Ļāibrāre
Jānwōde 10. Etke Eaorōk Visōn eo M̧oktata? Kadkadin Katak im Bujen Ko; Josep Smith—Bwebwenato 1:1–26

“Jānwōde 10. Etke Eaorōk Visōn eo M̧oktata? Kadkadin Katak im Bujen Ko; Josep Smith—Bwebwenato 1:1–26,” Itok, Ļoor Eō—N̄an Doulul ko an Priesthood eo an Aron im Kūlaaj ko an Doulul eo an Jiron̄ ro: Unin Kōnono ko an Katak ko an 2021 (2020)

“Jānwōde 10. Etke Eaorōk Visōn eo M̧oktata?” Itok, Ļoor Eō—N̄an Doulul ko an Priesthood eo an Aron im Kūlaaj ko an Doulul eo an Jiron̄ ro: Unin Kōnono eo an Katak eo an 2021

Josep Smith ej jar

Iaar Lo juon Meram, jān Jon McNaughton

Jānwōde 10

Etke Eaorōk Visōn eo M̧oktata?

Kadkadin Katak im Bujen Ko; Joseph Smith—Bwebwenato 1:1–26

pija ej bōk jikin kapilōk doon

Ko̧o̧njeļ Ippān Doon

Kar tōl jān juon eo uwaan būreejtōnji eo an doulul eo ak kūlaaj eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Priesthood eo an Aron ak Unin Tōl eo an Doulul eo an Jiron̄ ro. Innām tōl juon ekkōnono kōn menin kōnono ko āinwōt in ej ellaajrak, im karōk wāween ko n̄an kōm̧m̧an ekkar n̄an ta eo kwoj kōnono kake (kwomaron̄ kālet ilo iien kweilo̧k an būreejtōnji ewi wōt menin kōnono ko n̄an kōnono kaki):

  • Doulul eo ad ak kūlaaj eo ad. Wōn eo ej aikuji jipan̄ eo ad im jar ko ad? Ta eo jemaron̄ kōm̧m̧ane n̄an jipan̄ er? Wōn eo jej aikuj karuwaineneiktok n̄an m̧akūtkūt eo ej pedotok?

  • Jerbal ko ak eddo ko ad. Ta ijjitōn̄ ko em̧ōj ad kakūrm̧ooli? Ta ijjitōn̄ ko jej aikuj in kōm̧m̧ani? Elmen ad kar karuwaineneik ro jet n̄an itok n̄an Kraist, im ewi wāween ad karuwaineneik ro jet kiiō?

  • Mour ko ad. Ta en̄jake ko kiiō rekar kōkajoorļo̧k naan in kam̧ool ko ad? Ta eo ej waļo̧k ilo mour ko ad, im ewi wāween ad maron̄ rie doon?

Ilo jem̧lo̧kin katak eo, n̄e ekkar, kōm̧m̧ane laajrak in:

  • Kam̧ool kōn katak ko kar katakin kaki.

  • Kakememej ro uwaan doulul ak kūlaaj eo kōn karōk im kūr ko kar kōm̧m̧an ilo iien kweilo̧k eo.

pija ej bōk jikin katak ko

Katakin Katak ko

Kar tōl jān juon ritōl erūtto ak juon jodikdik; tarrin 25-35 minit ko

Kōpooj Eok Make ilo Jetōb

Men̄e em̧ōj an m̧ootļo̧k 200 iiō ko jān tōre eo Josep Smith ekar bukwelōlō im jar ilo Bukwin Wōjke ko Rekwojarjar, uwaak eo ekar bōke ekabwūlōn̄lōn̄ an lukkuun jelōt mour ko ad rainin. Kejōkļo̧kjeņ kōn kōjeraam̧m̧an ko me rekar itok n̄an mour eo am̧ kōnke Jemān im Nejin rekar waļo̧k n̄an Josep. Etke eaorōk n̄an ro kwoj katakin er n̄an bōk kam̧ool ko aer make jān Jetōb Kwojarjar kōn Visōn eo M̧oktata? Ewi wāween am̧ naaj jipan̄ er meļeļe menin? Emaron̄ lukkuun ļap an jipan̄ eok n̄an etale ennaan ko jān Eprōļ 2020 kweilo̧k eo eļap, eo me ej kakeememej 200 iiō in visōn eo eaibojooj.

jiron̄ ro ilo kūlaaj eo

Juon rūm̧m̧an ded emaron̄ bōk juon an naan in kam̧ool kōn Visōn eo M̧oktata.

Ekkatak Ippān Doon

Kōnke Josep Smith ekar jodikdik eo ilo tōrein Visōn eo M̧oktata, ro kwoj katakin er remaron̄ āinwōt an kar kappukot m̧ool eo. Leļo̧k n̄an ro uwaan doulul im kūlaaj eo jidik iien n̄an kwaļo̧k ļōmņak im im̧we ko aer kōn Joseph Smith—Bwebwenato 1:1–26. M̧akūtkūt ko rej ellaajrak ilaļ remaron̄ jipan̄ er kōkajoorļo̧k naan in kam̧ool ko aer bwe Anij Jemān im Nejin rekar waļo̧k n̄an Josep Smith.

