“Wɔdze Bra, Bɛka Mo Do—Ma Fie na Asɔr,” ridzi dwuma,” Bɛka Mo Do—Ma Fie na Asɔr: Nkyerɛkyerɛ na Ahyɛmudzi 2025 (2025)
“Wɔdze Bra, Bɛka Mo Do,” ridzi dwuma Bra, Bɛka Mo Do—Ma Fie na Asɔr: 2025
Wɔdze Bra, Bɛka Mo Do—Ma Fie na Asɔrridzi dwuma
Woana na dza Ɔboa yi Yɛ Ne Dze?
Nwoma a ɔboa yi wɔ hɔ ma obiara a ɔpɛ dɛ osũa Nkyerɛkyerɛ na Ahyɛmudzi no—ankorankor, dɛ ebusua, na wɔ Asɔr adzesũa mbea. Mber a abɛsen no sɛ anntaa ennsũa kyerɛwsɛm no daa daa a, nwoma a ɔboa yi botum aboa ma ahyɛ ase. Sɛ ewɔ kyerɛwsɛm ho adzesũa ho su pa a, nwoma a ɔboa yi bɔboa wo ma enya sũahu mapã.
Ankorankor na Ebusua ebusua a wɔwɔ Fie
Bea a ɔkrɔn a wɔdze sũa asɛmpa no nye fie. W’akyerɛkyerɛfo wɔ asɔr botum ama wo abamba, na ibotum enya nkuranhyɛ efi ward mba binom hɔ. Mbom ama yeetum aatsena ase sunsum mu no, hɛn mu kor biara hia dɛ daa daa ɔmee wɔ “Nyankopɔn n’asɛmpa mu.” (Moroni 6:4; hwɛ Russell M. Nelson, “Opening Remarks,” Liahona,, Ɔberɛfɛw 2018, 6–8.
Fa nwoma a ɔboa yi dzi dwuma wɔ kwan biara a ɔbɛyɛ mboa ama wo mu. N’apɔwdo n’apɔwdo no da onnyiewiei nokwar a ɔwɔ Nkyerɛkyerɛ na Ahyɛmudzi no mu no edzi. Wosusu adwenkyerɛ na dwumadzi so a ɔbɔboa wo ber a isũa kyerɛwsɛm no ankorankor, enye ebusua mu mba, anaa enye anyɛnkofo. Ber a irusũa no, dzi Sunsum no no kwankyerɛ do fa hwehwɛ onnyiewiei nokwar horow a enya ho ntseasee. Hwehwɛ Nyankopɔn n’asɛm a Ɔwɔ ma wo, na dzi nkenyan no a enya no do.
Akyerɛkyerɛfo na Adzesũafo wɔ Asɔr
Sɛ ikyerɛ adze wɔ Primary adzesũa bea, mbabun, anaa mpanyimfo Kwesida Skuul adzesũa, Aaron Asɔfodzi quorum, anaa Young Women class a, wɔhyɛ wo nkuran dɛ edze n’apɔwdo n’apɔwdo yinom a ɔwɔ mboa nwoma yi mu ber a eyɛ ahoboa dze rekɛkyerɛ adze no. Bra, Bɛka Mo Do—Ma Fie na Asɔr: yɛ adzesũa nhyehyɛɛ ma wo Kwesida adzesũa bea. Adzesũa ho adwenkyerɛ a ɔwɔ mboa nwoma yi mu no wɔyɛɛ no dɛ wɔdze bosũa adze wɔ fie na wɔ asɔr. Ber a eyɛ krado dɛ ibɛkyerɛ adze no, hyɛ ase nya wankasa wo sũahu wɔ kyerɛwsɛm no ho. W’ahoboaboa tsitsir bɛba ber a ihwehwɛ kyerɛwsɛm no mu na ihwehwɛ nkenyan fi Sunsum Krɔnkrɔn no hɔ ma woho. Ibotum so esũa a edze nkorɔfo a ikyerɛ hɔn adze no hɔn ehiadze da w’adwen do. Hwehwɛ onnyiewiei nokwar. Bra, Bɛka Mo Do botum aboa wo ma ehu nokwar yinom bi na esũa mbrɛ ibotum dze kyerɛwsɛm no abɔ wo bra.
