მოძღვრება და აღთქმები 37–40

ფეიეტის ეკლესიის წევრებმა (ნიუ-იორკი), 1831 წლის ზამთარში ოჰაიოში გადასვლით დიდი მსხვერპლი გაიღეს (250 მილზე მეტი გამოიარეს). როდესაც უფლის მოწოდებას კითხულობ მოძღვრება და აღთქმები 37:3–4-ში, უნდა დაფიქრდე იმ მსხვერპლზე, რომლის გაღებაც უფალმა გთხოვა. შემდეგ, მოძღვრება და აღთქმები 38:1–33-ს სწავლისას ეძიე ჭეშმარიტება მხსნელის შესახებ, რომელმაც მოგცა რწმენა, მინდობოდი მის დარიგებას. რას იგებ მუხლები 11–33 -დან იმ დალოცვებზე, რომლებსაც იღებენ, როდესაც ადამიანები იკრიბებიან როგორც იესო ქრისტეს მიმდევრები?

როგორ შეგიძლია, იესო ქრისტე შენს „კანონმდებლად“ აქციო? მისი კანონების მიყოლა როგორ გაქცევს „თავისუფალ ხალხად“?

ასევე იხილე 2 ნეფი 2:26–27.

როდის განგიცდია პრინციპი, რომელიც უფალმა გამოაცხადა მოძღვრება და აღთქმები 38:30-ში: „თუ მზად იქნებით – არ შეგეშინდებათ“? ნაწილი 38-ს შესწავლისას ყურადღება მიაქციე, როგორ ამზადებს უფალი თავის წმინდანებს მომავალთან გაბედულად დასაპირისპირებლად. როგორ სურს ღმერთს შენი გამოწვევებისთვის მომზადება, რომ არ გეშინოდეს?

ოჰაიოში შეკრებილი წმინდანები სხვადასხვა ფენის ადამიანები იყვნენ. ალბათ იგივე ითქმის შენი მეურვეობის შემადგენლობაზეც. უფალი კი თავის ხალხს მოუწოდებს: „იყავით ერთიანნი“ (მუხლი 27). როგორ შეიძლება მივაღწიოთ ასეთ ერთობას? რა აზრები მოგდის თავში, როდესაც კითხულობ მოძღვრება და აღთქმები 38:24–27? რატომ უნდა ვიყოთ ერთიანნი იმისათვის, რომ ვიყოთ ღმერთის ხალხი?

ამ მუხლების წაკითხვამ ასევე შეიძლება დაგაფიქროს შენს ურთიერთობებზე—მაგალითად, ოჯახის წევრებთან, მეურვეობის წევრებთან, ქვორუმის ან კლასის წევრებთან. რა გაბრკოლებს, რომ არ იყო ქრისტესთან გაერთიანებული? როგორ შეიძლება მხსნელი დაგეხმაროს, „იყო ერთიანი“? ასევე საინტერესო მოსაზრებებს შეიძლება გაეცნო უხუცეს დეილ გ. რენლანდის გზავნილში: „ქრისტეს მშვიდობა მტრობას აუქმებს“, Liahona, ნოემბერი 2021, 83–85.

4:1

3:14

როგორ შეიძლება დაეხმარო ამ ჯგუფებს, იყვნენ უფრო ერთიანნი? მაგალითად, გაუგზავნე კეთილი სიტყვის შემცველი წერილი ან ელექტრონული შეტყობინება ქვორუმის, კლასისა ან ოჯახის წევრებს. ვის გაუგზავნიდი დიდი სიამოვნებით?

რაზე შთაგაგონებს მხსნელის მაგალითი ეფესელთა 2:14, 18-22; 2 ნეფი 26:24-28-ში?

შენი აზრით, რა განსხვავებაა „დედამიწის სიმდიდრესა“ და „მარადიულ სიმდიდრეს“ შორის? (მოძღვრება და აღთქმები 38:39). რომელმა გამოცდილებამ გასწავლა მარადიული სიმდიდრის დაფასება?