  • Ta m̧ool ko an gospel eo me jej ekkatak jān ta eo Josep Smith ekar en̄jake ilo Bukwin Wōjke ko Rekwojarjar? Ro uwaan doulul ak kūlaaj ro remaron̄ riiti bwebwenato eo an Josep ilo Josep Smith—Bwebwenato 1:7–20 im kwaļo̧k m̧ool ko rej loi. (N̄an waanjon̄ak, Anij ej ron̄jake im uwaake jar ko ad; Setan im kajoor eo an rem̧ool, ak kajoor eo an Anij eļap; revelesōn ejjan̄in jem̧ļo̧k.) Elmen an m̧ool kein kōjeraam̧m̧an mour ko ad?

  • Kwomaron̄ barāinwōt kajjitōk ippān ro uwaan doulul ak kūlaaj eo n̄a etale ennaan ko kōn Visōn eo M̧oktata jān Eprōļ 2020 kweilo̧k eo eļap (lale Liaona, Māe 2020). Karuwaineneik er n̄an kwaļo̧k ta eo rej loe im en̄jake ko aer kōn Visōn eo M̧oktata.

  • Kajjojo Būreejtōn an Kabun̄ in rekar kam̧ool kōn mijen eo ekwojarjar an Rikanaan Josep Smith. Ro uwaan doulul ak kūlaaj eo remaron̄ jeraam̧m̧an jān aer riiti naan in kam̧ool ko aer ilo juon iaan Teachings of Presidents of the Church bok ko. (Elōn̄ iaan bok in ekkatak kein repād ie jebta eo kōn Rikanaan Josep Smith. Kōn juon laajrak in jebta kein, lale Gospel Topics, “First Vision,” topics.ChurchofJesusChrist.org.) Jejjo raan m̧okta jān kūlaaj eo, kwomaron̄ karuwaineneik ro uwaan doulul ak kūlaaj eo am̧ n̄an kālet juon iaan Būreejtōn ro im kwaļo̧k juon ennaan ekar kwaļo̧k bwe ren maron̄ kōjerbale n̄an katakin juon armej kōn Visōn eo M̧oktata.

  • Ļōmņak n̄an karuwaineneik ro uwaan doulul ak kūlaaj eo n̄an ekkatak “Jepļaaktok eo an Gospel eo an Jisōs Kraist n̄an Josep Smith” ilo jebta 3 of Preach My Gospel ([2019], 36–38) im n̄an kaminene katakin doon kōn Visōn eo M̧oktata. Kwomaron̄ kajjitōk ippāer n̄an kwaļo̧k en̄jake eo an Josep Smith ilo am̧ kōjerbal jet iaan naan ko an make, maron̄ loi ilo Josep Smith—Bwebwenato 1:16–17.

  • Ro kwoj katakin er rejeļā ke elōn̄ jejjo bwebwenatoon Visōn eo M̧oktata? Kajjojo bwebwenato ko rej boktok meļeļe ko me rej letok juon meļeļe elikio in ta eo ekar waļo̧k ilo Bukwon Wōjke ko Rekwojarjar. Kwomaron̄ ke kakaduikļo̧k “Overview” jekjen eo an Gospel Topics essay “First Vision Accounts” (topics.ChurchofJesusChrist.org). Innem kwomaron̄ kajjitōk ippān ro kwoj katakin er n̄an etale tukaduin bwebwenato ko emān me maron̄ loi ium̧win “Bwebwenato ko an Visōn eo M̧oktata.” Remaron̄ barāinwōt riiti jet iaan lukkuun bwebwenato ko ilo aer kōjerbal liin̄ ko kar litok. Ta eo rekar loe me ej kōkajoorļo̧k naan in kam̧ool ko aer kōn Visōn eo M̧oktata. Kwomaron̄ alooje pijaan alooj eo “Ask of God: Joseph Smith’s First Vision” (ChurchofJesusChrist.org), eo ej kwaļo̧k kōn Visōn eo M̧oktata ilo am̧ kōjerbal bwebwenato kein. Etke em̧m̧an bwe en wōr jejjo bwebwenato ko kōn Visōn eo M̧oktata? Elmen an bwebwenato kein jipan̄ kōj bwe en em̧m̧anļo̧k ad meļeļe kōn Jemedwōj Ilan̄ im Jisōs Kraist?

Jerbal kōn Tōmak

Rōjan̄ ro uwaan doulul ak kūlaaj eo n̄an kejōkļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

Kein Jipan̄ ko rej Rie Katak Ko

  • Matu 3:13–17; Jerbal 7:54–60; 3 Nipai 11:3–10 (Anij Jemān im Jisōs Kraist rekar kwaļo̧k Er Make n̄an armej ro ioon laļ in)

  • “Ta eo jej ekkatak kōn piktokin Anij jān Visōn eo M̧oktata?” pijaan alooj jān Face to Face eo an Būreejtōn Erying im Elder Holland (kadiwōjļo̧k eo imejatoto an jodikdik ro, M̧aaj. 4, 2017), FacetoFace.ChurchofJesusChrist.org

Katakin ilo Wāween eo an Rilo̧mo̧o̧r

Rilo̧mo̧o̧r ekar karuwainene ro Rikaļooran n̄an kam̧ool kōn m̧ool ko an katak ko An. Ilo aer kar kōm̧m̧ane, Jetōb ekar un̄n̄ūr buruōer. Elmen am̧ maron̄ rojan̄ ro kwoj katakin n̄an kwaļo̧k naan in kam̧ool ko aer? (Lale Teaching in the Savior’s Way [2016], 11.)

Barāinwōt laleo “Prepare to Teach” (video, ChurchofJesusChrist.org).