuku etu â (tangila kabidi dibeji dia tshibiludia lumingu elu).
Wewa musomba pabuipi bikola ne ntempelo, ela meji bua kuya ne bana beba koku ne mu kanemu nuendela mu tshipapu tshia ntempelo. Babikila bua kupeta muaku “Tshijila kudi Mukalenga—Nzubu wa Mukalenga” pambelu pa ntempelo. Ikila ne bana beba pa tshidi miaku eyi yumvuija.
Ela meji wenzela ngeyi mu “Being Baptized and Confirmed for Ancestors” mu tshisakidilu tshia A bua kuambuluisha bana beba kuya kumpala ku dituku didibu mua kubuela mu ntempelo (tangila kabidi “The Temple and the Plan of Happiness” mu tshisakidilu tshia B).

Dilongesha ne Bipungidi 124:91–92

Mukalenga neambenesha kupitshila ku dibenesha dia nkambua mukulu.

Pawudi ubala Dilongesha ne Bipungidi 124:91–92, ambuluisha bana beba bua kupeta tshidi Mukalenga mubikidila Hyrum Smith bua kuenza. Akula pa tshidi dibenesha dia nkambua mukulu dikalangana: dibenesha dia pabuadi didi Mukalenga utulongeshel pa tuetu nkayetu ne tshidiyi munanga bua tuetu kuenza ne kulua. Ela meji wenzela tshitupa “Kupeta Dibenesha dia Nkambua Mukulu” mu tshisakidilu tshia a bua kuambuluisha bana beba kupeta dibenesha dia nkambua mukulu.

Bua ngenyi ya bungi, tangila malu a ngondu ewu a Makazina a Mulunda.

ntempelo wa Nauvoo — Ntempelo wa Nauvoo, kudi George D. Durrant