Nkyerɛkyerɛ na Ahyɛmudzi 46–48

Ana etse nkã dɛ w’anyɛnkofo na nkorɔfo a wɔwɔ wo sɔn mu no nya ahomka wɔ wo ward asɔryɛ som mu? Ebɛnadze na ereyɛ ma w’Asɔr nhyiamu ayɛ mbea a nkorɔfo pɛ dɛ wɔbɛsan aba hɔ? Dwendwen mbrɛ ibesi dze Ewuradze n’afotu wɔ Nkyerɛkyerɛ na Ahyɛmudzi 46:1–7 edzi dwuma (san hwɛ 2 Nephi 26:24–28; 3 Nephi 18:22–23).

Ibotum asan adwen mber bi a ekɔr Asɔr som—anaa kuw bi hɔn nhyiamu—a ɔyɛ wo mber a odzi kan ho. Ebɛnadze na nkorɔfo yɛe ma inyaa ahomka?

San hwɛ Moroni 6:5–9; “’Tis Sweet to Sing the Matchless Love,” Asɔr Ndwom,, nkanee 177; “Welcome” (video), Gospel Library.

1:5

Ahotseweefo edzikamfo no gyee sunsum mu akyɛdze dzii na nna wohia mboa bi dze ehu na wɔatse hɔn botae ase. Ber a isũa Sunsum akyɛdze horow ho nsɛm wɔ Nkyerɛkyerɛ na Ahyɛmudzi 46:7–33mu no, dwendwen botae “ntsi [a] wɔdze ma’’ ho (nyiyimu 8). Ebɛnadze na isũa fa Nyankopɔn —akyɛdze yinom mafo no ho?

Ana ibotum adwendwen nkorɔfo bi a ehu dɛ wɔdze sunsum mu akyɛdze yinom anaa sunsum mu akyɛdze afofor bi so ridzi dwuma ho fasusu a? Osii dɛn “yɛɛ mfaso maa … Nyame ne mba”? (nyiyimu 26). Ibotum asan ahwɛ sɛ ibotum ehu sunsum mu akyɛdze asorɔtow mfatoho wɔ kyerɛwsɛm tse dɛ iyinom mu a: 1 Ahemfo 3:5–15; Daniel 2:26–30; Ndwuma 3:1–8; Helaman 5:17–19; Mormon 1:1–5; Ether 3:1–15; Nkyerɛkyerɛ na Ahyɛmudzi 6:10–12; Moses 7:13.

W’adzesũa wɔ sunsum mu akyɛdze ho botum egya wo ma adwendwen akyɛdze a Nyankopɔn dze ama wo ho. Ibesi dɛn botum dze akyɛdze yinom edzi dwuma dze ehyira Ne mba? Sɛ ewɔ patriarch nhyira a, ɔbɛba no dɛ ɔbɛkyerɛ akyɛdze a wɔdze ama wo. Erekenkan Elder John C. Pingree Kakraba n’asɛm “I Have a Work for Thee” botum asan ebue w’adwen mu akɔ akyɛdze a nndwen ho da ho (Liahona, Ɔberɛfɛw 2017, 32–35).

Sɛ epɛ dɛ isũa mbrɛ ibesi botu sunsum mu akyɛdze mpon a, mfatoho wɔ Elder Juan Pablo Villa n’asɛm “Exercising Our Spiritual Muscles” n’ahyɛse no botum aboa (Liahona, Esusow Aketseaba 2019, 95). Ebɛn “dwumadzi horow” na obotum aboa wo ma etu wo sunsum mu akyɛdze mpon?

San hwɛ Nsɛntsir na Nsɛmbisa, “Holy Ghost,” Gospel Library.

John Whitmer ne ɔfrɛ dɛ onsie Asɔr n’abakɔsɛm no yɛɛ nkyerɛwee siefo amambra a ɔwɔ hɔ dadaada wɔ Nyankopɔn no nkorɔfo no mu no ntoado. Ebɛnadze ntsi na edwen dɛ abakɔsɛm ne nsie hia dodoodow ma Ewuradze? Dwendwen iyi ho ber a ekenkan ɔfã 47 dɛmara dɛ nkyerɛkyerɛ a ɔnye no sɛ wɔ 2 Nephi 29:11–12; Moses 6:5; Abraham 1:28, 31. Ebɛnadze na etse nkã dɛ Ewuradze pɛ dɛ ekyerɛw fa w’abrabɔ ho?

FamilySearch do no, ibotum akyerɛw nkaadze na sũahu horow efi w’abrabɔ mu—na wewuakɔr hɔn abrabɔ mu (hwɛ FamilySearch.org).

Hwɛ Henry B. Eyring, “O Remember, Remember,” Liahona,Ɔberɛfɛw 2007, 66–69.

