Հիսուսն ուսուցանում է ժողովրդին

Ամերիկայի ժողովուրդը ուրախ էր տեսնել Հիսուս Քրիստոսին և լսել Նա ուսուցումը: Նրանք երկար տարիներ սպասում էին, որ Փրկիչը գա։

3 Նեփի 11․10, 17

Հիսուսը նրանց սովորեցրեց շատ բաներ, որոնք նա սովորեցրեց Երուսաղեմի մոտ գտնվող ժողովրդին։ Նա սովորեցրեց նրանց հավատք ունենալ, ապաշխարել և մկրտվել: Եթե մարդիկ անեին այս բաները, Աստված նրանց կուղարկեր Սուրբ Հոգին: Հիսուսը սովորեցրեց նրանց, թե ինչպես աղոթել։ Նա խնդրեց նրանց ներել մյուսներին։ Նա ուզում էր, որ նրանք օրինակ լինեն ուրիշների համար։

3 Նեփի 11.31–39, 12.22-24, 44, 13.5-14, 17․8, 18.15-24

Հիսուսը ժողովրդին ասաց, որ գնան տուն և աղոթեն Աստծուն, որպեսզի օգնի նրանց հասկանալ, թե ինչ է Նա սովորեցրել իրենց։ Նա ասաց, որ հաջորդ օրը կվերադառնա։

3 Նեփի 17.1-3

Այդ գիշեր մարդիկ ուրիշներին ասացին, որ տեսել են Հիսուսին։ Նրանք խոսեցին Նրա ասածների և արածների մասին։ Շատերը Հիսուսին տեսնելու համար ամբողջ գիշեր ճանապարհորդեցին։

3 Նեփի 19․1-3

Հաջորդ օրը ժողովուրդը հավաքվեց Հիսուսի տասներկու աշակերտների հետ։ Աշակերտները ժողովրդին սովորեցրին այն ամենը, ինչ Հիսուսը սովորեցրել էր։ Նրանք ծնկի եկան գետնին և աղոթեցին։

3 Նեփի 19․4-8

Այնուհետև եկավ Հիսուսը: Նա աղոթեց Իր աշակերտների և ժողովրդի համար։ Աշակերտները նույնպես աղոթեցին։ Նրանք սկսեցին պայծառ շողալ, ինչպես Փրկիչը։ Հիսուսը ուրախ էր։ Աշակերտները մաքուր էին դարձել, Նրա հանդեպ իրենց հավատքի շնորհիվ։ Հիսուսը կրկին աղոթեց, և մարդիկ լսեցին, թե ինչպես է Նա հրաշալի բաներ ասում։

3 Նեփի 19․15-36

Հաջորդ մի քանի օրերի ընթացքում Հիսուսը ժողովրդին շատ բաներ սովորեցրեց Երկնային Հոր ծրագրի մասին։ Նա նաև սպասավորեց հաղորդությունը նրանց։ Երկրի բոլոր բնակիչները հավատացին Հիսուս Քրիստոսին և մկրտվեցին: Նրանք ստացան Սուրբ Հոգու պարգևը:

3 Նեփի 20-27, 4 Նեփի 1․1-2

Մարդիկ օգնեցին միմյանց և կիսվեցին իրենց ունեցած ամեն ինչով։ Նրանք արեցին այն ամենը, ինչ Հիսուսը պատվիրել էր իրենց անել։ Նրանք կոչվեցին Քրիստոսի Եկեղեցին։ Երկնային Հայրը և Հիսուս Քրիստոսը շատ ուրախ էին ժողովրդի համար։

3 Նեփի 26․17–21, 27․30-31, 4 Նեփի 1․3-18