Kutuishibua ne Kukoleshibua mu Kilisto

Bana betu baluma ne bakaji, Ndi ne disakidila bua Mukalenga patudi tusangila pamua. Ndi ne disanka bua kuakula kunudi lelu. Ndi nsambila bua Nyuma abueja mu mioyo yenu bidi Mukalenga mujinga mua numvua bitamba mêyi angakula kunudi.

Bidimu biabungi, Mvua nkeba kulonga physique ne mathematique pamvua mu tulasa tutumbuka. Mvua ndiabakena. Mema kubanga kuamba ne mvua nteta kulonga tshintu tshivua kumutu kuanyi. Pamvua ntamba kumvua didiabakena, Mvua ngumvua kabidi bukola bukesa bua kutungunuka ne kuteta. Diditekesha dianyi kunsaka bua kumvua ne tshidienzeja dianyi kadivu nanga-nanga ne bipeta to. Mema kubanga kuela meji bua kumbuka, bua kuenza tshintu tshipepela.

Mvua ne buteketa Ne pamvua nsambila, mema kumvua dituishibua mu tshimuma dia Mukalenga. Mema kumvua diakula mu meji anyi ne, “Ndi kuteta, kadi ne Ngikala neba.”

Tshivua mumanya tshivua mêyi awu umvuija to. Kadi Mvua mumanya tshia kuenza—Mema kudifila ku mudimu.

Mu kunana meji ne mu kuenza mudimu mu bidimu bia kalonda; Mema kufika ku diumvu mukenji awu wa dikolesha mu mifundu: “Ndi mumanya mua kuenza malu onsu mu Mukalenga udi unkolesha.”

Nga kajingulula ne kudienzeja kuanyi ne physique tshivua bushuwa dipa dia kudi Mukalenga. Uvua undongesha ne diambuluisha dienda, Mvua mua kuenza bintu bivua bimueneka bikola mpavua ne ditabuja ne uvua mua kuikalaku bua kungambuluisha. Kupitshila ku dipa edi Mukalenga uvua wenda nanyi bua kunteta ne kunkolesha.

Muaku Muteshibua udi ne diumvuija diabungi. Kuteta tshintu kakuena anu kumvuija kutshipima to. Tshidi kumbandisha bukola. Kuteta tshiamua tshia acier, tshidi kutshiteka ku mudilu mukola. Badi bakumbaja mudilu, bujitu, ne bukola tô ne adi buikadi buatshi buimpa bukoleshibua ne bubuluibua. Tshiamua etshi katshiena tshitekeshibua ku diteta nansha. Kadi, tshidi tshilua tshintu tshidi mua kuikala tshieyemenyibua, tshintu tshikola bua kuambula majitu manena.

Mukalenga udi ututeta mu mushindu umua ewu bua kutukolesha. Diteta edi kadiena dilua mu bikondu bipepela anyi bia disanka. Bidi bilua mu bikondu patudi tumvua batekibua ku mutu kua bituvua bamanya ne tudi mua kuambula. Mukalenga udi ulongesha ne tudi ne bua kutungunuka kukola ne katuteketshi to, katulekedi to, tudi ne bua kutungunuka kuteta.

Patudi tutungunuka ne kuikala ne ditabuja mu Yezu Kilisto—nansha bintu bimueneka bikola kutudi ku bikondu—tudi tulua bakoleshibua mu nyuma. Mifundu ya tshijila mifunda, idi imanyina pa bulelela ebu.

Muprofete Moloni, tshilejelu, uvua mutetshibua ne mukoleshibua mu mushindu ewu. Uvua ne moyo mu matuku enda a ndekelu ngayenda. Uvua mufunda ne kavua ne mulunda to, ne tatu wenda ukavua mishipibua, ne bantu benda bavua babutudibua. Uvua mukebibua kudi aba bavua bakeba moyo wenda;

Kadi, Moloni kavua mupanga ditekemena to. Kadi, uvua mukolesha bujadiki buenda bua Yezu Kilisto pa bitata bua bantu bavua kabayi ne mua kosomba ntanta mula bua bamona, biangata ne ndelanganyi ya aba bavua bakeba kumushipa. Uvua mutufundila. Uvua mumanya ne bamua ne baseka miaku yenda. Uvua mumanya ne bamua ne bayibenga. Kadi, uvua mutungunuka ne kufunda.

Mu mateta enda, ditabuja dia Moloni, divua dikedibua ne dikoleshibua. Divua ditamba kulua diakana. Miaku yenda idi ne bukola bua ewu yonsu wa nanukila ne kundekelu. Tudi bua kumvua bukola patudi tubala bujadiki buenda:

“Mpindiewu mema, Moloni, ndi mfunda kakesa kadi kandengelela; ne ndi mfundila bana betu, Bena Lamana; ne ndi musua nebamanya ne bidimu bipita pa nkama inayi ne makumi abidi biakapita katshia tshimanyinu tshivua tshipeshibua bua dilua dia Kilisto.

“Ne ndi nkanga miandiku eyi, kunyima kua mema muakula miaku mikesa ku njila wa dinukankamija.

“Monayi, ndi nukankamija ne panuabala malu â, bikalabi lungenyi lua Nzambi ne nu’abala, nuvuluka bu muvua Mukalenga ne lusa kudi bana ba bantu, kumbukila ku bufuki bua Adama mena tô ne tshikondu tshinuapeta malu â, ne nubinanela meji mu mitshima yenu.