Fato w’adwen do dɛ asɛmpa adzesũa no, ne mapã no, na Asɔr ma ho abamba no, wɔyɛ no fie. Anaa so dɛ, w’asodzi tsitsir nye ibɛma nkorɔfo a ikyerɛ hɔn adze no abamba wɔ hɔn mbɔdzembɔ mu dɛ wobosũa na wɔdze asɛmpa no abɔ bra wɔ fie. Mma nnhaw wo ho dɛ ebenya biribi soronko a edze bɛma hɔn wɔ adzesũa bea no. Mbom ma hɔn kwan ma wɔnkyɛ hɔn sũahu horow, adwen, na nsɛmbisa wɔ kyerɛwsɛm mu nsɛm a wɔakenkan no fie no. To nsa frɛ hɔn ma wɔnkyɛ onnyiewiei nokwar no a woehu no. Iyi hia koraa kyɛn erekyerɛ adze fa dza wɔakyerɛw nyina ho.
Mbabun na Mpanyimfo Kwesida Skuul Adzesũa Mbea
Siantsir tsitsir kor a yehyia mu wɔ Kwesida Skuul adzesũa mbea nye yɛbɛma hɛnho abamba na yɛahyɛ hɛnho nkuran ber a yɛbɔ mbɔdzen dɛ yebohu na yɛakã Jesus Christ do. Kwan a ɔda famu a edze bɛyɛ iyi nye dɛ ibebisa asɛmbisa dɛ “Ebɛnadze na Sunsum Krɔnkrɔn no akyerɛkyerɛ wo dapɛn yi ber a edze Bra, Bɛkã Mo Do” no sũaa kyerɛwsɛm no? Asɛmbisa yi ne nyiano no botum dze mpɛnsampɛnsamu ara yie a ɔtow gyedzi mu wɔ Jesus Christ na N’asɛmpa mu aba.
Nkyii ibotum ato nsa afrɛ nsɛm a obegya mpɛnsampɛnsamu wɔ adzesũa ho adwenkyerɛ a ɔwɔ Bra, Bra, Bɛka Mo Domu no. Mfatoho, adzesũa adwenkyerɛ botum esusu dɛ wɔbɔhwehwɛ Nkyerɛkyerɛ na Ahyɛmudzi 19:15–20, dze ahwehwɛ mbrɛ Agyenkwa no sii kãa N’amandzehu ho asɛm. Ibotum ebisa hɔn a wɔwɔ adzesũa bea no ma wɔakyɛ atsenkã a wonyae ber a wɔkenkaan mbrɛ Osii kyerɛɛ mu no na wɔakasa afa nsunsuando a ɔwɔ kwan a wɔdze dwendwen No ho. Anaa hom botum afa mber kakra dze esũa nyiyimu yinom wɔ adzesũa bea.
Aaron Asɔfodzi Quorum horow na Young Women Class horow
Ber a Aaron Asɔfodzi quorum horow na Young Women class hyia mu Kwesida no, ɔson hɔn botae kakra fi Kwesida Skuul adzesũa mbea. Dza ɔkã wɔroboa hɔnho nkorkor ma woesũa Jesus Christ asɛmpa ho no, ekuw yinom so hyia bɔmu fa apam wɔ mbrɛ wobesi bɛyɛ nkwagye na nkwagye ntowdo ho edwuma (hwɛ General Handbook: Serving in The Church of Jesus Christ of Latter-day Saints, 1.2), dɛ mbrɛ hɔn class anaa quorum president na n’apamfo no bɛkyerɛ.
Siantsir yi ntsi, quorum biara anaa class nhyiamu biara wɔdɛ wɔhyɛ ase a quorum anaa class president na n’apamfo kuwba no dzi kan a wɔdze hɔn mbɔdzembɔ ho mpɛnsampɛnsamu. Mfatoho, wobotum abɔ mu afa apam wɔ hɔn mbɔdzembɔ ho dɛ wɔdze asɛmpa no bɔbɔ bra, wɔrosom nkorɔfo a wohia, asɛmpa ne nkyɛe, anaa wɔdze hɔnho rehyɛ temple na ebusua abakɔsɛm edwuma mu.
