Nkyerɛkyerɛ na Ahyɛmudzi 76

Ɔfã 76 yi nokwar a ohia kyerɛ fa hɛn onnyiewiei hyɛber ho, naaso onnkedzi mu ewie dɛ yɛbɛkã dɛ nyikyerɛ yi fa enyimnyam ahenman ebiasa ho anaa mpo ɔfa nkwagye ho nhyehyɛɛ ho ara. Nokwar ara mu no, ɔfã 76 fa Jesus Christ, a ɔma Nyankopɔn ne nhyehyɛɛ ma hɛn nkwagye na onnyiewiei enyimnyam ba mu, ho. Ber a ekenkan no, ibotum ahwehwɛ nsɛmfua anaa kasasin a wɔkã nkitahodzi a ɔda Jesus Christ na nkorɔfo a wobenya enyimnyam ahenman nsonsonee adze edzi ntamu no ho asɛm. Bia nhyehyɛɛ tse dɛ dza odzi do no botum aboa wo ma akyerɛw dza ihu.

Ebɛnadze na etse ho nkenyan dɛ yɛ fa hyɛ wo nkitahodzi a enye Agyenkwa no wɔ dzen?

Mber a Wilford Woodruff kenkaan nyikyerɛ yi no, ɔkãa dɛ, “Metsee nkã dɛ mondɔ Ewuradze mbor nkyɛn dza maayɛ pɛn wɔ m’abrabɔ mu no’’ (hwɛ “Voices of the Restoration: Testimonies of ‘the Vision’”). Ebɛnadze na isũa fa Jesus Christ ho fi nyiyimu 1–5, 20–24, 39–43, 107–8 mu a ɔma edɔ No mbordo?

San hwɛ 1 Peter 3:18–19; 4:6; Dallin H. Oaks, “What Has Our Savior Done for Us?,” Liahona, Esusow Aketseaba 2021, 75–77; “I Stand All Amazed,” Asɔr Ndwom, nkanee 193.

Nnyɛ Asɔrmba nyinara na wɔgyee nyikyerɛ a ɔwɔ ɔfã 76 too mu wɔ hɔnara, osiandɛ ɔkyerɛkyerɛɛ dɛ nyimpa dodowara na wɔbɛgye hɔn na woenya enyimnyam mpɛnpɛndo bi. Mfatoho, Brigham Young kãa dɛ: “Nna m’amambra yɛ biribi dɛ, mber a Enyido-adzehu no dzii kan baa mohɔ no, nna otsĩa me nkaano nowomasũa na ɔnye no bɔ ebira pɛɛ. Me kãa dɛ, Tweɔn kakra. M’ammpow dze, naaso menntum anntse ase.’’ Ɔkyerɛkyerɛɛ mu dɛ nna ɔwɔ dɛ “ɔdwendwen ho na ɔbɔ mpaa, dze kenkan na ɔdwendwen ho, kɛpem dɛ ohunii na ɔtsee ase yie ma noho’’ (wɔ “The Vision, mu” wɔ Revelations in Context, 150 mu). Ebɛnadze na isũa fi ne sũahu mu a obotum aboa wo sɛ Nyankopɔn ma nyikyerɛ a ɔyɛ soronko fi wo mprɛmprɛ ntseasee ho a? Ebɛnadze na isũa fa Nyankopɔn ho wɔ Nkyerɛkyerɛ na Ahyɛmudzi 76:5–10, 114–18? Ebɛnadze na nyiyimu yinom kyerɛkyerɛ wo fa mbrɛ ibesi botum atse “ndzepa a ɔwɔ [Nyankopɔn] ne pɛ ho’’ ase? (nyiyimu 7).

Nkyerɛkyerɛ na Ahyɛmudzi 76: 39–44 kã nkwagye ho asɛm. Nyiyimu 50–70 kã nkwagye ntowdo ho asɛm dɛ, nkwagye pɔtsee bi. Ibesi dɛn bɛkyerɛkyerɛ nsonsonee a ɔda nkwagye na nkwagye ntowdo ntamu? Agyenkwa no n’asɛdze nye ebɛnadze wɔ ebien no mu? Ebɛnadze na ihu no wɔ nyiyimu yinom mu a okenyan wo ma ehwehwɛ nkwagye ntowdo?

