„Jesús fer aftur til föður síns,“ Sögur úr Mormónsbók (2023)
Jesús fer aftur til föður síns
Þjónar lærisveinum sínum áður en hann fer
Jesús hafði kennt fólkinu fagnaðarerindi sitt. Hann hafði kennt því að elska Guð og þjóna hvert öðru. Brátt myndi Jesús fara aftur til föður síns. Hann bauð lærisveinunum að halda áfram að kenna fólkinu eftir að hann væri farinn.
Áður en hann fór, spurði Jesús lærisveina sína hvað þeir vildu að hann gerði fyrir þá. Flestir lærisveinanna sögðust vilja búa með Jesú eftir að þeir væru búnir að þjóna honum á jörðu. Jesús lofaði þeim að þeir myndu búa með honum eftir að þeir myndu deyja.
Þrír lærisveinanna voru daprir, því þeir voru svo áhyggjufullir að segja Jesú hvað þeir vildu. En Jesús vissi hvað þeir vildu frá honum. Þeir vildu lifa fram að síðari komu frelsarans, svo þeir gætu hjálpað fleirum að koma til Jesú.
Jesús lofaði þeim að þeir myndu ekki deyja. Þeir myndu dvelja á jörðu og hjálpa fólki að koma til hans fram að síðari komu hans.
Jesús snerti alla lærisveinana með fingri sínum, nema þá þrjá sem vildu vera um kyrrt. Jesús hvarf síðan á braut og fór aftur til himnesks föður.
Eftir það lukust himnarnir upp og lærisveinarnir þrír voru teknir upp til himins. Þeir sáu og heyrðu margt undursamlegt og var sagt að tala ekki um það. Líkamar þeirra breyttust líka til að þeir myndu ekki deyja eða finna fyrir sársauka.
Lærisveinarnir komu aftur og héldu áfram að kenna fólkinu um Jesú. Fólkið vildi fylgja Jesú og var skírt inn í kirkju hans. Það var með elsku Guðs í hjörtum sínum og miðlaði öllu sem það átti sín á milli. Það var hugrakkt og Guð hjálpaði því. Allir lifðu í friði í næstum 200 ár.