Reirei ao Berita aika Tabu 46–48

Ko namakinna bwa raoraom ke aomata n am tabo are ko maeka iai a namakina te butimwaeaki n tain te nebonebo n am uoote? Tera baika kam karaoi ni karika bootakin te Ekaretia bwa tabo aika a kan okioki aomata nako iai? Iangoia raoi bwa ko na kanga n kammwakura ana reirei te Uea n Reirei ao Berita aika Tabu 46:1–7 (taraa naba 2 Nibwaai 26:24–28; 3 Nibwaai 18:22–23).

Ko naba bae naba n iangoa te tai teuana ngke ko kaea te bootaki n tataro n te Ekaretia—ke te bootaki n te kurubu teuana—n te moan tai. Tera ae a karaoia aomata ni buokiko bwa ko na namakina te butimwaeaki?

Taraa naba Moronaai 6:5–9; “’Tis Sweet to Sing the Matchless Love,” Boki n Anene n Taromauri, nambwa. 177; “Welcome” (video), Gospel Library.

1:16

Kaain te aro ake rimoa a kakouai ana bwaintituaraoi te tamnei ma a kainnanoa te buoka ni kinai ao n mataata n bonganaia. Ngkai ko kamatebwaia taekan bwaai n tituaraoi te tamnei n te Tamnei i nanon Reirei ao Berita aika Tabu 46:7–33, iangoa bukina “ibukin [tera] kam anganaki” (kibu 8). Tera ae ko reiakinna ibukin te Atua—te tia anga bwaai n tituaraoi aikai?

Ko konaa n iangoa katooto ake ko a tia n nooria aomata ni kabonganai ke bwaai n tituaraoi n tamnei riki tabeua? A na kanga ni “kabwaiaia … natin te Atua”? (kibu 26). Ko na nooria naba ngkana ko kona ni kunei banna ni katooto n kakaokoron bwaai n tituaraoi n tamnei i nanon koroboki aika a tabu n aron aikai: 1 Uea 3:5–15; Taniera 2:26–30; Mwakuri 3:1–8; Ereman 5:17–19; Moomon 1:1–5; Ita 3:1–15; Reirei ao Berita aika Tabu 6:10–12; Mote 7:13.

Am kamatebwai n bwaain tituaraoi n tamnei a kona ni kairiko ni iangoia raoi bwa tera te bwai n tituaraoi ke bwaai n tangira ae e a tia n anganiko te Atua. Ko na kanga ni kabonganai bwaai n tituaraoi aikai ni kakabwaiaia Natina? Ngkana iai ana kakabwaia te tamanuea iroum, e kona ni kaoti bwaai n tituaraoi ake ko a tia n anganaki. Warekan ana rongorongo Unimwaane John C. Pingree Jr. “I Have a Work for Thee” a kona naba ni kauka am iango nakon bwaai n tituaraoi ae ko tuai n iangoi (Riaona, Nobembwa. 2017, 32–35).

Ngkana ko tangiria n reiakinna bwa e kanga aron karikirakean bwaai n tituaraoi n taamnei, te kabootau ni moan ana rongorongo Unimwaane Juan Pablo Villar “Kamarurungan Mwatiretin Tamneira” e kona n ibuobuoki (Riaona, Meei 2019, 95). Tera “kakamwakuri” aika a kona ni buoka ni karikirakea am bwai n tituaraoi n tamnei?

Taara naba Topics and Questions, “Holy Ghost,” Gospel Library.

Wetean John Whitmer bwa e na kawakina rongorongon te Ekaretia e reitaanako te waaki n kawakin rongorongon bwaai ibuakoia ana aomata te Atua. Ngkoe iroum bukin tera e rangi ni kakawaki korean te rongorongo iroun te Uea? Iangoa aio ngkana ko wareka mwakoro 47 ao ai arona naba n kaetieti i nanon 2 Nibwaai 29:11–12; Mote 6:5; Aberaam 1:28, 31. Tera ae ko namakinna bwa e tangiriko te Uea bwa ko na kawakinna n taekan maium?

N te FamilySearch, ko koa ni kawakina mwiin baika a kakawaki ao ake a tia n riki man maium—ao ni maiuia am bakatibu (taraa FamilySearch.org).

