Lus Qhuab Qhia thiab Kev Khi Lus 85–87

Cia li xav txog tej yam uas tus Tswv xav kom muaj nyob hauv “zaj keeb kwm” raws li hais nyob hauv Lus Qhuab Qhia thiab Kev Khi Lus 85:1–2. Vim li cas Nws xav kom Nws Haiv Neeg Ntseeg ceev ib zaj keeb kwm? Koj yuav sau dab tsi txog koj tus yam ntxwv ua neej, koj txoj kev ntseeg, thiab tej yam koj ua uas yuav foom koob hmoov rau tej tiam neeg tom ntej? Qhov uas koj sau ib zaj keeb kwm txog koj lub neej yuav ua li cas kom pab koj los cuag Khetos?

Kuj saib “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (vidi-aus), ChurchofJesusChrist.org.

3:6

Cia li xav txog cov lus uas Joseph Smith siv kom piav txog tus Ntsuj Plig nyob hauv Lus Qhuab Qhia thiab Kev Khi Lus 85:6. Yog vim li cas tus Ntsuj Plig lub suab “yau yau”? Cia li xav txog tej lus piav no uas tus Tswv muab dhau los ntawm Joseph Smith: Lus Qhuab Qhia thiab Kev Khi Lus 6:22–24; 8:2–3; 9:7–9; 11:12–13; 128:1. Tus Ntsuj Plig ua li cas kom hais lus rau koj?

Kuj saib Lukas 24:32; Mauxiyas 5:2; Amas 32:28; Hilamas 5:30; Lus Qhuab Qhia thiab Kev Khi Lus 6:22–23; 11:12–13.

Lus Qhuab Qhia thiab Kev Khi Lus 86 muaj tej lus piav txog zaj lus piv ntxwv ntawm cov nplej thiab cov txhauv nyob hauv Mathais 13:24–30, 37–43. Thaum koj kawm txog zaj lus piv txwv no lub ntsiab, xav seb puas sau ib daim phiaj zoo ni no:

Nov yog tej lus nug rau koj xav txog:

• Tom qab Nws txhais zaj lus piv txwv, tus Tswv hais txog lub pov thawj hwj, kev muab txoj moo zoo txum tim rov qab los, thiab kev cawm Nws cov neeg dim, (saib nqe 8–11). Koj pom tias tej lub ntsiab no thiab zaj lus piv txwv txog cov nplej thiab cov txhauv muaj dab tsi zoo ib yam?

• Koj lub luag hauj lwm “ua ib lub teeb rau Lwm Haiv Neeg” thiab “ua ib tug cawm seej rau [tus Tswv] haiv neeg” yog dab tsi? (nqe 11).

Zaj lus qhia txog tej uas yuav muaj los yav tom ntej nyob hauv tshooj 87 ceeb toom txog tej xwm txheej ntawm sab cev nqaij daim tawv nyob hauv kev tsov rog hauv hnub nyoog kawg. Tiam sis cov lus qhuab qhia hauv kev tshwm sim no los kuj hais txog tej xwm txheej ntawm sab ntsuj plig thiab. Cia li xav txog tej lus nug xws li no:

• Kev qhia tej uas yuav muaj los yav tom ntej yog kev tshwm sim uas Vajtswv qhia rau ib tug yaj saub, feem ntau hais txog yav tom ntej. Muaj tej zaj twg zoo li no uas cov yaj saub puag thaum ub thiab cov uas nyob niaj hnub nim no tau qhia? (saib Yauhas 3:14; Mauxiyas 3:5; Hilamas 14:2–6). Twb tau ua li cas kom muaj raws li tej zaj no? (saib Lukas 23:33; Mathais 15:30–31; 3 Nifais 1:15–21).

• Yus tau koob hmoov twg thaum lees txais Vajtswv cov yaj saub tej lus qhia txog tej uas yuav muaj los yav tom ntej?

Thaum koj xav txog qhov no, cia li nyeem tshooj 87. (Kom to taub zaj keeb kwm ntxiv, tej zaum koj yuav xav nyeem zaj lus piav txog tus txheej txheem qhia no.) Koj kawm dab tsi txog kev qhia tej uas yuav muaj los yav tom ntej los ntawm kev tshwm sim no thiab qhov uas tau muaj raws li kev tshwm sim no? Koj yuav hais li cas rau ib tug neeg uas tsis ntseeg ib zaj lus qhia txog tej yuav muaj los yav tom ntej vim tias tseem tsis tau muaj raws li zaj ntawd?