გახსოვდეს ეს, როდესაც წაიკითხავ ჯეიმს კოველის შესახებ ნაწილები 39–40 -ში (ამ ნაწილების შესავლებში მოცემული წინაისტორიის ჩათვლით). იფიქრე, როგორ შეიძლება შენზე აისახოს მისი გამოცდილება. მაგალითად, გაიხსენე ის დრო, როდესაც შენი „გული მართალი იყო [ღმერთის] წინაშე“ (მოძღვრება და აღთქმები 40:1). როგორ დაილოცე შენი ერთგულებისთვის? ასევე იფიქრე იმ „ამქვეყნიურ საზრუნავზე“, რომელსაც უპირისპირდები. როგორ გაბრკოლებენ ისინი ღმერთის სიტყვის „სიხარულით“ მიღებაში? (მოძღვრება და აღთქმები 39:9; 40:2). ამ ნაწილებიდან რა შთაგაგონებს, იყო უფრო მეტად თანმიმდევრული ღვთის მორჩილებაში?

ასევე იხილე მათე 13:3–23.

• რუკა და ღონისძიების გვერდი ამ მონახაზის ბოლოს დაეხმარება შენს ბავშვებს გაიგონ, რა უბრძანა ღმერთმა მოძღვრება და აღთქმები 37:3-ში. იქნებ დაეხმარო მათ ამ გამოცხადებებში ნახსენები ადგილების პოვნაში. ასევე შეიძლება დაეხმარო მათ მოძღვრება და აღთქმები 38:31–33 -ში ფრაზის პოვნაში, რომელიც აღწერს, რატომ უნდა ღმერთს თავისი ხალხის ერთად შეკრება.

• როდესაც კითხულობ მოძღვრება და აღთქმები 38:24–25 შენს შვილებთან ერთად, ისაუბრე იმაზე, თუ რას ნიშნავს, დააფასო შენი ძმა ან და ისე, როგორც საკუთარი თავი (ასევე იხილე მათე 7:12). დაეხმარე, გაიმეორონ წმინდა წერილიდან ფრაზა და სიტყვები „მისი ძმა“ შეცვალონ ერთმანეთის სახელებით.

• იმისათვის, რომ ბავშვებს ასწავლო, რას ნიშნავს „იყავით ერთიანნი“ (მოძღვრება და აღთქმები 38:27), უმჯობესია, დაახატინო დიდი ციფრი ერთი 1 და ერთად მორთოთ ის თქვენი ოჯახის ან კლასის თითოეული წევრის სახელებით, ნახატებით ან ფოტოებით. 1-ის გვერდით შეგიძლიათ ჩამოწეროთ, რა გაგაერთიანებთ უფრო მეტად.

• მიმართე თვალსაჩინო გაკვეთილის მეთოდს, რომელიც წარმოაჩენს, როგორ შეიძლება ნივთების შეერთება ან გაერთიანება ერთ ნივთად, მაგალითად, ნაჭრის ნაწილები, რომლებიც ქმნიან საბანს ან ინგრედიენტები, რომლებიც საჭიროა ერთი პურის გამოცხობისთვის. რას გვასწავლიან ეს მაგალითები იმის შესახებ, თუ როგორ გავხდეთ ერთიანნი, როგორც ღმერთის ხალხი?

• მოძღვრება და აღთქმები 38:30ერთად კითხვისას შენ და ბავშვებმა შეგიძლიათ ისაუბროთ იმაზე, თუ რა გადაგხდათ თავს ბოლო ხანებში ისეთი, რასაც მზად ყოფნა სჭირდებოდა. შემდეგ შეგიძლია ჰკითხო ბავშვებს, რისთვის სურს ზეციურ მამას, რომ მოვემზადოთ. ბავშვებს ესაუბრე იმ გამოცდილების შესახებ, რომლის დროსაც მზადყოფნის გამო შენ უშიშრად იყავი.

• შეგიძლია აჩვენო სურათი, რომელზეც ადამიანი წევრად დამტკიცებას გადის. სთხოვე ბავშვებს აღწერონ, რა ხდება სურათზე. ასევე უთხარი მათ, მიუთითონ სურათზე, როდესაც გაიგებენ სიტყვას სულიწმინდამოძღვრება და აღთქმები 39:6, 23 -ში. ერთმანეთს გაუზიარეთ, სულიწმიდის ძღვენმა როგორ დაგლოცათ.