Taraa Henry B. Eyring, “O Remember, Remember,” Riaona, Nobembwa. 2007, 66–69.

Tao ko kona n kairekerekea are e namakinna John Whitmer ngke e tangira kamatoaana bwa e bon roko weteakina mairoun te Atua. Tera ae taekinna te Uea n Reirei ao Berita aika Tabu 47 nakon John Whitmer—ao nakoim—ni kaunga te ungannano ni kakoroan weteam are E anga?

• I mwiin warekan Reirei ao Berita aika Tabu 46:5 ma am ataei, marooroakina aron te tia Kamaiu n tangiriia aomata bwa a na namakin ngkana a roko nakon Ana Ekaretia. Kaoiia am ataei bwa a na iangoa bwa aongkoa a noora temanna n te taromauri te moan tai. Buokiia n karaoi kawai are e na buoka te aomata anne bwa e na namakinna bwa e butimwaeaki.

• Ni buokiia am ataei n reiakina taekan bwaai n tituaraoi n tamnei n Reirei ao Berita aika Tabu 46:13–26, iangoa te iango aei. Ko kona n korei bwaai n tangira i aon te moti ni beebwa ao n karabaa i nanon te ruu. N aia tai ni kunei beebwa n tatabeua nako am ataei, buokiia ni kunei bwaai n tangira ake a taekinaki n te mwakoro 46. N bwaai n tangira n tatabeua nako, marooro ma ngaiia aron kabonganaaia n kakabwaiaia tabeman (te kabwarabwara i nanon “Mwakoro 20: Gifts of the Spirit,” in Karakin man Reirei ao Berita aika Tabu, 77–80, a kona n ibuobuoki).

  

  2:19

• Tuangiia am ataei taekan bwaai n tituaraoi ake ko namakinna bwa a tia n anganki mairoun Tamara are i Karawa, ao n kairiiia bwa a na marooroakin taekan bwaai n tituaraoi ake a nooria irouia n tatabemaniia. N kaineti ma Reirei ao Berita aika Tabu 46:8–9, 26, bukin tera e anganiira bwaai n tituaraoi n tamnei Tamara are i Karawa? Ko na kanga ni kabonganai am bwai n tituraoi ni buokia tabeman?

• Kataia kairiia am ataei bwa a na kunea bwa tera ae tangiria te Uea iroun John Whitmer bwa e na karaoia n Reirei ao Berita aika Tabu 47:1, 3. Ko kona naba n tibwaia i maremami karaki tabeua aika mamaten nanomi man koroboki aika tabu. Kaotia bwa ti atai taekan karaki aikai ibukina bwa iai temanna ae rawei taekaia ni kawakini.

• Iangoia bwa ko na kanga n kaira nanoia am ataei ni rawea taeka rongorongoia ni kawakin. Ko kona naba n tibwaa tabeua man ake ko korei man am tienoo ke te karaki ibukin am bakatiku (taraa FamilySearch.org or the Memories app). Ko kona n anga tabeua iango ibukin te koroboki, n aron “Tera ae riki n te wiiki aei ae ko tangiria bwa a na ataia tibum?” ke “Ko kanga n noora bain te Uea ni maium n te wiiki aei?” Ataei aika a uarereke a kona n korei tamnein baike a rinanona, ke ko kona n rawea aia karaki. Tera kakabwaia aika a reke man kawakinan “te rongorongo ae teimatoa ”? (Reirei ao Berita aika Tabu 47:1).

• Ngkai ko wareka Reirei ao Berita aika Tabu 48: 2– 3 ma am ataei, tao ko na tangiria n kabwarabwara bwa a roko aomata nako Ohio mai Mainiku, ao akea aia tabo ae a na maeka iai. Tera ae tuangiia Aomata aika Itiaki te Uea bwa a na karaoia n ibuobuoki? Buokia am ataei n iangoi bwaai are e a tia n anganiia te Atua are a kona n tibwaia ma tabeman. Ko kona naba n anene ma ngaiia n anene n aron “‘Give,’ Said the Little Stream” (Aia Boki n Anene Ataei, 236).