Mber a wɔdze bɔmu fa apam ekyir no, nyia ɔkyerɛ adze no dzi class anaa quorum no kan ma wosũa asɛmpa no. Mpanyimfo baanodzifo anaa class anaa quorum mba no wobotum ama hɔn dwumadzi ma wɔakyerɛ adze. Class anaa quorum president na n’apamfo, wɔnye mpanyimfo baanodzifo no dwen ho, dze ma edwuma yinom.
Nkorɔfo a wɔama hɔn edwuma dɛ wɔnkyerɛ adze no wɔdɛ wɔdze adzesũa ho adwenkyerɛ a ɔwɔ dapɛn dapɛn n’apɔwdo n’apɔwdo mu wɔ Bra, Bɛkã Mo Dono yɛ ahoboa. N’apɔwdo n’apɔwdo biara mu no, sɛnkyerɛdze yi kyerɛ dwumadzi bi a oye ankasa ma mbabun na ɔnye dza worusũa no wɔ seminary no nam. Mbom, esusudze biara a ɔwɔ n’apɔwdo n’apɔwdo biara no wobotum dze edzi dwuma dɛ mbabun adzesũa dwumadzi
Ama eenya quorum anaa class nhyiamu nhwɛdo no, hwɛ appendix D
Primary
W’ahoboa dɛ ebɛkyerɛkyerɛ Primary no hyɛ ase ber a wankasa isũa kyerɛwsɛm no na enye w’ebusua sũa. Ber a eyɛ no, bue w’akoma mu ma sunsum mu nkenyan na nhumu a ofi Sunsum Krɔnkrɔn no hɔ a ɔfa mbofra a wɔwɔ wo Primary adzesũabea no. Ma mpaabɔ ntum wo. Sunsum no botum dze adwen fofor ekenyan wo dze aboa hɔn ma woesũa Jesus Christ asɛmpa no.
Ber a eyɛ krado dɛ ibɛkyerɛ adze no, ibotum enya nkenyan bi akã ho ber a ihwehwɛ nkyerɛkyerɛ ho adwenkyerɛ a ɔwɔ nwoma a ɔboa yi mu. N’apɔwdo n’apɔwdo biara a ɔwɔ Bra, Bɛka Mo Do—Ma Fie na Asɔr wɔ ɔfã a ne dzin nye “Adwenkyerɛ a wɔdze Kyerɛkyerɛ Mbofra Adze.” Dwendwen adwenkyerɛ yinom ho dɛ esusudze a ɔbɔsɔ wo nkenyan no. Inyim mbofra a wɔwɔ wo Primary adzesũa bea—na ibɛba ebohu hɔn yie mpo ber a enye hɔn nya nkitahodzi wɔ adzesũa bea no. Nyankopɔn so nyim hɔn, na Ɔdze akwan pa a edze bɛkyerɛkyerɛ na ehyira hɔn no bekenyan wo.
Mbofra a wɔwɔ w’adzesũa bea no bia woedzi kan nye hɔn ebusua ebusua ayɛ dwumadzi no a ɔwɔ Bra, Bɛka Mo Do no mu bi dada. Na ɔno Ye. Nsido ye. Susu dɛ ebɔto nsa afrɛ mbofra no ma wɔnye hɔnho akyɛ dza woesũa no wɔ fie no. Yɛ nhyehyɛɛ wɔ akwan a mbofra no dze hɔn ho bɛhyɛ mu sɛ worunnsũa adze wɔ fie mpo a. Mbofra sũa asɛmpa nokwar no ara yie ber a nokwar yinom wosi do kyerɛkyerɛ dze dua dwumadzi ahorow mu. Sɛ ihu dɛ dwumadzi a wɔdze sũa adze rokɔ yie ma mbofra no a, hwɛ dɛ ibesi do ayɛ, nkanka sɛ erekyerɛkyerɛ mbofra kakraba a.
Abosoom a wɔwɔ Kwesida enum no, Primary akyerɛkyerɛfo no wɔhyɛ hɔn nkuran dɛ wɔnsesa dza wɔahyehyɛ no wɔ Bra, Bɛka Mo Do n’apɔwdo n’apɔwdo ma Kwesida a otsĩa enum no, mfa adzesũa dwumadzi kor anaa ebien a ɔwɔ “Appendix B: For Primary—Preparing Children for a Lifetime on God’s Covenant Path.”