Nkyerɛkyerɛ na Ahyɛmudzi 49–50

Ansaana ɔbɔdɔɔm Asɔr no, nna Leman Copley kã nyamesom kuw bi a nna wɔfrɛ no United Society of Believers in Christ’s Second Appearing [Christ ne Mbae a Otsĩa Ebien ho Agyedzifo Nkabɔmu Kuw] ho, a wɔsan frɛ hɔn dɛ Shakers [Awosowawosowhofo]. Ɔnye Leman dzii nkɔmbɔ ekyir no, Joseph Smith hwehwɛɛ nkyerɛkyerɛmu fii Ewuradze hɔ fa Shakers [Awosowawosowhofo] hɔn nkyerɛkyerɛ binom ho. Ewuradze dze nyikyerɛ a ɔwɔ ɔfã 49 no maa mbuae. Wɔabobɔ Shakers [Awosowawosowhofo] no hɔn gyedzi horow no bi wɔ ɔfã ne tsir mu.

Ebɛnadze na Ewuradze kyerɛkyerɛe wɔ ɔfã 49 dze tsentseen Shakers [Awosowawosowhofo] no hɔn gyedzi horow no? Ebɛnadze na ihu no wɔ nyikyerɛ yi mu a ɔkyerɛ No dɔ na nhwɛe ma nkorɔfo a wonnyi No nokwar ne mãhyɛ? Ibesi dɛn botum dze ɔdɔ na ayamuhyehye abɛn hɔn?

Ebɛnadze na ɔyɛ wo ahomka wɔ Ewuradze n’adzehu wɔ nyiyimu 2mu? Ibotum dze iyi atoto dza osi sɛ ehwɛ sene ne fã ara, ihu puzzle ne fã kor, anaa etse nsɛmnsɛm ne fã ho a. Ewuradze no kɔkɔbɔ no si dɛn fa Nkyerɛkyerɛ na Ahyɛmudzi 50:24ho? Hwɛ dza ereyɛ dze agye kan mbordo efi Ewradze hɔ.

San hwɛ “Leman Copley and the Shakers,” in Revelations in Context, 117–21.

No mbɔdzembɔ mu dɛ ɔbɛsɛɛ Ɔsor Egya ne nhyehyɛɛ no, Satan hwehwɛ dɛ ɔdze adwensɛɛ wɔ awar ho ba. Ne fã bi so no, Ewuradze, kɔ do dua No nkɔnhyɛfo do yi nokwar fa awar ho kyerɛ. Ibotum ehu nokwar yi bi wɔ Nkyerɛkyerɛ na Ahyɛmudzi 49:15–17; Genesis 2:20–24; 1 Corinthfo 11:11; na “Ebusua no: Dawurbɔ a wɔdze ma Wiadze.” Kyerɛw nokwar a ihu no nkorkor. Ebɛnadze ntsi na awar hia dodow wɔ Nyankopɔn ne nhyehyɛɛ mu?

Elder Ulisses Soares kyerɛkyerɛɛ dɛ “Jesus Christ n’asɛmpa a wɔdze asan ananmu no bɔ nkabɔmu a odzi mu wɔ ɔbaa na ɔbarimba ntamu ho dawur, wɔ ɔnnkyebo abrabɔ na mfesantsen abrabɔ no nyina mu’’ (“In Partnership with the Lord,” Liahona, Ɔberɛfɛw 2022, 42). Ibotum esũa n’asɛm no, a erohwehwɛ fapem tɔw ahorow “a ɔhyɛ nkabɔmu dzen wɔ ɔbaa na ɔbarimba ntamu.” Ibesi dɛn botum dze fapem yinom edzi dwuma wɔ w’abrabɔ mu? Sɛ obi a ɔnnye wo nnkɔ asɔr bisa wo siantsir a awar hia a, ibesi dɛn beyi ano? Ebɛnadze ntsi na w’enyisɔ ntsease yi?

San hwɛ Topics and Questions, “Marriage,” “Family,” Gospel Library; David A. Bednar, “Marriage Is Essential to His Eternal Plan,” Ensign, Obiradzi 2006, 83–84; “Renaissance of Marriage” (video), Gospel Library.

2:36

Nna Asɔrmba afoforfo a wɔwɔ Ohio no hɔn enyi aber dɛ wobenya sunsum mu ndaedzi a wɔabɔ ho anohoba wɔ kyerɛwsɛm mu no. Naaso, nna Satan n’enyi aber dɛ ɔbɛdaadaa hɔn. Sɛ wɔsee wo dɛ boa asɔrmba yinom ma wɔntse mbrɛ wobesi bohu Sunsum Krɔnkrɔn ne ndaedzi no a, ebɛn fapem wɔ Nkyerɛkyerɛ na Ahyɛmudzi 50 na ebɛkyɛ? (hwɛ tsitsir ara nyiyimu 22–25, 29–34, 40–46). Agyenkwa no esi dɛn aboa wo ma ehu nsonsonee a ɔda nokwar na mfom ntamu?

San hwɛ 1 Corinthfo 14:1–28; 2 Timothy 3:13–17.

