Lumu luimpa lua Yezu Kilisto munda mua Dîku

Dilongesha dia Ekelezia wa Yezu Kilisto wa Bansantu ba Matuku a Ndekelu didi dimanyina pa dîku. Tshia mushinga mu dilongesha pa dîku tshidi ntempelo. Milulu itudi tupetaku, idi itupesha dianyisha bua kupingana bu mêku a tshiendelela kumpala kua Tatu wa mu Dîulu.

Mu mpungilu munena wa ngondu muinayi 2025, Mulombodi Mukulu Russell M. Nelson uvua mumanyisha dibaka dia ntempelo 200 mipia-mipia. Uvua munanga kumanyisha ntempelo mipia-mipia kundekelu kua mpungilu munena yonsu, ne tuvua bonsu tutshiongomokibua nenda. Kadi, ne buabungi bua ntempelo mu tshitupa tshia ntuadijilu tshia bulongolodi ne dibaka, bidi bikengedibua bua tutekesha dimanyisha dia ntempelo mipia-mipia. Kibualukayi, ne dianyisha dia Mpuilu wa Bapostolo Dikumi ne Babidi, katuakumanyisha ntempelo mipia-mipia to mu mpungilu ewu. Netutungunuka ne kutuala milulu mu ntempelo kudi bidimba bia Ekelezia mu buloba bujima, biangata ne diba ne muaba wa kumanyisha bua kuibaka ntempelo mipia-mipia.

Tshitupa tshia muyuki wanyi tshingafuma kudiamba etshi, tshivua tshifundibua panyima pa lufu lua munangibua wetu Mulumbodi Mukulu Russell M. Nelson. Bidi bilonda ebi bivua bifundibua ne bianyishibua mbingu kumpala, kadi bidi bileja malongesha anyi, bifidibua meji kudi Mukalenga.

Dîku Dimanyisha Kudi Pa Buloba, dimanyishibua bidimu 30 bipita, didi diamba ne “Dîku didi dijidila kudi Nzambi” ne “didi mu nkatshi mua bulongolodi bua bufuki bua mpungilu wa tshiendelela wa bana benda.” Didi kabidi diamba ne “Mukenji wa Nzambi bua bana benda bavulangana ne bûja buloba utshidiku ne bukola buawu.” Ne “tudi tumanyisha kabidi ne Nzambi mmufila mukenji wa ne bukola bua tshijila bua lulelu budi ne bua kuenzeka amu pankatshi pa muntu muluma ne mukaji, basedibua bilondeshila ku mikenji bu muluma ne mukaji.” Ne bumuvua Mukulu Russel M. Nelson mulongesha musumba wa ku Université wa Brigham Young ne, dîku didi “Diamushinga mukola mu Dilongolola dia Nzambi. … Bushuwa, kipatshila ka dilongolola kadi kuzanjika dîku.”

Ekelezia wa Yezu Kilisto udi misangu mikuabu mumanyibua bu ekelezia udi muimanyina pa dîku. Bidi nanku! Malanda etu kudi Nzambi ne kipatshila ketu mu moyo wetu wa lufu bidi biumvuija mu miaku ya dîku. Lumu luimpa lua Yezu Kilisto ludi dilongolola dia Tatu wa mu diûlu bua bimpa bia bana benda ba nyuma. Tudi bulela tuamba ne bulonglodi bua lumu luimpa buvua butulongesha kumpala mu tshipangu tshia dîku dia tshiendelela, budi butekibua amua mu bienzedi kupitshila ku mêku etu a lufu, ne mpungilu wenda mulongolola udi wa kuzanjika bana ba Nzambi badi mu mêku a tshiendelela.

Nansha mushindu wa dilongesha awu, kudi dimanyinangana. Mu Etats-Unis tudi tukenga dipuekeshibua diabungi dia mabaka ne dilela bana. Pabuipi ne bidimu lukama, bungi bua mêku, malombodibua kudi tatu ne mamu mmapueka, ne bungi bua dilela. Mabaka ne bungi bua dilela bua bidimba bietu bia Ekelezia budi buimpa kadi, budi kabidi bupueka bikola. Bidi bia mushinga ne Bansatu ba matutu a Ndekelu kabena bajimija ngumvuilu wa kipatshila ka dîku ne mushinga wa bana. Ki bitudi tutatshila bua matuku alua. “Dizanjikibua didi bualu bua dîku,” mua katulongesha Mulombodi Mukulu Nelson. “Anu kupitshila ku mishinga ya lupandu ya lumu luimpa lua Yezu Kilisto ke kudi mêku bua kuikala manzanjikibua.”

Dipueka dia bungi bua mabaka ne bua dilela mu bisamba, didi diumvukibua bua tubingila tua kala. kadi ngikadilu ne ngezelu wa Bansantu ba matuku a Ndekelu udi ne mua kuikala mushidimuja—kabayi balonda—ngikadilu ayi.

