აღდგომა

ჩვენგან უმრავლესობას არ უნახავს იესო ქრისტე ისე, როგორც ის წინასწარმეტყველმა ჯოზეფ სმითმა იხილა. მაგრამ მის მსგავსად, ჩვენც შეგვიძლია ვიცოდეთ, რომ მხსნელი ცოცხალია და მან იცის ჩვენი წარმატებები და გაჭირვება და რომ ის გასაჭირში დაგვეხმარება. ცოცხალ იესო ქრისტეზე საკუთარი დამოწმებით დაფიქრდი ქვემოთ მოყვანილ შეკითხვებზე და შეისწავლე თანდართული რესურსები.

• ვინ არის იესო ქრისტე? რატომ ვცემთ მას თაყვანს? (იხილე „ცოცხალი ქრისტე: მოციქულების დამოწმება“).

• რას მასწავლის სულიწმიდა ჯოზეფ სმითისა და სხვების გამოცდილების შესახებ, რომელთაც მხსნელი იხილეს? როგორ მაძლიერებს მათი დამოწმებები? (იხილე მოძღვრება და აღთქმები 76:11–14, 20–24; 110:1–10; ჯოზეფ სმითი — ისტორია 1:17).

• რას ვიგებთ მხსნელის მისიისა და ღვთიურობის შესახებ მისივე სიტყვებიდან? (იხილე მოძღვრება და აღთქმები 29:5; 38:7).

• როგორ მეხმარება მხსნელი დღეს? (იხილე ესაია 53:3–5; ებრაელთა 2:17–18; მოსია 3:7; ალმა 7:11–13; 36:3; ეფერი 12:27; მოსე 5:10–12).

რისი გაკეთების სურვილი გიჩნდება, რომ მიიღო ჭეშმარიტება „ცოცხალი ქრისტე“-დან შენს გულსა და გონებაში?

2:5

რათა გაიგო მეტი, როგორ გვლოცავს მხსნელი დღეს, შენ შეგიძლია ისწავლო, მოუსმინო ან იმღერო „ჩემი მხსნელი ცოცხალია“ (საგალობლები, გვ. 38). შთამაგონებელი იქნებოდა ჭეშმარიტების ძიება ამ საგალობელში, რომელიც ასევე ისწავლება ამ მუხლებში: მოძღვრება და აღთქმები 6:34; 84:77; 98:18; 138:23.

ჯოზეფ სმითმა იცოდა, თუ რა შეგრძნებაა, როდესაც გლოვობ ახლობელი ადამიანების დაკარგვას, მათ შორის, მამისა და ორი ძმის. ჯოზეფმა და ემამ ექვსი ორ წლამდე ასაკის შვილი დამარხეს. ღმერთისგან ბოძებული გამოცხადებებიდან ჯოზეფმა და ემამ მარადისობის ხედვა მიიღეს.

ეძიე ჭეშმარიტება სიკვდილისა და ღმერთის მარადიული გეგმის შესახებ მოძღვრება და აღთქმები 29:26–27; 42:45–46; 63:49; 88:14–17, 27–31; 93:33–34. ეს ჭეშმარიტებები რა გავლენას ახდენს იმაზე, თუ როგორ აღიქვამ სიკვდილს? რა გავლენას ახდენს ისინი იმაზე, თუ როგორ ცხოვრობ?

ასევე იხილე 1 კორინთელთა 15; Easter.ChurchofJesusChrist.org.

აღდგომის დროს მხსნელზე დასაფიქრებლად ერთი გზა მოძღვრება და აღთქმებში მოცემული გამოცხადებების შემეცნებაა, რომლებიც მისი გამომსყიდველი მსხვერპლშეწირვის შესახებ გვასწავლის. ზოგიერთი გამოცხადების ნახვა შესაძლებელია მოძღვრება და აღთქმები 18:10–13; 19:16–19; 45:3–5; 76:69–70. ჩამოწერე ის ჭეშმარიტებები, რომლებსაც ამ მუხლებში ნახავ. შენი სწავლის გასაღრმავებლად, არსებულ ჩამონათვალს შეგიძლია დაუმატო ამ მუხლებს: ლუკა 22:39–44; 1 იოანე 1:7; 2 ნეფი 2:6–9; მოსია 3:5–13, 17–18; მორონი 10:32–33.

