Spámaðurinn Mormón

Skrifar Mormónsbók

fjöldi fólks býr til vopn og Mormón stendur sem barn með móður sinni nálægt borði fylltu sverðum

Mormón var Nefíti sem trúði á Jesú Krist. Hann ólst upp á tíma þar sem margir hlýddu ekki boðorðum Guðs. Fólkið rændi og drap hvert annað fyrir peninga og völd. Það voru mörg stríð.

3. Nefí 5:12–13; 4. Nefí 1:27–49; Mormón 1:1–3, 15, 18–19

Ammaron ræðir við Mormón og móður hans við uppskeru og margir vinna á akrinum í nágrenninu.

Þegar Mormón var 10 ára, kom til hans maður að nafni Ammaron. Ammaron sá um heimildirnar um sögu Nefítanna. Ammaron treysti Mormón og sagði honum að heimildirnar væru faldar í hæð. Ammaron sagði að þegar Mormón væri 24 ára gamall ætti hann að rita það sem hann hafði séð um fólk þeirra og bæta því við heimildirnar.

4. Nefí 1:47–49; Mormón 1:2–4

Mormón á táningsaldri biðst fyrir í trjálundi og ljós er allt í kringum hann

Þegar Mormón óx úr grasi mundi hann eftir því sem Ammaron hafði beðið hann að gera. Þegar Mormón var 15 ára gamall vitjaði Drottinn hans. Mormón lærði um gæsku Jesú.

Mormón 1:5, 15

Mormón á táningsaldri klæðist alvæpni og fylgist með hersveit Nefíta

Mormón var sterkur þótt hann væri ungur. Nefítarnir völdu hann til að stjórna herjum sínum. Mormón elskaði fólkið af öllu hjarta. Hann vildi að það hlýddi Guði og væri hamingjusamt.

Mormón 2:1–2, 12, 15, 19; 3:12

Mormón fullorðinn er sorgmæddur og biðst fyrir og brennandi land er í bakgrunni

Mormón reyndi að hjálpa fólkinu. Hann bað fyrir þeim hvern dag. Fólkið vissi að það væri að gera slæma hluti, en það vildi ekki iðrast. Það hafði ekki lengur kraft Guðs til að hjálpa þeim. Kraftaverkum linnti, vegna þess að það hafði enga trú. Það hélt áfram að berjast og margt þeirra lést. Mormón var dapur.

Mormón 1:13–14, 16–19; 2:23–27; 3:1–12; 4:5, 9–12; 5:1–7

Mormón ritar á og setur saman málmtöflur

Þegar Mormón var um 24 ára, fór hann til hæðarinnar þar sem heimildirnar voru faldar. Hann byrjaði að skrifa sögur og kenningar fólksins á málmplötur. Guð hjálpaði honum að vita hvað hann ætti að skrifa. Mormón vann að heimildinni í mörg ár. Á okkar tíma er heimildin kölluð Mormónsbók.

Orð Mormóns 1:3–9; Mormón 1:3–4; 2:17–18

Eftir margar styrjaldir höfðu Lamanítar drepið næstum alla Nefítana. Mormón vissi að fólkið hans yrði brátt horfið. Hann var sorgmæddur vegna þess að það hafði ekki iðrast og beðið Guð um hjálp. Hann baðst samt fyrir og bað Guð að vernda töflurnar. Hann vissi að töflurnar yrðu öruggar, því á þeim voru orð Guðs.

Orð Mormóns 1:11; Mormón 5:11; 6:6, 16–22

Þegar Mormón er gamall maður afhendir hann syni sínum Moróní málmtöflurnar

Hann vildi að fólkið tryði á Jesú. Hann vonaðist til að margir myndu lesa bókina í framtíðinni. Hann langaði sérstaklega til þess að fjölskyldur Lamanítanna læsu hana einhvern daginn. Ef þær gerðu það, myndu þær læra um Jesú. Áður en Mormón dó, afhenti hann syni sínum Moróní heimildirnar, svo þær væru öruggar.

Orð Mormóns 1:1–2; Mormón 3:17–22; 5:8–24; 6:6; 7; 8:1