Nkyerɛkyerɛ na Ahyɛmudzi 60–63

Wo dasegye wɔ asɛmpa no ho si dɛn tse dɛ “talent,’’ anaa egudze bi fi Nyankopɔn hɔ? Ebɛn akwanhorow mu na ɔtɔfabi a yɛdze “[hɛn] talent suma’’? (Nkyerɛkyerɛ na Ahyɛmudzi 60:2; san hwɛ Matthew 25:14–30).

Ebɛn nkuranhyɛsɛm fi Ewuradze hɔ na ihu no wɔ ɔfã 60 na ɔfã 62? Nsɛm yinom si dɛn tu w’awerɛhyɛmu mpon wɔ erekyɛ asɛmpa no? Ber a edwendwen nsɛmbisa yinom ho no, hwɛ dɛ ebɔtow anaa ebɛkenkan “I Want to Be a Missionary Now” ne nsɛmfua no (Children’s Songbook, 168). Ebɛnadze na isũa fi mbofra hɔn ndwom yi mu fa erekyɛ asɛmpa no ho?

San hwɛ “Sharing the Gospel,” mboano wɔ Gospel Library mu.

Dɛ mbrɛ ɔkyerɛkyerɛɛ N’asɛmpasomafo no, Ewuradze yii nokwar a ohia a ɔfa Nankasa no ho kyerɛe. Hwehwɛ nokwar yinom wɔ Nkyerɛkyerɛ na Ahyɛmudzi 60:2–4; 61:1–2, 20, 36–38; 62:1, 6. Ebɛn nsɛm fi kyerɛwsɛm no mu na ɔkyerɛkyerɛ Agyenkwa n’asɛdze na su ho nsɛm a ihunii? (hwɛ, mfatoho, John 8:1–11; Ether 2:14–15).

Ewuradze ma akwankyerɛ fa onnyiewiei nokwar na fapem ho, naaso Ɔtaa gyaa hɛn ma yɛhwehwɛ no mu adze tsitsir fa mbrɛ yebesi dze fapem yinom bedzi dwuma ho. Ihu dɛ fapem yi woesi dɛn akyerɛkyerɛ no wɔ Nkyerɛkyerɛ na Ahyɛmudzi 62? (san hwɛ Nkyerɛkyerɛ na Ahyɛmudzi 60:5; 61:22). Esi dɛn ehu fapem yi wɔ w’abrabɔ mu? Ebɛnadze ntsi na oye ma hɛn dɛ yɛyɛ gyinae si bi a hɛn enyi nnda Nyankopɔn kwan dɛ ɔbɛkã dza yɛnyɛ pɛpɛɛpɛr nkyerɛ hɛn?

San hwɛ Ether 2:18–25; Nkyerɛkyerɛ na Ahyɛmudzi 58:27–28.

Nhyehyɛɛ yi n’ewiei no, anwanwadze mfonyin bi wɔ hɔ a ɔyɛɛ Ezra Booth ahobow: anwanwadze mu ara wɔsãa Elsa Johnson n’abasa yarba. Ohun dɛm ekyir no, Ezra dze enyiber nyaa enuma. Na mbom, abosoom kakra ara mu no, Ezra yeew ne gyedzi na ɔkasaa tsiaa Nkɔnhyɛnyi no. Iyi besi dɛn botum ayɛ, a erohwɛ awanwadze a ohunii no?

Dwendwen iyi ho ber a ekenkan Nkyerɛkyerɛ na Ahyɛmudzi 63:7–12. Ebɛn nokwar na isũa fa nsɛnkyerɛdze na gyedzi ho?

San hwɛ Matthew 16:1–4; John 12:37; Mormon 9:10–21; Ether 12:12, 18.

Wɔ Nkyerɛkyerɛ na Ahyɛmudzi 63:16 mu no, Agyenkwa no sanee sii dza Ɔkyerɛkyerɛɛ no wɔ Ahyɛmu Fofor mu no tadua—dɛ onnyi dɛ ahosan ho mbra no nya nhyɛdo wɔ hɛn nyɛe ara do mbom ɔsan nya nhyɛdo wɔ hɛn adwendwen do (hwɛ Matthew 5:27–28). Ber a ekenkan Nkyerɛkyerɛ na Ahyɛmudzi 63:16, no, kyerɛw kɔkɔbɔ a Agyenkwa no dze ma fa adwenbɔn adwendwen ho. Ibotum asan adwendwen kɔkɔbɔ kor biara n’ebirabɔ ho. Mfatoho, ebɛn nkasafua anaa nsɛnsin na wɔyɛ suro n’ebirabɔ? Ewɔ ahosan adwendwen na nyɛe no, ebɛn nhyira bi so na ofi mu ba?

Nkorɔfo pii dwen dɛ Ewuradze ne gyinapɛn fa adwendwen na nyɛe ho ahosan yɛ tsetsekwaadze anaa mpo nhyɛ. Ebɛn nsesa na ɔbɛba sɛ Nyankopɔn ne mba nyinara reper dze mbra yi abɔ bra a? Ibotum ahwehwɛ nyiano ama asɛmbisa yi wɔ Elder David A. Bednar n’asɛm mu “We Believe in Being Chaste” (Liahona, Esusow Aketseaba 2013, 41–44) anaa “Your body is sacred” (For the Strength of Youth: A Guide for Making Choices[Ma Mbabun Enya Ahoɔdzen: Akwankyerɛ ma Nsanmuyi.], 23–26). Ebɛn enyidado nsɛm na ihu?