Mpamvua muana bidimu 80 bipita, Mvua musombela ku tshikumbi tshia bakakuanyi ku bulongolodi bua bionsu bivua bienzeka mu dituku bivua ku bulombodi bua dîku. Kakuvua television anyi biamua bikuabu bia dipitshishila diba ku bibilu bia dîku. Bua kufuanyikija, lelu mu nsombelu wa bimenga, bidimba bikesa bidi ne bibidilu bia bibilu bimanyina pa dîku. Nsombelu wa mu tshimenga, ne kuambula ku biamua bia matuku â, manaya malongolola ne lubilu lunena lua diyikila mbianyishila bansonga bua kumona mêku abu bu muaba wa kulala kawuyi wa kusomba, muaba udi balala ne badia, kadi muaba udi maludiki makesa a baledi mu bibilu biabu.

Buenzeji bua baledi budi kabidi buvingutula mu mushindu udi bidimba biabungi bia Ekelezia bipeta tshia kudia. Mu bikondu bia kala, tshimua tshia ku buenzeji bunena tshivua tshisangisha mêku tshivua luidi lua kutata pamua mua kukeba kipatshila kamua—bumudi kudima madimi anyi kupeta tshiakudia. Dîku divua nsangilu mulongolodibua ne muludikibua wa dipeta mpetu Lelu, mêku abungi adi Nsangilu wa didia mpetu, tshidi katshiyi tshilomba diplôma dinena dia bibambalu bia dîku ne biawu.

Bumudi buikadi bua baledi bupueka, Bansantu ba Matuku a Ndekelu badi batungunuka ne bujitu bufila kudi Nzambi bua kulogesha bana babu bua kubalongolola bua mpungilu wa dîku wa tshiendelela (tangila Dilongesha ne Bipungidi 68:25). Babungi betu badi benza nunku padi kakuyi mêku etu onsu mikala a bilela bietu. Dishebeya dibaka, lufu, ne dikosoloka bidi bilelela. Ndi mubiteta mu dîku dimvua mukolela.

Tatu wanyi uvua mufua mpavua ne bidimu muanda muteketa, muakunyanyi muluma ne mukaji ne Mena, tuvua bakolesha kudi mamu mukamba. Mu bikondu bikola, uvua munanukila. Uvua ngayenda ne mulanda, kadi ne diambuluisha dia Nzambi, dilongesha dienda dia bukola pa Ekelezia mupinguluja divua dituludika. Ke muvuayi usambila bua kupeta diambuluisha dia ku diûlu mu dikolesha bana benda, ne uvua mubeneshibua. Tuvua bakoleshibua mu dîku dia disanka divua tatu wetu mufua muikala misangu yonsu bualu bulelela. Uvua mutulongesha ne tuvua ne tatu ne uvua ne muluma ne tuvua ne bua kuikala dîku bualu bua dibaka diabu ku ntempelo. Tatu wetu uvua kuluseka bua tshikondu tshikesa bualu Mukalenga uvua mumubikila ku mudimu mushilangana.

Ndi mumanya ne mêku makuabu abungi kahena ne disanka to, kadi mamu yonsu udi ngaya, udi mua kulongesha dinanga dia Tatu wa mu Diûlu ne mabenesha alua a dibaka dia ku ntempelo. Wewa peba udi mua kuenza nunku! Bulongolodi bua Tatu wa mu Diûlu budi butujadikila bulelela ebu bua bantu bonsu. Tudi bonsu ne kusadikila bua dibaka dia ku ntempelo ne bua mabenesha alua a kuikala musuikibua bu dîku dia tshiendelela. Bu mamu wanyi, tuvua bananga kutela mulayi wa Lehi kudi muanenda Yakoba udi ne Nzambi ne “neajidila ntatu yeba bua tshipeta tshimpa tshieba ” (2 Nefi2:2). Etshi kabidi bua mêku onsu a Bansantu ba matuku a Ndekelu, majima anyi mikala tshitupa mpindiewu. Tudi ekelezia wa dîku.

Dilongesha ne ditaba dietu mu mêku a tshiendelela bidi bitukolesha ne bitusuika. Tshiakupua moyo mulayi uvua Kakuanyi muledi wa mamu Harris, patutshivua bana patuvua basomba ku tshikumbi tshienda pabuipi ne Payson, Utah Wakampesha mukenji mubi ne tatu wanyi uvua mufua mu faraway Denver, Colorado. Mema kunyema mu nzubu wa kulala ne kutua binu kuluseka kua bulalu, kudila ne moyo wanyi mujima. Kakuanyi wakandonda ne kuya ku binu bienda kuluseka luanyi ne wamba , “nengikala tatueba, “ Mulayi ewu munena uvua tshilejelu tshinena tshivua bakaku ne mua kuenza bua kukumbaja matubu padi mêku afuisha anyi ajimija tshidimba.

Baledi, basonga anyi basedibua—ne bakuabu, bumudi bakaku, badi buwuja mukenji ewu bua bana—badi balongeshi bapiluka. Dilongesha dimpa diabu dia mushinga didi mu tshilejelu. Tshijengu tshia dîku, tshidi muaba mukumbana wa kuleja ne kolonga bintu bia mushinga wa tshiendelela, bumudi mushinga wa dibaka ne bana, kipatshila ka moyo, ne mushimi mulelela wa disanka. Tshidi kabidi muaba muakana bua kulonga malongesha makuabu a mushinga a moyo, bumudi, dibuikidila, didikanda, ne mushinga wa dilonga ne mudimu mulongama.

