Lus Qhuab Qhia thiab Kev Khi Lus 41–44

Nyob rau xyoo 1831, Haiv Neeg Ntseeg pib sib sau ua ke nyob hauv Ohio. Lawv xav txais txoj kev cai uas Vajtswv tau cog lus tias Nws yuav qhia rau lawv nyob ntawd (saib Lus Qhuab Qhia thiab Kev Khi Lus 38:32). Tiam sis ua ntej, tus Tswv qhia tias Nws cov thwj tim yuav tsum npaj li cas kom txais tau Nws txoj kev cai. Koj nrhiav tau tej ntsiab cai twg nyob hauv Lus Qhuab Qhia thiab Kev Khi Lus 41:1–6 uas yuav pab Haiv Neeg Ntseeg txais tau Vajtswv txoj kev cai? Tej ntsiab cai yuav pab koj li cas kom txais Nws tej lus qhia?

Kuj saib “A Bishop unto the Church,” nyob hauv Revelations in Context, 77–83.

Tsoom Haiv Neeg Ntseeg tau xav tias kev tshwm sim uas nyob hauv phau Lus Qhuab Qhia thiab Kev Khi Lus 42:1–72 yog ib zaj tseem ceeb tshaj plaws uas tus Yaj Saub tau txais lawm. Yog ib zaj hauv thawj feem ntawm tej kev tshwm sim uas tau muab tshaj tawm. Ntau xyoo, Haiv Neeg Ntseeg hu qhov no ua “txoj kev cai” xwb. Txawm yog tshooj no tsis hais tag nrho tus Tswv cov lus txib los sis tej kev cai los, yeej tsim nyog uas peb xav seb vim li cas tej lub ntsiab cai tseem ceeb rau lub Koom Txoos uas nyuam qhuav txum tim rov qab los. Vim li cas tej no tseem ceeb rau peb niaj hnub no?

Vim tshooj 42 ntev zog, tej zaum koj yuav xav kawm ib feem mus ib feem, ib yam li qhov hais nram qab no. Cia li kawm txog tej lub ntsiab cai nyob hauv tej nqe no, thiab xav seb tej kev cai no ua li cas qhia tias tus Tswv hlub Nws cov neeg.

• Nqe 4–9, 11–17, 56–58

• Nqe 18–29

• Nqe 30–31

• Nqe 40–42

• Nqe 43–52

Vim li cas Vajtswv muab tej kev cai thiab cov lus txib rau peb? Koj tau koob hmoov li cas vim koj paub thiab coj raws li cov lus txib?

Raws li qhia nyob hauv txoj kev cai uas muab tshwm sim hauv tshooj 42, tus Tswv tau qhia Tsoom Haiv Neeg Ntseeg tias lawv txawj muaj “txhua yam zoo sib xws” (Tes Hauj Lwm 2:44; 4 Nifais 1:3), thiab “tsis muaj cov pluag nyob hauv lawv” (Mauxes 7:18) zoo li cov neeg uas coj raws li Khetos puag thaum ub. Koj kawm dab tsi los ntawm Lus Qhuab Qhia thiab Kev Khi Lus 42:30–42 txog qhov uas Haiv Neeg Ntseeg tau ua li cas kom ua neej raws li txoj cai fij siab? (Kev fij siab txhais tias yus muab ib yam dab tsi tshwj tseg rau ib lub hom phiaj dawb ceev.)

Txawm yog peb tsis muaj “txhua yam zoo sib xws” niaj hnub no, nyob hauv cov tuam tsev, Tsoom Haiv Neeg Ntseeg hauv Hnub Nyoog Kawg khi lus tias lawv yuav ua raws li txoj kev cai fij siab. Koj yuav ua li cas kom muab tej yam uas Vajtswv tau foom pub rau peb fij tseg kom foom koob hmoov rau tib neeg uas xav tau? Tej zaum kev hu ib zaj nkauj xws li “Rau Qhov Koj Tau Pub Ntau rau Kuv” (Cov Nkauj Qhuas Vajtswv, zaj 97) yuav pab koj tawm tswv yim.

Kuj saib Sharon Eubank, “Kuv Thov Kom Nws Yuav Siv Peb,” Liyahaunas, Kaum Ib Hlis Ntuj 2021, 53–56; “The Law,” nyob hauv Revelations in Context, 93–95.

Xav seb yuav zoo li cas yog koj sib tham nrog ib tug mej zeej tshiab ntawm lub Koom Txoos uas zoo siab paub tias tus Tswv coj lub Koom Txoos los ntawm kev tshwm sim. Koj yuav siv phau Lus Qhuab Qhia thiab Kev Khi Lus 43:1–16 li cas kom piav rau nws txog tus Tswv tus txheej txheem coj Nws lub Koom Txoos los ntawm Nws tus yaj saub? Koj yuav siv phau Lus Qhuab Qhia thiab Kev Khi Lus 42:61, 65–68 li cas kom qhia txog kev txais kev tshwm sim yus tus kheej?