Tus Tswv tau muab tej lus qhia twg hauv nqe 8? Koj “tej chaw dawb huv” uas koj txais tau kev kaj siab lug thiab kev nyab xeeb nyob qhov twg? Muaj dab tsi uas ua rau ib qho chaw dawb huv? Ntxiv rau tej qhov chaw, tej zaum muaj tej lub sij hawm dawb huv, tej kev yus ua uas dawb huv, los sis tej kev xav dawb huv uas ua rau koj txais tau kev kaj siab lug. Piv txwv hais tias, Vajtswv cov yaj saub tej lus ua li cas yog ib qho chaw dawb huv rau koj? Qhov hais tias “sawv” thiab “tsis txav mus” hauv tej chaw no txhais li cas?

Kuj saib “Where Love Is,” Children’s Songbook, 138–39; Saints, 1:163–64; “Peace and War,” nyob hauv Revelations in Context, 158–64.

• Koj cov me nyuam yuav hais li cas yog tias leej twg nug lawv seb lawv ho ua li cas paub thaum twg tus Vaj Ntsuj Plig Dawb Huv hais lus rau lawv? Caw lawv nyeem txog ib txoj kev uas Joseph Smith siv kom piav txog tus Ntsuj Plig lub suab nyob hauv phau Lus Qhuab Qhia thiab Kev Khi Lus 85:6. Ces tej zaum lawv yuav xav xyaum mloog ib lub suab yau yau thiab ua suab yau yau hais lus. Tej zaum koj kuj yuav xav qhia txog tej lub sij hawm thaum tus Ntsuj Plig tau ua suab yau yau hais lus rau koj.

• Kom pab koj cov me nyuam to taub lo lus “lub suab yau yau,” tej zaum koj yuav xav tso nkauj rau lawv mloog, xws li “The Holy Ghost” (Children’s Songbook, 105). Cia li nug ib tug me nyuam twv seb yog zaj nkauj twg thaum lwm tus hais lus thiab ua lub suab nrov nrov. Ces tej zaum koj yuav xav rov qab tso nkauj thaum tsis muaj leej twg hais dab tsi. Peb yuav tshem tau tej yam twg hauv peb lub neej kom hnov tau tus Ntsuj Plig ntau ntxiv?

• Kom pab koj cov me nyuam to taub zaj lus piv txwv nyob hauv tshooj 86, tej zaum koj yuav xav npaj ob peb daim duab me me los sis tej kev kos duab txog cov nplej thiab muab zais cia hauv chav uas koj nyob. Piav rau koj cov me nyuam txog zaj lus piv txwv txog cov nplej thiab cov txhauv (saib Mathais 13:24–30), thiab nyeem txog tej yam uas tus Tswv tau hais txog qhov no nyob hauv Lus Qhuab Qhia thiab Kev Khi Lus 86:1–7. Tej zaum koj cov me nyuam yuav xav muab cov duab txog cov nplej sau los ua ke thiab sau lub npe ntawm ib tug neeg uas lawv yuav xav muab “sau los” koom ua ke nrog Yexus Khetos. Qhov uas yus muab neeg sau los ua ke koom nrog Yexus Khetos txhais li cas? Peb ua tej yam twg kom ua tau li no?

• Nov yog tej lus nug uas koj nug tau koj cov me nyuam thaum koj nrog lawv sib tham txog Lus Qhuab Qhia thiab Kev Khi Lus 86:11: Vim li cas txoj kev kaj ua rau peb tau koob hmoov? Zoo li cas thaum peb tsis muaj qhov kaj? Peb yuav ua li cas kom ci rau lwm tus pom kev? Pab koj cov me nyuam xav txog tej yam uas lawv yuav “ua raws li [Yexus] tej kev zoo mus ntxiv” thiab qhia rau lwm tus.

• Nyeem Lus Qhuab Qhia thiab Kev Khi Lus 87:6 ua ke kom kawm txog tej yam uas tus Tswv hais tias yuav tshwm sim hauv hnub nyoog kawg. Ces tej zaum koj yuav xav sib tham txog tej teeb meem uas koj thiab koj cov me nyuam raug. Nyob hauv nqe 8, tus Tswv tau hais li cas txog tej yam uas peb ua tau thaum peb raug tej xwm txheej nyuaj?

• Cia li pab koj cov me nyuam sau ntawv txog tej chaw dawb huv, tej kev xav dawb huv, thiab tej yam dawb huv uas ua tau kom pab lawv thaum raug tej xwm txheej ceev ntawm sab ntsuj plig. Yog xav tau tswv yim, cia li saib ob zag vidi-aus “Standing in Holy Places” thiab “Stand Ye in Holy Places—Bloom Where You’re Planted” (Txoj Moo Zoo cov Ntawv).

  

  5:36

  

  4:36