Reirei ao Berita aika Tabu 45

Ngkana ti namakina te aki tau i matan te Atua, ti kona ni kunea te karaunano man ana taeka te tia Kamaiu i nanon Reirei ao Berita aika Tabu 45:1–5. Ngkana ko kamatebwai kiibu aikai, iangoi titiraki n aron aikai:

• Tera taeka ke kibuntaeka ni kiibu aikai ae ko namakinna bwa e kaineti nakoim?

• Te tia ibuobuoki bon temanna are e anga te boutoka ke n buotoka te aomata ke te mwakuri. Ni kaineti ma kiibu aikai, e kanga ni karaoa aio ibukim Iesu Kristo? Tera ae tau iai bwa E na karaoia?

• Tera ae anaa nanom ibukin ana taeka te tia kamaiu nakon te Tama? (kiibu 4–5).

Ko kona naba n kamatebwaia are e reireia Unimwaane Dale G. Renlund ibukin taekan Iesu Kristo, ara tia Ibuobuoki,, n “Rineia n te Bong Aei” (Riaona, Nobembwa 2018, 104–5). Ni kaineti ma Unimwaane Renlund, tera aron ana kaantaninga te tia Kamaiu ni kabotauaki ma ana kaantaninga Rutibero?

Kibuntaeka ake i mwiina a kona ni ikota am atatai n katabean te tia Kamaiu ae te Tia Tei Ibukira. Ngkai ko kamatebwaia, iangoia ni korei kibun taeka ke koaua ake ko kona n tibwaia ma tabeman: 2 Nibwaai 2:8–9; Motiaea 15:7–9; Moronaai 7:27–28; Reirei ao Berita aika Tabu 29:5; 62:1. Bukin tera a kakawaki mwakoro n taeka aikai iroum?

Taraa naba “I Stand All Amazed,” Boki n Anene n Taromauri, nambwa 193; Topics and Questions, “Atonement of Jesus Christ,” Gospel Library; “The Mediator” (video), Gospel Library.

10:47

N taai ake rimoa, te baana are e uouotaki n tain te boobuaka e kabonganaaki ni bootia ao ni katiteuanaia tautia. Te buraeki bon te katooto naba ke te tua ake a kona n katineaki iai bwaai ake tabeua. Ngkai ko wareka Reirei ao Berita aika Tabu 45:9–10, iangoia bwa a kanga berita aika tabu ma te Uea n riki bwa te kainibaire ibukim.

Kauaokin te Uea e kabwarabwaraaki bwa e “kakanato” ao “kakamaku” (Maraki 4:5). I nanon Reirei ao Berita aika Tabu 45, a kaineti raoi kabwarabwara akana uoua. Te kaotioti aei e kaairi kauring aika a kakawaki ao berita aika a kaantaningaaki ibukin rokon te Uea. Ngkai ko kamatebwaia kiibu 11–75, iangoia raoi bwa ko na kanga n tauraoi ibukin te Kauaoki ma te onimaki iroun Kristo nakon te maaku. Taua mwiin ake ko kunei n te taibora n aron aio:

N te witeo ae “Men’s Hearts Shall Fail Them” (Gospel Library), tera te reirei ae e anga Beretitenti Russell M. Nelson ae na buokira ni kaitaraa te waaki ae kakamaaku ma te rau?

3:24

Tera ae ko reiakinna n Reirei ao Berita aika Tabu 45:31–32, 56–57 ibukin te katauraoi i mwain rokon te Uea? Tera am “taabo aika a tabu”? Tera ae nanonaki n te “aki mwaingiing”? Ko na kanga ni karaoa te tabo are ko mena iai bwa e na tabu riki?

Uringnga bwa e nanona te Uea te kaikonaki ibukiia Kibono ake Tengaun, ni kabotaua te bwaa are n te kaikonaki nakon koaua ao te Tamnei ae Raoiroi. Bairea warekan te kaikonaki n Mataio 25:1–13 ma are n am iango. Tera atatai ae ko karekei?