Bushuwa, bidimba biabungi bia Ekelezia bidi ne bidimba bia dîku binangibua bidi kabiyi biakadila bintu bia mushinga bia lumu luimpa ne matekemenyi. Bidimba bu nungu bidi dijinga ne dinanga ne ditukija bietu. Mu malanda etu ne umua ne umua, tudi ne mua kuvuluka ne buakana butudi tukeba kabuena anu bushikidila mu bikondu bia ntantu ya moyo wa lufu. Dilongesha dinena mu Dilongesha ne Bipungidi 138:57–59. didi ditujadikila ne kukudimuna mutshima ne dikola dia mu nyuma didi ditungunuka mu muaba wa nyuma udi ulonda difua. Tshia mushinga, bumudi dîku disangila bua kukolesha umua ne umua, tudi ne mua kuvuluka ne bubi ne buteketa tudi nabi bonsu mu moyo wa lufu ewu bidi bua kubuikidibua kupitshila ku dikudimuna mutshima bualu bua mulambu wa bupikudi wa butumbi ne udi usungila bia Yezu Kilisto.

Mupandishi wetu Yezu Kilisto, udi tshilejelu tshietu tshinena. Netubeneshibua bitua teka nsombelu wetu mu malongesha ne mulambu bienda. Kulonda Kilisto ne kudifila ngayetu mu kusadila umua ne umua bidi mushindu muakana ku tshilema ne kudidisua bidi bimueka lelu bitangalaka.

Baledi badi kabidi ne bujitu bua kulongesha bana babu malongesha makuabu mu bienzedi bidi kabiyi nshindamenu ya lumu luimpa. Dîku didi tshintu tshimua padibu benza bintu bia mushinga pamua. Budimi bua dîku budi buibaka malanda a dîku. Mamanya a disanka a dîku adi akolesha buikadi mu dîku. Dipatuka, bibilu bia kuibidija mubudi, ne manaya bidi bia mushinga munena bua kukolesha mêku. Mêku adi ne bua kulongolola bisangilu bia dîku bua kuvuluka bankambua, bidi bituala ku ntempelo.

Baledi badi ne mua kulongesha bana babu mamanya a nshindamenu a mu nsombelu, biangata kuenza mudimu mu budimi ne kumbelu. Kulonga miakulu kudi ne mushinga bua kudilongolola bua mudimu wa ba missionnaire ne mu nsombelu wa panu. Balongeshi ba biena bualu ebi, badi ne mua kuikala baledi anyi bankambua anyi bidimba bia dîku dinena. Mêku adi alubuluka padiwu alonga mu tshisumbu ne enza bipangu pamua pa mianda yonsu idi itangila dîku ne bidimba biabi.

Bamua badi mua kuamba, “Kadi misangu mikuabu katuena ne diba buabi to.” Bua kupeta diba bua kuenza bintu bidi bulelela bia mushinga munena, baledi babungi nebamona ne, badi bua kukangula mêku abu pikalabu bonsu bajima biamua biabu. Ne baledi, vulukayi ne, tshidi bana abu bushuwa bananga bua tshikondu tshia kudia tshidi diba neba.

Mabenesha manena adi alua ku mêku pikalawu asambila pamua, batua binu butuku ne mudinda bua kulambula kusakidila bua mabenesha ne bua kusambila bua kutantamena malu a panu. Mêku adi kabidi mabeneshibua padiwu asambila pamua mu bisangilu bia Ekelezia ne mu nsangilu mikuabu. Mêku masuikibua adi kabidi makoleshibua kudi miyuki ya dîku, difuka dia bilela bia dîku, ne kutangalaja mamanya a tshijila. Mulombodi Mukulu Spencer W. Kimball wakatuvuluija ne “Miyuki ya meji a nyuma ya mu nsombelu yetu ne ya ba nkambua betu idi bimua bia mushinga bia dilongesha.” Bitu kabidi bitamba kuikala mushimi muakana wa meji a nyuma buetu ne bua bana betu.

Ndi Jadika bua Yezu Kilisto, udi Muana Mulela Umua wa Tatu wa Tshiendelela. Udi utubikila bua kulonda njila wa bipungidi udi ulombola ku disangisha dia dîku dia mu diûlu. Bukola bua disuika bua buakuidi, bulombodibua kudi nsapi mipinguluja mu Ntempelo wa Kirtland, budi butuala mêku pamua bua tshiendelela (tangila Dilongesha ne Bipungidi 110:13–16). Idi mpindiewu mienzela mu bungi buvula bua ntempelo ya Mukalenga mu buloba bujima. Etshi tshidi tshilelela. Lekelayi tuikala tshitupa tshiatshi, Ndi nsambila mu dina dia Yezu Kilisto, amena.