Mpo sɛ yenyim yɛreyɛ ahosan wɔ hɛn adwendwen na nyɛe no ho nhyira a, ɔno nnkyerɛ dɛ ɔgow. Ibotum edzi mber adwendwen dza ɔma ɔyɛ dzen ma wo dɛ ibesie Agyenkwa ne ahosan ho gyinapɛn no—na dza ɔma ɔgow yie no. Ebɛn afotu na ibotum nye binom akyɛ fa dza wɔbɛyɛ ho sɛ adwendwen a ɔmmfata gyegye hɔn a?

San hwɛ Nkyerɛkyerɛ na Ahyɛmudzi 121:45; Topics and Questions, “Virtue,” Gospel Library; “Standards: Sexual Purity and Modesty—True Confidence” (video), Gospel Library; AddressingPornography.ChurchofJesusChrist.org.

3:58

Fapem a ɔwɔ Nkyerɛkyerɛ na Ahyɛmudzi 63:58–64 mu no, tra erobɔ Ewuradze ne dzin gyangyan do. Ebɛn ndzɛmba krɔnkrɔn bi so na “ofi sor,’’ anaa ofi Nyankopɔn hɔ ba? Edze “ahwɛyie’’ bɛkã ndzɛmba yinom ho asɛm n’asekyerɛ nye dɛn ma wo?

• Bia ibotum akyerɛw nsɛntɔw bi afa Agyenkwa no ho a wohu no wɔ Nkyerɛkyerɛ na Ahyɛmudzi 60–62 mu wɔ nkrataa nkakramba do. Nkyii wo mbofra botum dze nsɛntɔw no atoto Jesus mfonyin ho fi Ne asaase do somdwuma mu (hwɛ Gospel Art Book, nkanee. 34–61) a wɔkyerɛ su yinom. Osi dɛn da Nankasa Noho edzi kyerɛ hɛn ndɛ?

  

• Ber a enye wo mbofra bɔ mu kenkan Nkyerɛkyerɛ na Ahyɛmudzi 60:7; 5; 61:2 no, boa hɔn ma wɔnhwehwɛ nsɛmfua a wɔyɛ kor wɔ nyiyimu yinom mu. Bɔ hɔn nkaa dɛ nyikyerɛ nyinom no wɔdze maa Joseph Smith na Asɔr baanodzifo binom. Ebɛnadze na nna Ewuradze pɛ dɛ wohu? Ibotum asan akã atsenka a Agyenkwa no nya no wɔ hɛn ho sɛ yɛyɛ mfomdo a, nna dza n’asekyerɛ dɛ yebenya nnuhu ho asɛm. Dɛ mbrɛ Nkyerɛkyerɛ na Ahyɛmudzi 62:1 kã no, Jesus besi dɛn botum aboa hɛn sɛ wɔsɔ hɛn hwɛ a?

• Ibotum ebisa wo mbofra dza wɔbɛkã sɛ obi bisa hɔn dza wɔpɛ no wɔ Jesus Christ na N’Asɔr ho a. Wɔrobɔ mu atow ndwom fa erekyɛ asɛmpa no ho, tse dɛ “I Want to Be a Missionary Now” (Children’s Songbook, 168), botum ama hɔn adwenkyerɛ horow. Nkyii wobotum abɔ mu akenkan Nkyerɛkyerɛ na Ahyɛmudzi 62:3 na aserɛ wo mbofra no ma woetsie ehu dza obesi sɛ yɛkyɛ hɛn dasegye a. Anohoba a ɔwɔ nyiyimu 9 mu no besi dɛn botum aboa sɛ hɛn enyi tõ a?

• Ebɛda Nkyerɛkyerɛ na Ahyɛmudzi 63:64 edzi no, ibotum nye wo mbofra atow ndwom afa obu ho, tse dɛ “Reverence Is Love” (Children’s Songbook, nkanee 31). Nkyii ibotum akã akwanhorow soronko a yɛdze bɛkyerɛ obu ama Ɔsor Egya na Jesus Christ ho asɛm.

• Ibotum aboa wo mbofra ma wɔatse dza obu yɛ ase ber a enye hɔn rekã adze bi a ɔyɛ adze tsitsir ma hɔn ho asɛm, tse dɛ agordze, buukuu, anaa kuntu a wɔpɛ. Bisa hɔn mbrɛ wosi wɔhwɛ ndzɛmba a ɔyɛ adze tsitsir ma hɔn no yie na wɔbɔ ho ban. Nkyii wobotum abɔ mu akenkan Nkyerɛkyerɛ na Ahyɛmudzi 63:64. Ebɛn ndzɛmba na ɔyɛ adze tsitsir—anaa krɔnkrɔn— ma Ɔsor Egya? (hwɛ, mfatoho, nyiyimu 61 mu na dapɛn yi ne dwumadzi krataafa). Yebesi dɛn ahwɛ ndzɛmba yinom do—a yɛdze hɛn nsɛmfua na hɛn nyɛe?