Kaain Tioramwaite

Bootakiia Nibwaite aika aranaki bwa kain Tioramwaite aki kawakina ana tua te Atua. Aio are e a bon karika iai nanokawaakin Aramwa. E ataia bwa te kabanea n kakawaki n kawai ibukin buokaia bon reiakinaia ana taeka te Atua. E nako ma Amureki ao tabeman riki bwa ana reireinia.

Aramwa 31:2–11

Kaain Tioramwaite a ataa te Atua ma a ibita ana reirei. A taromaurii boua n anti. N ana iango ao a nakoraoi riki aroia nakoia aomata tabeman. A bon aki raraoi aroia naba nakoia ake akea aia mwane.

Aramwa 31:1, 8–12, 24–25; 32:2–3

Kaain Tioramwaite a katei taabo aika a rietata i nuukan aia tabo n taromauri. A tataro iaona temanna imwiin temanna. A tataro n kabonganai taeka aika okioki n katoa tai. N aia tataro, ao a taekina ae te Atua akea rabwatana ao Iesu Kristo e bon aki koaua. A taekinna bwa bon tii ngaiia aomata aika ana kamaeuaki iroun te Atua.

Aramwa 31:12–23

E tangiria kain Tioramwaite Aramwa ao e tangiriia bwa ana iriira te Atua ao Iesu. E tataro ao n buutia te Atua bwa ena buokia ao naake e roko ma ngaia bwa ana reireinia Kain Tioramwaite. Aramwa ma raona a kaonaki nte Te Tamnei ae Raoiroi. A nako ao n reirei ma mwakan te Atua.

Aramwa 31:24–38; 32:1

Tabeman kain Tioramwaite a nanokawaki. Aki kariaiakaki n aia tabo n taromauri bukina bwa akea oneaia aika a raraoi. A tangiria n taromauria te Atua ma aki ata arona bukina kai aki konaa n rinnako n taabo n taromauri. A titirakina Aramwa tera ana karaoia. Aramwa e reireinia ae te Atua e ongo aia tataro n aki tara te tabo are a mena iai.

Aramwa 32:2–12; 33:2–11

Aramwa e taekinna bwa te Atua e tangiria aomata bwa ena iai aia onimaki. E kabotaua naba ana reirei te Atua nakon te ati. Ngkana aomata nako a unika inanoia ana reirei te Atua, te ati anne ena rikirake ao ana ataia bwa ana reirei n kabane te Atua a bon koaua. E taekinna bwa tii man nanoia n tangiria n onimaki ae ana konaa n waaki iai n mwakuria aia onimaki.

Aramwa 32:12–43

Amureki e reireinia ngkanne aomata ana babaire te Atua ibukiia Natina. E tuangiia ae rinanon Iesu a konaa n karekea kabwaraan aia bure. E reireinia naba bwa ana tataro nakon te Atua, ao n tuangiia ae te Atua ena buokiia man kawakiniia.

Aramwa 34

A mwaiti Tioramwaite ake a kainano ae a kakoaua aia reirei Aramwa ma Amureki. Ma taan kairiri ibukiia Tiromwaite a rootaki nte un. A kaotinakoia taan onimaki man te kaawa ae bubura.

Aramwa 35:1–6

Taan kakoaua a nako ni maeka ma Aentaai-Nibwaai-Riaai. Te koraki ae Aentaai-Nibwaai-Riaai a reirei nakoia, a beku ibukiia, n anganakiia amwarake, kunikai, ao te aba.

Aramwa 35:9