Doktrin ak Alyans 51–57

Si w te yon manm Legliz la nan ane 1831, yo ta ka envite w pou w viv lwa konsekrasyon an kote w t ap siyen yon papye bay evèk la pou w transfere pwopriyete ou bay Legliz la. Lè sa a, nan pifò ka, li t ap remèt ou sa w te bay la, pafwa avèk yon bagay anplis. Men, se pa t ap byen pa w ankò l t ap ye—li t ap jis sou responsablite w.

Jodia pwosede yo diferan, men prensip konsekrasyon ak entandans lan toujou vital nan travay Senyè a. Pandan w ap li seksyon 51 an, panse sou sa Bondye ba w responsab. Kisa mo “entandan” (vèsè 19 ak “konsakre” (vèsè 5 yo vledi, epi kisa yo enplike konsènan sa Bondye ap tann nan men nou?

Prezidan Spencer W. Kimball te eksplike: “Nan legliz la yon entandans se yon responsablite espirityèl oswa tanporèl sakre ke yon moun dwe rann kont pou li. Paske tout bagay se pou Senyè a, nou se entandan kò nou, panse nou, fanmi nou, ak byen nou. (Gade Doktrin ak Alyans 104:11–15.) Yon entandan fidèl se yon moun ki egzèse dominasyon ki jis, ki pran swen moun li responsab yo, epi ki chèche pote sekou pou pòv ak moun ki nan bezwen” (“Sèvis Antrèd yo: Levanjil la an AksyonEnsign,Nov. 1977, 78).

Gade tou nan “The Rafiner Fire (Dife Rafinè a)videyo), Bibliyotèk Levanjil la.

5:1

Lè Senyè a te voye plizyè dirijan legliz la nan Missouri, li te di yo pou yo itilize tan yo fè ap vwayaje a pou yo te “preche sou wout la” (vèsè 25–27 Kouman w ka pataje levanjil la “an pasan,” oubyen pandan evenman nòmal lavi w yo?

Avèk anpil moun ki t ap deklare ke yo te resevwa manifestasyon espirityèl, premye Sen yo te pè pou yo pa t twonpe. Ki avètisman Senyè a te ba yo nan Doktrin ak Alyans 52:14? Ki solisyon Li te bay? (gade nan vèsè 14–19).

Yon modèl se yon bagay ki repete nan yon fason regilye, ki prediktib. Nan pami egzanp yo genyen konte avèk nimewo egzat oubyen solèy la k ap leve ak kouche chak jou. A ki lòt egzanp ou ka panse? Pandan w ap chèche nan Doktrin ak Alyans 52:14–19, idantifye modèl Senyè a pou evite desepsyon. Sa ta ka ede pou nou note ke “kontri” enplike yon santiman imilite ak repantans; “dou” sigjere jantiyès ak kontwòl-pèsonèl; epi “edifye” siyifi enstwi, amelyore, oubyen bati. Poukisa ou santi ke modèl Senyè a enkli kalite sa yo, osi byen ke obeyisans? Kouman ou ka aplike modèl sa a pou evite desepsyon?

Ki kèk egzanp desepsyon nan epòk nou an? Kouman nou ka konnen lè moun ap twonpe nou?

Paregzanp, ou ta ka konsidere evalye chwa ou konsènan sinema, mizik, ak media sosyal baze sou modèl ki nan “Mache nan limyè Bondye” a nan Pou Fòs Jèn yo: Yon Gid pou Fè Chwa, 16–21 an.

Gade tou nan Gary E. Stevenson, “Pa Desevwa M,” Lyawona, Nov. 2019, 93–96; “Gude Me to Thee (Gide M Vin Jwenn Ou),” Hymns, no. 101; Sijè ak Kesyon, “Chèche Laverite epi Evite Mansonj,” Bibliyotèk Levanjil.

