येशू ख्रीष्टको प्रायश्चितको शक्तिमा पहुँच

धर्मशास्त्रमा कति मानिसहरू येशू ख्रीष्टको चङ्गाइको शक्तिमा पहुँच प्राप्त गर्न सक्षम थिए भनेर हेर्नु प्रेरणादायी हुन्छ । व्यक्तिहरू मुक्तिदाताको नजिक आउँदा र उहाँमा आस्था राख्दै गर्दा बारम्बार चमत्कारहरू भए । मर्कूस ५:२५-३४ मा, धेरै वर्षदेखि रगत बग्ने समस्याबाट पीडित एक महिलाले येशूको वस्त्रको छेउ छोइन् र चङ्गाइ प्राप्त गरिन् । येशूले उनलाई भन्नुभयो, "छोरी, तिम्रो आस्थाले तिमीलाई निको पारेको छ । "त्यस्तै गरी, मर्कूस १०:४६-५२ मा, जब एक अन्धा मानिसले येशू नजिकै हुनुहुन्छ भनेर बुझेा, उनी करायो, "येशू, दाऊदका पुत्र, ममाथि कृपा गर्नुहोस् ।" उनलाई दृष्टि दिएपछि, मुक्तिदाताले घोषणा गर्नुभयो, "आफ्नो बाटो लाग; तिम्रो आस्थाले तिमीलाई निको पारेको छ ।" उहाँको चङ्गाइको शक्ति प्राप्त गर्न येशू ख्रीष्टमा आस्था हुनु आवश्यक छ भनेर यी विवरणहरूले स्पष्ट रूपमा सिकाउँछन् ।

अब येशू भौतिक रूपमा पृथ्वीमा हामी बीचमा हिँडिरहनुभएको छैन । आज हामी कसरी उहाँको नजिक आउन सक्छौँ र उहाँको प्रायश्चितको शक्तिमा पहुँच प्राप्त गर्न सक्छौँ ? मोर्मोनको पुस्तकले अल्मा ७:२१ मा सिकाउँछ "न त फोहोर वा अशुद्ध कुनै पनि चीज परमेश्वरको अधिराज्यमा प्रवेश गर्न नै सक्छ ।" हामीले पापबाट फर्किएर पश्चात्ताप गर्ने सचेत निर्णय गर्नु पर्छ भनेर यसले हामीलाई सम्झाउँछ । पश्चात्तापका लागि येशू ख्रीष्टलाई अनुसरण गर्ने निष्कपट चाहनासहित--हृदय परिवर्तन गर्नु आवश्यक छ । पानीद्वारा बप्तिस्मा र पवित्र आत्माको प्रमाणीकरणद्वारा हाम्रा शरीर र आत्माहरू शुद्ध र पवित्र हुन सक्छन् । यी पवित्र करारहरू गरेर हामी हाम्रा मुक्तिदातासँग प्रत्यक्ष र व्यक्तिगत सम्बन्ध स्थापित् गर्छौँ ।

हामीले पालना गर्न प्रतिज्ञा गरेका आज्ञाहरू पालना गर्दा यस करार सम्बन्धले हामीलाई सुरक्षा प्रदान गर्छ र मजबुत बनाउँछ । परन्तु जीवन परीक्षा र प्रलोभनहरूले भरिपूर्ण हुन्छ र कहिलेकाहीँ हामी चुक्छौँ । जब हामीले गल्ती गर्छौँ, मुक्तिदाताको अनन्त प्रायश्चितले पुनरागमनको मार्ग प्रदान गर्छ । सबैजना तृप्त भएर बाँकी रहेको खानाले, यूहन्ना ६ मा, येशूले पाँच हजार मानिसहरूलाई केवल पाँच रोटी र दुई साना माछाले खुवाउनुभयो । यो चमत्कारले उहाँको प्रायश्चितको शक्ति सांसारिक बाधाव्यवधानहरूद्वारा सीमित गारिएको छैन--यो असीम छ भनेर देखाउँछ । येशूले पछि सिकाउनुभयो, “जसले मेरो मासु खान्छ र मेरो रगत पिउँछ, उसको अनन्त जीवन हुन्छ; र म उसलाई अन्तिम दिनमा जीवित पार्ने छु । किनकि मेरो मासु वास्तवमा नै मासु हो र मेरो रगत वास्तवमा नै पिउने हो । जसले मेरो मासु खान्छ र मेरो रगत पिउँछ, ऊ ममा बास गर्छ र म उसमा” (यूहन्ना ६:५४-५६) । उहाँको बलिदानद्वारा, सबैले क्षमा, चङ्गाइ, आध्यात्मिक नवीकरण र मृत्युमाथि विजय प्राप्त गर्न सक्छन् भनेर उहाँका शब्दहरूले स्पष्ट रूपमा बताउँछन् ! प्रत्येक हप्ता जब हामी प्रभुभोजमा सहभागी हुन्छौँ, हामी नयाँ रूपमा पवित्र हुन्छौँ र येशू ख्रीष्टको नजिक आउँछौँ । करार मार्गमा रहेर हामी निरन्तर रूपमा उहाँको प्रायश्चितको शक्तिमा पहुँच राख्न सक्छौँ ।

किनभने हामीसँग यस्तो पवित्र शक्तिमा पहुँच छ, हामी अरूलाई आशीर्वाद दिनका लागि यसलाई प्रयोग गर्न पनि उत्तरदायी छौँ । उहाँले स्वर्गको अधिराज्यका साँचोहरू दिनुहुने छ, जसमा पृथ्वी र स्वर्गमा बाँध्ने/खुल्ला गर्ने शक्ति हुने छ भनेर येशूले मत्ती १६:१९ मा सिकाउनुभयो । पादरित्वका आशीर्वादहरू, मन्दिरका विधिहरू र जीवित र मृतकहरूका लागि पवित्र कार्यद्वारा हामी आत्माहरूलाई परमेश्वरको नजिक ल्याउन सहयोग गर्छौँ । यी विधिहरूले हामीलाई येशू ख्रीष्टको प्रायश्चितको शक्तिलाई गहन र अर्थपूर्ण तरिकाले अनुभव गर्न अनुमति दिन्छन् । हामीले यस पवित्र शक्तिका सम्बन्धमा अरूलाई हाम्रो गवाही दिनु पर्छ । यदि हामी मुक्तिदाताकहाँ आउँछौँ भने, हामीले जे गरे पनि, हामीले जतिसुकै भारी बोक्नु परे तापनि र हामी जतिसुकै पटक लडे तापनि, येशू ख्रीष्टको प्रायश्चितको शक्तिले हामी सबैलाई सुरक्षित गर्न सक्छ ।

येशू ख्रीष्टको प्रायश्चितको शक्तिमा पहुँच गर्नु स्वर्गबाट आएको एक अविश्वसनीय आशीर्वाद हो जसले अनन्ततामा पुर्‍याउँछ । यो आस्था, पश्चात्ताप, पवित्र करारहरू र विधिहरूका माध्यमद्वारा निरन्तर नवीकरण मार्फत् प्राप्त हुन्छ । जब हामी ख्रीष्टलाई अनुसरण गर्छौँ र अरूलाई पनि त्यसै गर्न सहयोग गर्छौँ, उहाँको अनन्त शक्तिले हामीलाई चङ्गाइ दिन्छ, हामीलाई मजबुत बनाउँछ र हामीलाई हाम्रा स्वर्गका पिताकहाँ फिर्ता लैजान्छ । हाम्रा प्रिय परिवारका सदस्यहरूसँग हामीले सदैव परम खुसीको अनुभव गर्ने छौँ । ■