Yɛdze Jesus Christ n’asɛmpa a wɔdze asan ananmu no robɔ bra ma hɛn akwan horow pii dɛ yɛbɛyɛ akyerɛkyerɛfo na adzesũafo wɔ fie na Asɔr. Kwan kor a ibotum dze esũa Nkyerɛkyerɛ na Ahyɛmudzi 50:13–24 nye dɛ ebɔdorɔw kyerɛkyerɛnyi na adzesũanyi mfonyin. Kor biara nkyɛn no, kyerɛw nsɛmfua na asɛnsin fi nyiyimu yinom mu a ɔkyerɛkyerɛ wo biribi fa asɛmpa adzesũa na ne nkyerɛe ho. Mber bɛn na enya sũahu horow a ɔkyerɛkyerɛɛ wo hia a Sunsum no hia wɔ erekyerɛkyerɛ na irusũa adze mu? Hwɛ kwan a ibotum etu wo mbɔdzembɔ mpon dɛ asɛmpa osũanyi na kyerɛkyerɛnyi.

Ber a edwendwen Agyenkwa ne nsɛm ho wɔ Nkyerɛkyerɛ na Ahyɛmudzi 50:23–25mu no, dwendwen mbrɛ ibesi bɛgye Nyankopɔn ne kan ho asɛm wɔ w’abrabɔ mu ho na mbrɛ ibesi “[bɛ]pam sum’’ efi hɔ. Mfatoho, nyiyimu yinom si dɛn weɔn wo nsanmuyi horow wɔ mbrɛ isi dzi wo mber ho? enyikadze anaa dawurbɔ nsɛm a ehwehwɛ? nkɔmbɔ a idzi? Ebɛn gyinaesi binom so na nyiyimu yinom botum aboa wo wɔ ho? Asɔr ndwom tse dɛ “The Lord Is My Light’’ (Asɔr ndwom, nkanee 89) botum ekenyan adwendwen bi aka ho.

San hwɛ “Walk in God’s light,’’ For the Strength of Youth: A Guide for Making Choices [Ma Mbabun Enya Ahoɔdzen: Akwankyerɛ ma Nsanmuyi.], 16–21.

• Ebɛkyerɛkyerɛ wo mbofra fapem a ɔwɔ nyiyimu yinom mu no ibotum ayɛ ananadze su nkrataa anan na mfonyin anan a wogyina hɔ ma gyedzi wɔ Jesus Christ mu, nnuhu, enuma, na eregye Sunsum Krɔnkrɔn no ( hwɛ mfonyin no wɔ dapɛn yi dwumadzi krataafa mu). Wo mbofra no botum dze ananadze su no ato famu a mfonyin no deda hɔn nkyɛn. Nkyii wobotum ayɛ no nkorkor anantsew ananadze su no do ber a ekenkan Nkyerɛkyerɛ na Ahyɛmudzi 49: 12–14. Boa hɔn ma wɔntse ase dɛ sɛ yɛyɛ ndzɛmba a ɔwɔ mfonyin yinom mu a, nna yeridzi Jesus Christ n’ekyir.

• Ibotum asan atõ nsa afrɛ wo mbofra ma wɔdze Nkyerɛkyerɛ na Ahyɛmudzi 49:12–14 dze atõtõ Ndwuma 2:38 na ɔnye gyedzi nsɛmpɔw a otsĩa ananho. Ebɛn ndzɛmba na wodzi nsɛ a wohu? Ebɛnadze ntsi na nokwar yinom hia?

• Ebɛda nyiyimu yinom edzi a, ibotum akyerɛkyerɛ mu dɛ nna Shakers[Awosowawosowhofo] no yɛ nyamesom kuw bi a wɔgye dzi dɛ onnyi dɛ nyimpa war (hwɛ ɔfã ne tsir ma Nkyerɛkyerɛ na Ahyɛmudzi 49). To nsa frɛ wo mbofra ma wɔnhwehwɛ ndzɛmba a Ewuradze kyerɛkyerɛɛ fa awar ho wɔ Nkyerɛkyerɛ na Ahyɛmudzi 49: 15–17. “Nyankopɔn na ɔhyehyɛɛ awar’’ n’asekyerɛ nye dɛn? Bia wobotum abɔ mu akenkan “Ebusau No: Dawurbɔ a wɔdze ma Wiadze” ne ɔkasapɛn ebiasa a odzi kan no. Nkyii, kã siantsir a awar na ebusua hia ma Ɔsor Egya ho asɛm.

• Ebɛda Nkyerɛkyerɛ na Ahyɛmudzi 50;23–25edzi no, enye wo mbofra nkã nsonsonee a ɔda kan na sum ntamu ho asɛm. Ebɛnadze ntsi na yehia kan? Wobotum abɔ mu akenkan ɔkasapɛn a odzi kan no wɔ “Walk in God’s light’’ mu wɔ For the Strength of Youth: A Guide for Making Choices [Ma Mbabun Enya Ahoɔdzen: Akwankyerɛ ma Nsanmuyi.] (krataafa 17) dɛmara dɛ Nkyerɛkyerɛ na Ahyɛmudzi 50:23–25. Kã akwanhorow a yɛgye Nyankopɔn ne kan na akwanhorow a yebotum apam sum efi hɔ ho asɛm. Nkyii wobotum abɔ mu atow ndwom a ɔfa hɔn sunsum mu kan ho, tse dɛ “Shine On’’ (Children’s Songbook, 144).

• Wɔabɔmu akenkan Nkyerɛkyerɛ na Ahyɛmudzi 50:40–46 ewie no, ibotum dze Agyenkwa no mfonyin a ɔwɔ nyienyim yi n’ewiei no akyerɛ na ebisa nsɛmbisa tse dɛ iyinom: Ebɛn atsenka na guanhwɛfo nya wɔ No guan ho? Agyenkwa no si dɛn yɛ dɛ guanhwɛfo ma hɛn?