Doktrin ak Alyans 60—63

Kijan temwayaj ou de levanjil la se tankou yon “talan” oswa yon trezò Bondye ba ou? Nan ki fason nou pafwa “kache talan [nou]”? (Doktrin ak Alyans 60:2; gade tou Matye 25:14–30).

Ki mesaj ankourajan nan menm Senyè a ou ka jwenn nan seksyon 60 ak 62yo? Kijan mesaj sa yo bati konfyans ou nan pataje levanjil la? Pandan w ap reflechi sou kesyon sa yo, konsidere chante oubyen li mo nan chante “Je voudrais déjà partir en mission” (Chants pour les enfants,90) an. Kisa ou ka aprann nan kantik sa a osijè pataje levanjil la?

Gade koleksyon “Pataje Levanjil la” nan Biliyotèk Levanjil la tou.

Jan Li te enstwi misyonè Li yo, Senyè a te revele verite enpòtan konsènan Limenm. Chèche verite sa yo nan Doktrin ak Alyans 60:2–4; 61:1–2, 20, 36–38; 62:1, 6. Ki istwa nan ekriti yo ilistre wòl ak kalite ou te jwenn Sovè a genyen? (gade, pa egzanp, Jan 8:1–11; Etè 2:14–15).

Senyè a bay direksyon sou verite etènèl yo ak prensip yo, men Li souvan kite nou detèmine poukont nou detay espesifik yo sou kijan pou n aji sou prensip sa yo. Kijan w wè prensip sa a ilistre nan Doktrin ak Alyans 62a? (gade Doktrin ak Alyans 60:5; 61:22) tou. Kijan ou wè prensip sa a aplike nan lavi ou? Poukisa li bon pou nou pran kèk desizyon san nou pa atann pou Bondye ba nou direksyon egzat sou sa pou nou fè?

Gade tou Etè 2:18–25; Doktrin ak Alyans 58:27–28

Nan fen plan leson sa a, genyen yon imaj ki reprezante yon mirak ki te pwofondeman enpresyone Ezra Booth: Bra Elsa Johnson te geri pa mirak. Apre yo te fin wè sa, Ezra te batize byen vit. E poutan, nan lespas kèlke mwa, Ezra te pèdi lafwa li epi l te vin ap kritike Pwofèt la. Kijan sa te fè fèt, lè n konsidere mirak li te temwen an?

Medite sou sa pandan w ap li Doktrin ak Alyans 63:7–12la. Ki verite ou te aprann konsènan siy yo ak lafwa?

Gade tou: Matye 16:1–4; Jan 12:37; Mòmon 9:10–21; Etè 12:12, 18.

Nan Doktrin ak Alyans 63:16, Sovè a te reyafime sa Li te anseye nan Nouvo Testaman an—ke lwa chastetea dwe gouvène non sèlman aksyon nou yo men panse nou tou (gade Matye 5:27-28). Pandan w ap li Doktrin ak Alyans 63:16la, ekri avètisman Senyè a ba nou konsènan panse chanèl yo. Ou ta ka reflechi tou sou opoze chak advètisman yo. Pa egzanp, ki kalite mo oubyen fraz ki se opoze laperèz? Ki lòt benediksyon nou resevwa lè nou gen chastete nan panse nou ak aksyon nou?

Anpil moun panse ke prensip Senyè a bay pou chastete nan panse ak nan aksyon nou yo se prensip ki pa alamòd ankò oubyen ki menm opresif. Ki diferans sa t ap fè si tout pitit Bondye yo t ap eseye viv lwa sa a? Ou gendwa chache repons kesyon sa a nan mesaj Èldè David A. Bednar la “Nou Kwè nou Dwe Chas” (Lyawona, Me 2013, 41–44) la oubyen nan “Kò w se Bagay ki Sakre” (Fòs Jèn yo: Yon Gid pou Fè Bon Chwa, 23–26). Ki mesaj lespwa ou jwenn?

