Nkyerɛkyerɛ na Ahyɛmudzi 45

Sɛ yɛtse nkã dɛ yɛtɔ sin anaa yenndzi mu wɔ Nyankopɔn n’enyim a, yebotum asan enya awerɛhyɛmu efi Agyenkwa ne nsɛm mu wɔ Nkyerɛkyerɛ na Ahyɛmudzi 45:1–5. Sɛ ehwehwɛ nyiyimu yinom mu a, hwɛ nsɛmbisa tse dɛ iyinom mu:

• Ebɛn nsɛmfua anaa nsɛnsin horow na ɔwɔ nyiyimu yinom mu a etse nkã dɛ ɔwɔ mfaso tsitsir ara ma wo?

• Dzimafo yɛ obi a baguamu no ɔboa anaa ɔkamfo nyimpa bi anaa dwumadzi bi. Dɛ mbrɛ nyiyimu yinom kyerɛ no, Jesus Christ si dɛn yɛ iyi ma wo? Ebɛnadze na ɔma Ɔfata dɛ otum yɛ?

• Ebɛnadze na ɔyɛ wo ahomka wɔ Agyenkwa ne nsɛm a ɔdze ma Egya no ho? (nyiyimu 4-5).

Ibotum asan esũa dza Elder Dale G. Renlund kyerɛkyerɛɛ fa Jesus Christ, hɛn Dzimafo ho, wɔ “Choose You This Day’’ mu (Liahona, Ɔberɛfɛw 2018, 104–5). Dɛ mbrɛ Elder Renlund kãe no, Agyenkwa no ne tsirmupɔw no si dɛn yɛ ntõtõho ma Lucifer ne dze?

Nsɛnsin horow a odzidzi do no botum aboa wo ntseasee wɔ Agyenkwa ne dzibew dɛ Dzimafo no ho. Sɛ isũa a, hwɛ dɛ ebɛkyerɛw nsɛnsin anaa nokwar horow no a ibotum nye nkaafo akyɛ no ato hɔ: 2 Nephi 2:8–9; Mosiah 15:7–9; Moroni 7:27–28; Nkyerɛkyerɛ na Ahyɛmudzi 29:5; 62:1. Ebɛnadze ntsi na nsɛnsin horow yinom yɛ mfaso ma wo?

San hwɛ “I Stand All Amazed,” Asɔr Ndwom,, nkanee. 193; Topics and Questions, “Atonement of Jesus Christ,” Gospel Library; “The Mediator” (video), Gospel Library.

10:47

Tsetseber do no, nna gyinapɛn yɛ frankaa a wɔsoa dze kɔ ɔkõ a wɔdze frɛfrɛ nsordaafo na wɔka hɔn boa ano. Gyinapɛn san so yɛ fasusu anaa mbra a wobotum dze ayɛ esusudze ama ndzɛmba bi. Sɛ ekenkan Nkyerɛkyerɛ na Ahyɛmudzi 45:9–10, dwendwen mbrɛ esi nye Ewuradze edzi ahyɛmudzi horow no ayɛ gyinapɛn ama wo.

Wɔakã Ewuradze ne Mbae a Otsĩa Ebien no ho asɛm dɛ ɔyɛ “kɛse’’ na “hu’’ (Malachi 4:5). Nkyerɛkyerɛ na Ahyɛmudzi 45, mu no, nkasaho beenu no fata. Ɔdwe kɔkɔbɔ horow na enyidado anohoba horow a wɔbɔ mu no ka Ewuradze ne mbae nyikyerɛ yi no ho. Ber a isũa nyiyimu 11–75no, dwendwen mbrɛ ibesi ibotum dze gyedzi wɔ Christ mu ayɛ ahosisie ama Mbae a Otsĩa Ebien no kyɛn dɛ edze suro. Kyerɛw dza ihu no na hyehyɛ no tse dɛ iyi:

Video “Men’s Hearts Shall Fail Them’’ mu no (Gospel Library), ebɛn afotu na President Russell M. Nelson dze mae a ɔbɔboa hɛn ma yɛdze asomdwee egyina suro gyinabew horow no ano?

3:24

Ebɛnadze na isũa fi Nkyerɛkyerɛ na Ahyɛmudzi 45:31–32, 56–57 mu wɔ ereyɛ ahosiesie ama Ewuradze ne mbae no ho? Ebɛnadze nye wo “mbea krɔnkrɔn’’? “Irinnhihim’’ n’asekyerɛ nye dɛn? Ibesi dɛn botum ayɛ ma bea a ewɔ no ayɛ krɔnkrɔn yie?

Hyɛ no nsew dɛ Ewuradze kãa mbaabun du abɛbusɛm ho asɛm, a ɔdze ngo no a ɔwɔ abɛbusɛm mu no totoo nokwar na Sunsum Krɔnkrɔn no ho. Hwɛ na kenkan abɛbusɛm no wɔ Matthew 25:1–13 a dɛm no wɔ w’adwen mu. Ebɛn nhumu na inya?