Koj tau txais “tej yam kaj siab lug” twg thiab tej kev xyiv fab twg los ntawm tus Tswv dhau ntawm Nws tus Ntsuj Plig?

Yog xav kawm txog qhov uas lub Koom Txoos cov thawj coj tau ua li cas kom mloog tus Tswv lub suab, tej zaum koj yuav xav saib ib qho vidi-aus nyob hauv pawg vidi-aus “Mloog Nws Hais” nyob hauv Txoj Moo Zoo cov Ntawv. Xav seb koj puas thaij koj zaj vidi-aus thiab, uas piav tias tus Tswv ua li cas kom sib txuas lus nrog koj.

Kuj saib Russell M. Nelson, “Kev Tshwm Sim rau lub Koom Txoos, Kev Tshwm Sim rau Peb lub Neej,” Liyahaunas, Tsib Hlis Ntuj 2018, 93–96; “All Things Must Be Done in Order,” nyob hauv Revelations Context, 50–53.

• Xwv kom pab koj cov me nyuam paub lub ntsiab ntawm kev ua Yexus Khetos ib tug thwj tim, tej zaum koj yuav xav sau Lus Qhuab Qhia thiab Kev Khi Lus 41:5 rau ib daim ntawv, es tsuas sau ib txoj kab kom pauv lo lus disciple. Ces lawv nrhiav hauv nqe 5 kom nrhiav tau lo lus uas tsis tau sau tseg. Raws li nqe no qhia, lub ntsiab ntawm kev ua Yexus Khetos ib tug thwj tim yog dab tsi? Peb ua dab tsi kom siv zog ua Yexus Khetos cov thwj tim zoo dua?

• Tej zaum koj cov me nyuam yuav nyiam ua si ib yam uas kom lawv mloog zoo thiab ua raws li koj qhia lawv. Tej zaum koj yuav xav siv txoj kev ua si no kom sib tham seb lub ntsiab txog kev “mloog thiab hnov thiab ua raws li” tus Tswv hais yog dab tsi (Lus Qhuab Qhia thiab Kev Khi Lus 42:2). Nws tau muab tej lus qhia twg rau peb? Peb tau koob hmoov li cas thaum peb ua raws li Nws tej kev cai thiab cov lus txib?

• Tej zaum koj yuav xav nrog koj cov me nyuam ua phab ntawv ntxim ua rau lub lim tiam no. Tej zaum nej kuj yuav xav hu ib zaj nkauj txog kev ua raws Vajtswv tej kev cai, xws li “I Want to Live the Gospel” (Children’s Songbook, 148). Xav seb nej ib leeg puas xav qhia ib leeg txog qhov uas kev ua raws li Vajtswv tej kev cai ua rau nej txais tau kev zoo siab.

  

• Tom qab nej nyeem Lus Qhuab Qhia thiab Kev Khi Lus 42:38 ua ke, cia li pab koj cov me nyuam xav txog tej yam lawv ua tau kom ua hauj lwm rau Yexus thaum lawv pab lwm tus. Lawv nrhiav tau tej lub tswv yim los ntawm zaj vidi-aus “Pass It On” (ChurchofJesusChrist.org). Tej zaum lawv xav saib cov duab txog tus Cawm Seej thaum Nws pab lwm tus, kho neeg mob, los sis ua siab zoo rau cov me nyuam (saib Phau Muaj Duab txog Txoj Moo Zoo, naj npawb 42, 47).

  

  2:18

  

• Tej zaum koj yuav xav muab ib daim Nyiaj Ib Feem Kaum thiab Nyiaj Pab thiab sib tham seb yuav siv li cas kom muab peb tej khoom kom foom koob hmoov rau lwm tus (kuj saib “Tithing and Donations Online”).

• Caw koj cov me nyuam xav txog ib tug uas sawv hauv kev sib ntsib hais lus tim khawv thiab qhia pawg ntseeg tias nws tau txais kev tshwm sim rau lub Koom Txoos tag nrho (piv txwv tias, kev tshwm sim qhia tias peb yuav tsum tsis txhob noj cov zaub lauj pwm los sis peb yuav tsum siv mis nyuj ntxuav tes tsis txhob siv dej ntxiv.) Nws hais tias peb yuav tsum mloog nws hais tsis txhob mloog tus yaj saub lus. Vim li cas qhov nws hais yog kev txhaum? Ces tej zaum nej yuav xav kawm Lus Qhuab Qhia thiab Kev Khi Lus 43:1–7 ua ke kom paub tias tus Tswv ua li cas kom muab cov lub txib rau Nws lub Koom Txoos.

• Tej zaum koj yuav xav muab ib daim duab txog tus yaj saub niaj hnub no rau koj cov me nyuam saib thiab caw lawv qhia txog ib yam dab tsi uas nws tau qhia tsis ntev tas los no. Yog lawv xav tau kev pab, cia li muab ib qho vidi-aus los sis zaj lus los ntawm lub tuam rooj sab laj rau lawv saib. Vim li cas peb tau koob hmoov vim muaj ib tug yaj saub niaj hnub no?