ამ შეკითხვების საშუალებით შესაძლებელია შენი სწავლის წარმართვა:

• რას ნიშნავს იესო ქრისტეს გამოსყიდვა?

• რატომ აირჩია იესო ქრისტემ ჩვენთვის ტანჯვა და სიკვდილი?

• რა უნდა გავაკეთო მისი მსხვერპლშეწირვის დალოცვების მისაღებად?

• რას ვგრძნობ იესო ქრისტეს მიმართ ამ მუხლების წაკითხვის შემდეგ?

“The Savior Suffers in Gethsemane” (ვიდეო), Gospel Library.

8:48

• ბავშვებისთვის აღდგომის შესახებ სწავლება შეგიძლია დაიწყო მხსნელის სიკვდილისა და აღდგომის სურათების ჩვენებით. სთხოვე ბავშვებს გაგიზიარონ, რა იციან ამ მოვლენების შესახებ.

• იფიქრე თვალსაჩინო გაკვეთილის ჩატარებაზე, რომელიც შენს ბავშვებს დაეხმარება გაიგონ, რა ხდება სიკვდილის შემდეგ (ჩვენი სული და სხეული შორდება ერთმანეთს) და როდესაც აღვდგებით (ჩვენი სული და სხეული ისევ ერთიანდება, ჩვენი სხეული კი არის სრულყოფილი და უკვდავი). მაგალითად, რა ხდება, როდესაც ფანრიდან ბატარეას ან კალმიდან მელნის გულს ამოვიღებთ? რა მოხდება, როდესაც ამ ნივთებს ისევ შევაერთებთ? (იხილე ალმა 11:44–45.)

• შენმა ბავშვებმა იციან ვინმე, ვინც გარდაიცვალა? სთხოვე, გაგიზიარონ ცოტა რამ მათ შესახებ და შემდეგ ერთად წაიკითხეთ მოძღვრება და აღთქმები 138:17. ესაუბრეთ ერთმანეთს, რას გრძნობთ, როცა იაზრებთ, რომ ჩვენი ახლობელი ადამიანები აღდგებიან და მათ ისევ ექნებათ სხეულები.

• თუ გყავს ასაკით უფროსი ბავშვები, სთხოვე მათ, მოძებნონ ფრაზები, რომლებიც აღდგომის გზავნილს ასახავენ შემდეგ ნაწყვეტებში: მოძღვრება და აღთქმები 63:49; 88:14–17, 27; 138:11, 14–17. როგორ შეიძლება ამ გზავნილის სხვებისთვის გაზიარება?

• შენ და შენი ბავშვები შეიძლება დაინტერესდეთ იმ სამი შემთხვევის შესახებ, როდესაც ქრისტე ეჩვენა ჯოზეფ სმითს და სხვებს, როგორც ეს ჩაწერილია ჯოზეფ სმითი — ისტორია 1:14–17; მოძღვრება და აღთქმები 76:11–24; 110:1–10. შენმა ბავშვებმა ასევე შეიძლება დაათვალიერონ ამ მოვლენების ამსახველი სურათები მიმდინარე კვირის ღონისძიებების გვერდზე. რა გაიგეთ იესო ქრისტეს შესახებ თითოეული ამ ამბიდან? რატომ არის დალოცვა იმის ცოდნა, რომ ჯოზეფ სმითმა და სხვებმა იხილეს აღმდგარი მხსნელი?

• ჭეშმარიტებამ მიტევების შესახებ, რომელიც ჯოზეფ სმითმა ქრისტეს მეშვეობით შეიმეცნა, შენს ბავშვებს შეიძლება იმედი ჩაუსახოს, რომ მათაც მიეტევებათ შეცდომები და ცოდვები. მოუწოდე ბავშვებს, შექმნან ცხრილი შემდეგი სახის სათაურებით: რა გააკეთა მხსნელმა ჩემთვის და რა უნდა გავაკეთო მე, რომ მომიტევოს. დაეხმარე ბავშვებს, მოძებნონ მომდევნო ნაწყვეტებში ის ინფორმაცია, რომელიც ამ სათაურების ქვეშ უნდა ჩამოიწეროს: მოძღვრება და აღთქმები 18:10–13; 19:16–19; 45:3–5; 58:42–43. ერთმანეთს გაუზიარეთ სიხარული და მადლიერება იმისთვის, რაც მხსნელმა ჩვენთვის გააკეთა.

3:4