Lipooti ki hono Tokangaekina ʻo Kinautolu ʻoku Faingataʻaʻiá ki he 2025

ʻI heʻetau hoko ko e kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ʻoku tau feinga ai ke moʻui ʻaki ʻa e ongo fekau lalahi ʻe uá—ke ʻofa ki he ʻOtuá pea mo hotau kaungāʻapí (vakai, Mātiu 22:36–40). Ko e fānau ʻa e ʻOtuá ʻa ʻEne ngāué mo Hono nāunaú (vakai, Mōsese 1:39), pea ke fakahoko fakatouʻosi ʻa e ongo fekau maʻongoʻongá, ʻoku tau feinga ai ke tokangaekina ʻa kinautolu ʻoku faingataʻaʻiá ʻo hangē ko ia naʻe fai ʻe he Fakamoʻuí lolotonga ʻEne ngāue fakafaifekau ʻi he māmaní.

ʻOku fakaaʻu atu ʻe he Siasí ʻa ʻene ngaahi ngāue ke tokangaʻi ʻa kinautolu ʻoku faingataʻaʻiá ʻo fakafou ʻi he ngaahi ngāue tokoni ʻofa fakaetangata fakaemāmani lahí, ngāue tokoni ʻoku fai ʻe he kāingalotú mo e kau faifekaú, ngaahi maʻuʻanga tokoni fakauelofeá mo e moʻui fakafalala pē kiate kitá, mo e fengāueʻaki mo e ngaahi kautaha kehé. ʻI he 2025, naʻe lipooti ʻe he Siasí:

• Ha ngaahi polōseki tokoni ʻofa fakaetangata ʻe 3514.

• Houa ngāue tokoni ʻe 7.4 miliona.

• Ngaahi fonua mo e vahefonua naʻe tokoniʻi ʻe 196.

• $1.58 piliona ʻi he ngaahi fakamolé.

Laukonga lahi ange fekauʻaki mo e ngaahi feinga ʻa e Siasí ke tokangaekina ʻa kinautolu ʻoku faingataʻaʻia ʻi he 2025 ʻi he CaringReport.ChurchofJesusChrist.org.