Bia itum tse dza John Whitmer tsee no ne nka mber a nna ɔresan ahwehwɛ awerɛhyɛmu dɛ ne ɔfrɛ no fi Nyankopɔn hɔ no. Ebɛn asɛm na Nyankopɔn kãe wɔ Nkyerɛkyerɛ na Ahyɛmudzi 47 dze kyerɛɛ John Whitmer—na ɔwo—a okenyan awerɛhyɛmu wɔ erehyɛ ɔfrɛ a Ɔdze ma no mã no mu.

• Enye wo mbofra akenkan Nkyerɛkyerɛ na Ahyɛmudzi 46:5. ewie no, kã atsenka a Agyenkwa No pɛ ma nkorɔfo enya ber a wɔba N’Asɔr hɔ ho asɛm. To nsa frɛ wo mbofra ma wonsusu dɛ wohun obi wɔ asɔr wɔ ne mber a odzi kan ho. Boa hɔn ma wonsũasũa akwan horow a wɔbɔboa nyimpa yi ma oenya ahomka.

• Ama aboa wo mbofra ma woesũa sunsum mu akyɛdze a wɔakã ho asɛm wɔ Nkyerɛkyerɛ na Ahyɛmudzi 46:13–26, mu no, hwɛ adwenkyerɛ yi. Ibotum akyerɛw akyɛdze horow no wɔ nkrataa do na edze esumasuma dan no mu. Ber a wo mbofra hwehwɛ krataa kor biara no, boa hɔn ma wonhu bea a wɔabɔ akyɛdze no ne dzin wɔ ɔfã 46mu. Akyɛdze kor biara no, enye hɔn nkã mbrɛ wosi dze dzi dwuma dze hyira binom ho asɛm (nkasaho wɔ “Tsir 20: Sunsum Akyɛdze,” wɔ Nkyerɛkyerɛ na Ahyɛmudzi Nsɛm, 77–80, botum aboa).

  

  2:19

• Kã akyɛdze horow a etse nkã dɛ Ɔsor egya dze ama wo mbofra no kyerɛ hɔn, na ma wɔnkã akyɛdze a wohu no wɔ hɔn mu kor biara mu no ho asɛm. Dɛ mbrɛ Nkyerɛkyerɛ na Ahyɛmudzi 46:8– 9, 26, kã no, ebɛnadze ntsi na Ɔsor Egya ma hɛn sunsum mu akyɛdze? Yebesi dɛn botum dze hɛn akyɛdze yinom edzi dwuma dze ehyira binom?

• Ma wo mbofra no nhwehwɛ dza nna Ewuradze pɛ dɛ John Whitmer yɛ wɔ Nkyerɛkyerɛ na Ahyɛmudzi 47:1, 3. Hom botum asan nye homho akyɛ nsɛm a wɔpɛ fi kyerɛwsɛm no mu. Da no edzi dɛ yenyim nsɛm yinom ho asɛm osiandɛ obi na ɔkyerɛwee.

• Hwɛ mbrɛ ibesi botum ekenyan wo mbofra ma wɔakyerɛw hɔn ankorankor abakɔsɛm. Ibotum akyɛ dza akyerɛw bi fi w’ankasa wo journal mu anaa ewuakɔr bi no ho asɛm (hwɛ FamilySearch.org anaa Memories app no). Ibotum ama journal nkenyandze bi, tse dɛ “Ebɛnadze na osii dapɛn yi a epɛ dɛ wo nananom tse ho asɛm?” anaa “Isii dɛn hun Ewuradze ne nsa wɔ w’abrabɔ mu dapɛn yi?” Mbofra nkakraba botum adorɔw hɔn sũahu horow ho mfonyin, anaa ibotum atwe hɔn nsɛm a wɔrekã no egu efir do. Ebɛn nhyira na ofi eresie “daa daa abakɔsɛm” mu ba? (Nkyerɛkyerɛ na Ahyɛmudzi 47:1).

• Ber a enye wo mbofra kenkan Nkyerɛkyerɛ na Ahyɛmudzi 48:2–3 no, ibotum ekehia dɛ ekyerɛkyerɛ mu dɛ nna nkorɔfo fi Epuei reba Ohio, na nna wonnyi bea a wɔbɛtsena. Ebɛnadze na Ewuradze see Ahotseweefo no dɛ wɔnyɛ mfa mboa? Boa mbofra no ma wɔndwendwen ndzɛmba a Nyankopɔn dze ama hɔn ho a wobotum nye nkaafo akyɛ. Ibotum asan nye mbofra no atow ndwom bi tse dɛ “‘Give,’ Said the Little Stream’’ (Children’s Songbook, 236).