Fakamatala Fakanounou ki hono Tokangaekina ʻo Kinautolu ʻoku Faingataʻaʻiá ʻi he 2024

Lolotonga ʻa e ngāue fakafaifekau ʻa Sīsū Kalaisi ʻi he māmaní, naʻá Ne ʻomi kiate kitautolu ʻa e ʻuluaki mo e ua ʻo e ngaahi fekau māʻongoʻongá—ke ʻofa ki he ʻOtuá mo hotau kaungāʻapí. Naʻá ne “faʻa feʻaluʻaki ʻo fai lelei” (Ngāue 10:38), ʻo fakahaaʻi mai kiate kitautolu ʻa e ʻuhinga moʻoni ʻo e tokangaʻi ʻo kinautolu ʻoku faingataʻaʻiá.

ʻI heʻetau hoko ko e kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ʻoku tau fāifeinga ke muimui ki Heʻene sīpinga ʻo e foakí mo e angaʻofá. Fakamālō ki he ngaahi foaki mo e ngāue tokoni ʻa e kāingalotu ʻo e Siasí mo e ngaahi kaungāmeʻá, pea ʻi heʻenau fengāueʻaki mo ha ngaahi kautaha tokoni ʻofa lahi kehe, naʻe lava ai ʻe he Siasí ʻo tokoniʻi ha kakai ʻe laui miliona ʻi he funga ʻo e māmaní ʻi he 2024. ʻOku kau ʻi he ngaahi meʻa mahuʻingá ʻa e:

• houa ngāue ʻofa ʻe 6.6 miliona.

• ngaahi fakamole $1.45 piliona.

• tokoniʻi e ngaahi fonua mo e ʻū vahefonua ʻe 192.

• polōseki tokoni ʻofa fakaetangata ʻe 3,836.

Laukonga lahi ange fekauʻaki mo e ngaahi ngāue ʻa e Siasí ke tokangaekina ʻa kinautolu ʻoku faingataʻaʻiá ʻi he 2024, ʻi he http://folky.shop/serve/caring/annual-summary.

Vakaiʻi ʻa e tatau PDF ʻi heni.