Taraa naba David A. Bednar, “If Ye Had Known Me,” Riaona, Nob. 2016, 102–5.

A rang ni ingainga ni katea Tion Aomata aika Itiaki n ana tai Iotebwa Timiti, te Ierutarem ae Boou (taraa Ita 13:2–9; Mote 7:18, 62–64). Tera ae ko reiakinna ibukin Tion—te kaawa ngkoa n ana tai Enoka ao te kaawa naba ngkai—man Reirei ao Berita aika Tabu 45:11–15, 66–71? N boong aikai te tua ni katean Tion e kaineti nakon katean abanuean te Aua n taabo ake ti maeka iai. Tera ae ko kona n karaoia n buoka katean Tion n te tabo are ko maeka iai?

• Ko na bae n tangiria ni buokiia am ataei n oota bwa te tia ibuobuoki bon temanna are e boutokaa te aomata temanna. Ko kona ngkanne n marooroa te banna ni kairiiri iroun te tia ibuobuoki are tao a kinaa (n tei ibukin te rao). Ngkai kam kaai ni wareka Reirei ao Berita aika Tabu 45: 3–5 buokiia am ataei bwa a na kunea bwa antai ara tia Ibuobuoki ao E na kanga ni buokiira.

• E na kona ni kakukurei katekean tamnein te mweenga, ana kateitei te Aro, ao te tembora ni katobibia nanon te ruu. Ko kona ngkanne n anganiia am ataei bwa a na ibuobuoki ni kabwarabwarai taabo aikai ao ni kaoiia bwa a na tei ni kaan ma te tamnei are ko kabwarabwaraa. Kaoiia bwa a na tei n aki kakammwakuri i nanon am tai ni wareka te moan raain man Reirei ao Berita aika Tabu 45:32. Tera taabo tabeua aika a tabu ake e anganiira te Atua? Buokiia ataei n ataia bwa te “tei n taabo aika a tabu, ao … n aki kamwaingaki” nanona n rinea te eti n tainako, n aki tabe ma te bwai ae e riki. Ti na kanga n karaoa mwengara bwa te tabo ae tabu riki?

• Ko na konaa ni kabwarabwaraa nakoia am ataei bwa n rimoa, te banna kanga ai aron te baana ke te buraeki are e uouotaki nakon te boo ni buaka. E buokiia tautia n ata aia tabo n ikotaki iai ao te bwai ae a na karaoia. Bootaki ni wareka Reirei ao Berita aika Tabu 45:9, ao marooroakini kawai bwa te euangkerio ai aron te kainibaire. A na kukurei am ataei ni karaoan oin aia kainibaire ke aia buraeki, ni ikotaki ma taamnei ke taeka are a kaota aia namakin ibukin te tia Kamaiu.

• Te urubwai are e na riki i mwaain te Kauaoki e konaa ni karika te maaku nakoia ataei. Kotean Iesu Kristo nakoia e kona ni buokia ni ingainga ma te onimaki! Kaoiia bwa a na iangoia bwa a na kanga n namakinna ngkana e roko temanna ae onoti ni kawariia, n ai aroia tiibu ke te rao. A na kanga ni katauraoi ibukin te roko? I mwiina ko kona ni kaota tamnein te tia Kamaiu ao wareka Reirei ao Berita aika Tabu 45:44–45. Tibwaia i marenami ami namakin ibukin rokon te tia Kamaiu.

• Buokaia am ataei n namakina te kukurei ibukin Kauokin te tia Kamaiu, ko kona ni korea i aon te beebwa berita tabeua aika a kaantaningaaki man mwakoro 45 (taraa, ibukin te katooto, kiibu 44–45, 51–52, 55, 58–59, 66–71). Anganiia am ataei aia beebwa ao tuangiia bwa a na katei baia ngkana te berita are a taui i baia e taekinaki ngkai ko wareki kiibu. Marooroakinna bwa tera nanon berita aikai. Ko kona naba n anene ma am ataei te anene ae taekan Kauaokin te tia Kamaiu, n aron “When He Comes Again” (Aia Boki n Anene Ataei, 82–83).