Menm lè nou konnen benediksyon nou resevwa lè nou gen chastete nan panse ak aksyon nou yo, sa pa vle di li fasil. Ou gendwa pran yon ti tan pou w reflechi sou poukisa li difisil pou w kenbe prensip chastete Senyè a—e kisa ki rann ni pi fasil. Ki konsèy ou ta ka pataje avèk lòt moun konsènan kisa pou yon moun fè lè l gen panse ki pa diy?

Gade Doktrin ak Alyans 121:45; Sijè ak Kesyon, “Vèti,” Bibliyotèk Levanjil la; “Standards: Sexual Purity and Modesty—True Confidence [Estanda: Sentete Seksyèl ak Modesti—Vre Konfyans” (videyo), Bibliotèk Levanjil la; AddressingPornography.ChurchofJesusChrist.org.

3:58

Prensip ki nan Doktrin ak Alyans 63:58–64 ale pi lwen pase sèvi mal ak non Senyè a. Ki lòt bagay sakre ki “soti anwo,” oswa ki soti nan Bondye? Kisa sa vledi pou w pale sou bagay sa a yo “avèk prekosyon”?

• Petèt ou te kapab ekri kèk nan deklarasyon yo konsènan Sovè a ke nou ka jwenn nan Doktrin ak Alyans 60–62 sou plizyè moso papye. Apresa timoun ou yo ap kapab matche deklarasyon sa yo avèk foto Jezi nan ministè terès Li a (gade nan Liv Ilistrasyon Levanjil la, no. 34–61) ki demontre atribi sa yo. Kijan Li fè moun konnen Li jodia?

  

• Pandan w ap li Doktrin ak Alyans 60:7; 61:2 avèk timoun ou yo, ede yo jwenn mo ke vèsè sa yo genyen an komen. Raple yo ke Joseph Smith te resevwa revelasyon sa yo ansanm ak lòt dirijan Legliz yo. Kisa Senyè a te vle pou yo konnen? Ou te gendwa pale tou sou kisa Senyè a santi konsènan nou lè nou fè erè ak kisa sa vle di pou nou repanti. Dapre Doktrin ak Alyans 62:1an, kijan Jezi kapad ede nou lè nou anba tantasyon?

• Ou te ka mande timoun ou yo kisa yo ta kapab di si yon moun ta mande yo kisa yo renmen osijè Jezikri ak Legliz Li a. Chante yon kantik sou pataje levanjil la ansanm, tankou “Je voudrais déjà partir en mission” (Chants pour les enfants, 90), ta kapab ofri timoun yo ide. Ou ta kapab li Doktrin ak Alyans 62:3 epi mande timoun ou yo pou yo tande kisa ki pase lè nou pataje temwayaj nou. Kijan promès ki dekri nan vèsè 9 la ka ede nou si nou santi nou strese?

• Pou prezante Doktrin ak Alyans 63:64la, ou te kapab chante yon chante sou reverence avèk timoun ou yo, tankou “Le recueillement, c’est l’amour” (Chants pour les enfants, no. 12). Apre sa ou ta kapab pale sou diferan fason nou kapab gen reverans pou Pè Selès la ak Jezikri.

• Ou kapab ede timoun ou yo konprann kisa reverans ye nan pale avèk yo de yon bagay yo genyen ki espesyal pou yo, tankou yon jwèt, yon liv, oubyen yon nounous yo pi renmen. Mande yo kijan yo pran swen oubyen pwoteje bagay ki espeyal pou yo. Apre sa, ou kapab li ansanm Doktrin ak Alyans 63:64. Ki kalite bagay ki espesyal—oubyen sakre—pou Pè Selès la? (gade, pa egzanp, vèsè 61 sou paj aktivite semèn sa a paj aktivite). Kijan nou ta dwe trete bagay sa yo—avèk panse nou ak aksyon nou?