San hwɛ David A. Bednar, “If Ye Had Known Me’’, Liahona, Ɔberɛfɛw. 2016, 102–5.

Nna Ahotseweefo no a wɔwɔ Joseph Smith n’aber do no enyi ber dɛ wɔbɛkyekyer Zion, Jerusalem Fofor no (hwɛ Ether 13:2–9; Moses 7:18, 62–64). Ebɛnadze na isũa fa Zion—Enoch n’aber do tsetse kuropɔn no na nda a odzi ekyir kuropɔn ebien no ho—fi Nkyerɛkyerɛ na Ahyɛmudzi 45:11–15, 66–71? Ndɛ ahyɛdze dɛ yɛnkyekyer Zion no fa yɛrekyekyer Nyankopɔn n’ahenman wɔ beebiara a yɛtse no. Ebɛnadze na ibotum ayɛ dze akyekyer Zion wɔ beebiara a etse no?

• Ibotum aboa wo mba ma wɔatse ase dɛ dzimafo yɛ obi a ɔboa obi. Nkyii ibotum akã ereyɛ dɛ dzimafo fasusu horow ho asɛm a wonyim (tse dɛ irigyina ama nyɛnko bi). Ber a wɔbɔ mu kenkan Nkyerɛkyerɛ na Ahyɛmudzi 45:3–5 no, boa wo mbofra no ma wɔnhwehwɛ nyia ɔyɛ hɛn Dzimafo na mbrɛ Osi boa hɛn.

• Ɔbɛyɛ enyigye dɛ ibotum dze fie, Asɔr dan, na temple mfonyin esisi dan no mu. Nkyii ibotum etuei wo mba no hɔn aso kakra a ereka mbea yinom ho asɛm na ato nsa dze afrɛ hɔn ma woegyina mfonyin a erekã ho asɛm no nkyɛn. Serɛ hɔn ma wongyina dzinn ber a ekenkan asɛm a odzi kan no fi Nkyerɛkyerɛ na Ahyɛmudzi 45:32. Ebɛn mbea krɔnkrɔn binom na Nyankopɔn dze ma hɛn? Boa wo mba ma wɔntse ase dɛ “ibegyina mbea krɔnkrɔn, na … innhihim’’ n’asekyerɛ dɛ ibɛsan mu afa dza oye aber biara, a dza orisi mmfa ho. Yebesi dɛn botum ayɛ ma hɛn fie ayɛ bea krɔnkrɔn yie?

• Ibotum akyerɛkyerɛ mu akyerɛ wo mba dɛ tsetseber do no, nna gyinapɛn yɛ tamsin anaa frankaa a wɔdze kɔ ɔkõ. Nna ɔboa nsordaafo ma wohu beebi a wɔmboa hɔn ano na dza wɔnyɛ. Wɔmbɔ mu nkenkan Nkyerɛkyerɛ na Ahyɛmudzi 45:9, na wɔmpɛnsampɛnsa akwan horow a asɛmpa no tse dɛ gyinapɛn mu. Wo mbofra hɔn enyi bɛgye dɛ hɔnara wɔreyɛ hɔn gyinapɛn anaa frankaa, a mfonyin anaa nsɛmfua a ɔkyerɛ hɔn atsenka wɔ Agyenkwa noho ka ho.

• Ɔsɛe a obesi ansaana Mbae a Otsĩa Ebien no botum ama mbofra esuro. Erekyerɛ hɔn Jesus Christ no botum aboa hɔn ma wɔdze gyedzi ahwɛ kan! Hwɛ dɛ ebɔto nsa afrɛ hɔn ma wɔadwendwen mbrɛ hɔn atsenka bɛyɛ sɛ nyimpa tsitsir bi rebɛserɛ hɔn, tse dɛ hɔn nana anaa nyɛnko bi a. Wosi dɛn yɛ ahosiesie ma nsera no? Nkyii ibotum dze Agyenkwa no mfonyin akyerɛ na akenkan Nkyerɛkyerɛ na Ahyɛmudzi 45:44–45. Hom nye homho nkyɛ atsenka a wonya no wɔ Agyenkwa ne mbae no ho.

• Ama aaboa wo mba ma woenya enyigye mbordo wɔ Agyenkwa na Mbae a Otsĩa Ebien ho no, ibotum akyerɛw enyidado anohoba horow nsɛm binom fi ɔfã 45 wɔ nkrataa esinesin do (hwɛ, mfatoho, nyiyimu 44–45, 51–52, 55, 58–59, 66–71). Fa nkrataa no ma mbofra no na serɛ hɔn ma wɔmma hɔn nsa do sɛ anohoba a wokitsa no wɔbɔ dzin ber a ekenkan nyiyimu no a. Hom mpɛnsampɛnsa dza anohoba yinom ase kyerɛ mu. Ibotum asan nye mbofra no atow Agyenkwa ne Mbae a Otsĩa Ebien ho ndwom, tse dɛ “When He Comes Again’’ (Children’s Songbook, 82–83).