Èske ou pa janm soufri dezapwentman lè yon moun ou depann de li pa kenbe angajman li? Sa te rive Sen ki soti Colesville, Nouyòk yo, ki te gen espwa ke yo ta pral etabli yo sou teren Leman Copley a nan Ohio. Pou w aprann sou eksperyans sa a, panse pou w revize antèt seksyon 54la (gade tou nan Les Saints,1:125–28Un évêque pour l’EgliseRevelations dans leur contexte,78–79). Si w te gen zanmi nan pami Sen Colesville yo, ki konsèy ou ta ka jwenn nan seksyon 54 pou pataje avèk yo?

Nan vèsè sa yo, Senyè a te pale avèk ni rich ni pòv; sa ta ka enteresan pou w ta konpare konsèy li a avèk de gwoup sa yo. Kisa nan vèsè sa yo ou santi ki konsène w pèsonèlman?

• Pou ede timoun yo aprann kisa sa vle di pou yo onèt, nou ta ka li ansanm Doktrin ak Alyans 51:9 epi pataje istwa timoun yo ki fè fas devan desizyon pou yo onèt. Ou ta ka itilize foto, maryonèt an chosèt, poupe an papye pou rann istwa yo pi enteresan. Kouman Senyè a beni nou lè n ap fè efò pou nou onèt?

• Konsidere pou jwe jwèt avèk timoun yo. Apresa, diskite fason jwèt la ta ka diferan si yon moun te fè koken. Poukisa li enpòtan pou nou youn “aji avèk onètete” avèk lòt?

• Resevwa Sentespri pa enpozisyon dèmen mansyone plizyè fwa nan Doktrin ak Alyans 51–57 la. Sa ta kapab yon bon opòtinite pou anseye timoun ou yo konsènan òdonans sa a. Paregzanp, yo ta ka gade yon foto yon timoun k ap resevwa konfifasyon epi pou yo dekri sa k ap pase nan foto a. Mande yo pou yo bat bravo lè yo tande “pa enpozisyon dèmen” oubyen “enpozisyon dèmen” pandan w ap li Doktrin ak Alyans 52:1 053:355:1 yo.

• Nou ta ka chante tou “Le Saint-Esprit,” Chants pour Les Enfants,, 56) oubyen yon chante ki sanble avèk li. Ede timoun ou yo jwenn mo ak fraz nan chan an ki anseye konsènan don Sentespri a.

  

• Pou anseye konsènan modèl Senyè a pou evite desepsyon, ou ta ka kòmanse ede timoun yo chèche egzanp modèl—nan lanati, nan dra kolore ak rad, oubyen nan lavi kotidyen. Ede yo jwenn modèl Senyè a bay nan Dktrin ak Alyans 52:14–15 yo. Asire w ke yo konprann nenpòt mo ki pa familye nan vèsè sa yo. Kouman nou ka itilize modèl sa a pou rekonèt laverite?

• Avèk mo pa w, pataje avèk timoun ou yo kisa k te pase Sen yo ki te vin abite sou tè Leman Copley a (gade nan antèt section 54) la. Timoun ou yo ta ka pretann yo se manm Legliz la ki te rive nan Ohio. Kouman yo t ap santi yo apre Leman te kraze alyans li a? Kisa sa anseye nou sou kenbe alyans oubyen pwomès nou yo? Li ansanm Doktrin ak Alyans 54:6 pou dekouvri benediksyon pou moun ki kenbe alyans yo.

• Pou entwodui seksyon 55 la, ou ka vle eksplike ke William W. Phelps sete piblikatè yon jounal ki te aprann sou levanjil la epi ki te vin manm Legliz la. Li avèk timoun ou yo Doktrin ak Alyans 55:1–4, epi ede yo dekouvri kisa Bondye te vle William fè. Kouman L te planifye pou l te itilize talan William yo? Sa ta ka mennen nan yon diskisyon sou fason Bondye ta ka envite nou pou nou itilize talan nou pou beni pitit Li yo.