Te Burabeti ae Nibwaai

Karekean te mwaaka ae korakora mai iroun te Uea

Niibwaite aika oneiia n onea aika a raraoi a iraea man ngareakinia aomata

Te koraki aika a aranaki bwa ana taan iraa Kateanton a taua taekan te kaawa ae Taraemra. A berita bwa buokiia imarenaia n karaoan mwakuri aika a bubuaka. A iraa ao n kamarakiia aomata ibukin tangiran te mwane ao te mwaaka. A mwaiti aomata aika a ikotiia ma taan kimoa aikai. A tangiria bwa a na kaubwai.

Ereman 6:15–24, 38–39; 7:4–5

Nibwaai e katorobubua n ana Taua ao n tataro, ao te Nibwaite e taraia n mata n un

Te burabeti ae Nibwaai e maeka i Taraemra. Nibwaai e tataro nakon te Atua bukina bwa e nanokawaki kai aomata aikoa ira ana tua te Atua. Nibwaai e butiia aomata bwa ana ururingi bwaai ake e tia te Atua n karaoi ibukiia. Ma a mwaiti aika aki kan ongo. A tabeaianga riki ma taekan te mwane ma te mwaaka iaon te ongeaba nakon te Atua.

Ereman 7:1–22

Nibwaai e maroro ma Nibwaite aika a mwaiti man te taua, ao aomata a takarua n un nakoina

Nibwaai e kauringiia aomata taekaia taan iraa. E taekinna ae a riai n rairi nanoia. Tabeman ibuakoia aia taan moti Nibwaite a ikotiia ma taan iraa. A un iroun Nibwaai ao n tataekinna bwa e taekina te Kewe. E tangiriia aomata bwa ana un naba iroun Nibwaai.

Ereman 7:22–29; 8:1–7

Nibwaai e taetae ao n kamwaingingi baina

E taekinna Nibwaai bwa te Atua e tuangiia Ana burabeti bwaai aika bati. Nibwaai e reireiniia bwa burabeti n kabane a reirei ibukin rokon Iesu Kristo. E taekinna bwa burabeti a kauringiia aomata ae Ierutarem ena uruakaki ngkana aki rairi nanoia. E buokiia n kauringiia ae Ierutarem e tia n uruakaki.

Ereman 8:11–25

Nibwaai e maroro ma Nibwaate aika mwaiti, ao ongo nakoina

N te bong are imwiina, ao taan moti a titirakina Nibwaai titiraki ni kamwane. Nibwaai e tuangiia ibukin te buakaka ae mena ibuakoia. Tabemwaang a kakoaua Nibwai ao n ataia bwa bon te burabeti.

Ereman 9:19–41

Nibwaai e tiku n tii ngaia ao n taraa n nanokawaki

Tabeman aki kakoaua. A bane n kauntaeka ao imwiina a kitanna. Nibwaai e iangoa te bwai ae e tia te Uea n reireinna. E nanokawaki ibukin aia mwakuri aika bubuaka aomata.

Ereman 10:1–3

Nibwaai e katorobubua n ana tataro, ao te ota e ruo nako aona

Te Uea e taetae nakon Nibwaai. E kukurei n ataia ae Nibwaai e reireinia aomata. Ibukina ongotaekan Nibwaai, te Uea e anganna te mwaaka ae onoti iaon bwaai iaon te aba ai karawa. Te Uea e ataia ae Nibwaai ena bon tii kabongana te mwaaka arei n buokiia aomata n rairi nanoia.

Ereman 10:3–12

Nibwaai e maroro ma Nibwaate aika mwaiti, ao aomata a katinanikua ao n taraia n mata n un

Te Uea e tuanga Nibwaai bwa e na okiriia aomata akekei ao n tuangiia bwa ana rairi nanoia. Nibwaai e nako naba nte tai anne. Ma a un aomata irouna, ao aaki kan ongo.

Ereman 10:11–15

tautia n tararua a kakaea Nibwaai, ao Nibwai e mwananga nako mai irouia

A kataia n karina Nibwaai nte karabuuti. Ma Tamnein te Atua e buoka Nibwaai n birinako.

Ereman 10:15–17

Nibwaai e teimatoa n reirei ana taeka te Atua. Aomata a teimatoa n aki kan ongo. A waaki n kauntakea ao n un imarenaia. Taan iraa a karikirakea riki te itaberara nakon ae korakora. Imwiina, ao a teirake buaka n kaawa nako. A mwaiti aomata aika a ikoaki ao n mate. Nibwaai e nanokawaki. E aki tangiria bwa ana kamaunaaki aomata man te bubuaka.

Ereman 10:17–18; 11:1–4

e mautakataka te aba, akea aroka ae maeu, ao akea te ran, ao Nibwaaite a taraa n nanokawaki ao a buokiia imarenaia

Nibwaai e butiia te Atua bwa ena karokoa te Rongo ae korakora bwa aonga aomata n uringa te Uea ao n rairi nanoia. Ao a mwaiti ririki ae akea iai te karau n bwaka. E mwautakataka aontano, ao akea te aoraka ae kona n maeu. A baki aomata. E toki te bubuaka ao a moanna n uringa te Uea. A rairinanoia aomata ao n tewenakoia taan iraa.

Ereman 11:3–7, 9–10

Nibwaai e tataro, ao ea bwaka te karau, ao Nibwaite a moangare ao n karabwa te Atua

E bubutia naba Nibwaai aomata bwa ena tataro nakon te Uea. Nibwaai e nooria bwa a rairi nanoia ao akea ibuakoia taan iraa. E butiia te Uea bwa e na karokoa te Karau. Te Uea e kaeka ana tataro Nibwaai. E roko te karau, ao aroka a manga moana maeuia. A karabwa te Atua aomata. Ataia ae Nibwaai bon te burabeti ao iai irouna te mwaaka ae korakora mai iroun te Atua.

Ereman 11:8–18