San hwɛ John 3:16–17; Nkyerɛkyerɛ na Ahyɛmudzi 132:20–25.

Ana edzi ho ebobow—anaa ahaw—dɛ sɛ ibotum abɛyɛ nyimpasu a obenya celestial ahenman no, dɛ mbrɛ ɔakã ho asɛm wɔ Nkyerɛkyerɛ na Ahyɛmudzi 76:50–70, 92–95 no? Ber a ohia dɛ ibohu dza Nyankopɔn hwehwɛ ma yɛayɛ no, san hwɛ nyiyimu yinom mu wɔ dza Nyankopɔn ayɛ ama hɛn no—na ɔreyɛ—dze aboa hɛn ma yɛabɛyɛ tse dɛ Ɔno. Ebɛnadze ntsi na wo mbɔdzembɔ hia ma No?

Celestial ahenman ho enyido-adzehu yi si dɛn nya nsunsuando wɔ kwan a epɛ dɛ ebɔ wo daa daa abrabɔ do?

San hwɛ Moses 1:39; J. Devn Cornish, “Am I Good Enough? Will I Make It?,” Liahona, Ɔberɛfɛw 2016, 32–34.

• Ebɔboa wo mbofra ma wɔatse hɔn ndaamba krɔnkrɔnyɛ ase no, ibotum dze mbofra na hɔn awofo mfonyin akyerɛ hɔn. Nkyii wobotum akenkan Nkyerɛkyerɛ na Ahyɛmudzi 76:24 na wɔnye hɔn ho akyɛ siantsir a w’enyiwa agye dɛ inyim dɛ hɛn nyina yɛyɛ “Nyankopɔn ne mbambanyin na mbabaa.’’

• Wobotum asan abɔ mu atow “Meyɛ Nyame Ne Ba.”” (Asɔr na Mbofra Ndwom, 61) na ato nsa afrɛ wo mbofra no ma wɔatsen nsa wɔ hɔnankasa hɔn do sɛ wɔtow “Me’’ a. Nkyii tow ndwom no bio a, edze “eyɛ’’ hyɛ “meyɛ’’ ananmu ber a etsen wo nsa wɔ obi so do.

• Hwɛ dɛ enye wo mbofra bɛyɛ asɛm a otum sii ho nyɛe bi a obi bisa dɛ, “Ebɛnadze na Jesus Christ ayɛ ama me?’’ Ɔwo na wo mbofra no botum ahwehwɛ nyiano a ɔbɛba mu wɔ nyiyimu 5, 41–42, anaa 69 wɔ ɔfã 76. Hom botum asan atow ndwom “He Sent His Son’’ Children’s Songbook, 34–35. Yebesi dɛn yɛakyerɛ hɛn ndaase wɔ dza Agyenkwa ayɛ ama hɛn no?

• Ɔwo na wo mbofra no botum akenkan anaa wɔahwɛ “Chapter 26: The Three Kingdoms of Heaven” ne fã anaa ne nyinara (in Doctrine and Covenants Stories, 97–103, anaa video a ɔnye no kɔ wɔ Gospel Library) na wɔnye hɔn ho nkyɛ dza obiara pɛ no wɔ enyido-adzehu a Joseph Smith nyae no ho. Ma wo mbofra nkyerɛ hɔn adwen na nkãtse mfa dza ɔbɛyɛ dɛ enye Ɔsor Egya bɛtsena celestial ahenman mu no ho.

  

  4:7

• Wobotum asan akenkan Nkyerɛkyerɛ na Ahyɛmudzi 76:62 na to nsa frɛ wo mbofra ma wɔndorɔw hɔnankasa hɔn ho a wɔnye Ɔsor Egya na Jesus Christ wɔ celestial ahenman mu mfonyin (hwɛ dapɛn yi ne dwumadzi krataafa).

• Ibotum ato nsa afrɛ wo mbofra ma wɔakenkan nyiyimu 15–19 dze ahwehwɛ dza nna Joseph Smith na Sidney Rigdon reyɛ mber a wohun enyido-adzehu no wɔ Nkyerɛkyerɛ na Ahyɛmudzi 76. Kã mber bi a inyaa nkenyan ber a erekenkan kyerɛwsɛm no ho asɛm kyerɛ wo mbofra na bisa wo mbofra no sɛ woenya sũahu horow a ɔtse dɛm da a.