“Ne panuapeta malu â, ndi nukankamija ne nulomba kudi Nzambi, Tatu wa Tshiendelela, mu dîna dia Kilisto, malu â ne ka’ena malelela; ne binualomba ne mutshima mulelela, ne dijinga dia bushuwa, bikala ne ditabuija mu Kilisto, neanumuenesha bulelela buawu, ku bukola bua Nyuma wa Tshijila.

“Ne ku bukola bua Nyuma wa Tshijila nudi mua kumanya bulelela bua malu onsu.”

Moloni udi ujadika ne uvua mukela mu buikadi bua nkaya kadi tshidi tshikenka bua, kuludika bantu ba mu bikondo bionsu bua kukeba Tatu mu Diûlu ne Mupandishi Yezu Kilisto.

Muprofete mukuabu wa mu Mukanda wa Molomo, Yakoba, uvua mutetshibua ne mukoleshibua pavuayi muana, uvua mupeta dimanya dia ntantu itamba kusama. Kadi tatuenda, Lehi, wakamulongesha ne Nzambi udi umubenesha kupitshila ku ntatu yenda.

“Ne Mona, mu buana bueba udi mukenga ne ntatu ne kanyinganyinga ka bungi, bua tshikisu tshia bana benu ba baluma.

“Nansha nanku, Yakoba, muananyi wa kumpala mu tshipela, udi mumanya bunena bua Nzambi; ne neajidila ntatu yeba bua tshipeta tshimpa tshieba.

“Bua nanku, anyima weba neabeneshibua, ne neasomba mu bukubi ne muanenu wa baluma, Nefi; ne matuku eba neapita mu disadila dia Nzambi weba. Bua nanku, ndi mumanya ne udi musungidibua, bua bualu bua buakana bua Musungidi weba; bualu udi mumona ne mu tshiwudi tshia tshikondu udi ulua bua kutuala lupandu kudi bantu.”

Muprofete Joseph Smith wakapeta dimanya dia ditetshibua ne dikoleshibua pavuayi mu lukanu lua Liberty. Mu ndondu wa dikenga dienda, Muprofete Joseph wa kadila:

O Nzambi, Udi Penyi? …

Ntanta bula kayi tshianza tshieba ne tshikandikibua?

Mukalenga kumona dikenga dia Joseph ne bukola bua tshijila ku dinanukila dimpa pavuayi muandamuna:

Muananyi, ditalala dikala mu anyima weba; buluishi bueba ne lutatu lueba nebikala bua ditupa tshipi.

Ne pashisha we mubinanukila bimpa, Nzambi neakuzanjika mulu; neutshimuna

Tshilejelu tshinena tshia ditetshibua ne dikoleshibua didi difika kupitshila ku bupikudi bua Mupandishi. Uvua muangata pa mutu penda mibi yonsu ya pa buloba. Uvua muambula busami buetu ne tunyinganyinga tonsu. Uvua munua dikopu dia bululu. Uvua muleja lulamatu mu bintu bionsu.

Bualu bua bupikudi buenda bua butumbi, Yezu Kilisto udi mua kutukolesha mu meba etu a ntatu. Uvua mumanya mushindu wa kutukuatshisha bualu uvua mumvua ntantu yonsu itumvua mu moyo wa lufu. “Neitaba lufu, bua kusululaye mionji ya lufu, idi misuika bantu benda; ne neangata mateketa abu, bualu munda muenda muwula ne lusa, bilondeshila ku musunyi, bua amanya bilondeshila ku musunyi mushindu wa kuambuluisha bantu benda bilondeshila ku mateketa abu.”

Tudi tulonga ne pavuayi mu Budimi bua Getesemane, Mupandishi uvua mulomba Tatu bua amumbushila lupanza—kadi pashisha wakamba ne kabidi ne biobi disua dia tatu, Mupandishi uvua ne mua kudienza. Mu miaku mikuabu, Mupanshi uvua ne dielakana ne dibenga kutuishibua, kadi uvua ne ditabuja mu Tatu wa mu Diûlu.

Bana betu baluma ne bakaji, diteta ne dikoleshibibua bieba kabiaku fuanangangana ne bia Moloni anyi Yakoba anyi Muprofete Joseph. Kadi nebilua. Bidi mua kulua mu tshimuma, kupitshila ku mateta a nsombelu wa dîku. Bidi mua kulua kupitshila ku disama anyi dipangila anyi kanyinganyinga anyi buikadi bua ngaya.

Ndi jadika ne bikondo ebi kabiena bijadika ne Mukalenga mukulekela to. Kadi, bidi bijadika ne mukunanga bikola bua kukukela ne kukukolesha. Udi ukukolesha kakesa bua kuambula bujitu bua moyo wa tshiendelela.

Tetu bashala ne lulamatu mu disadila dietu, Mukalenga neatukela. Neatukolesha. Ne dituku dikuabu neutangila panyima ne kumona ne ntatu ayi ivua bujadiki bua dinanga dienda. Netumona ne uvua utusonga bua kuikala bakumbana bua kuimana nenda mu butumbi . Bumuvua Mupostolo Paulo muamba kundekelu kua moyo wenda, “Ngakuluangana mvita mimpe, Ngakujikija lubilu luanyi, Ngakulama ditabuja.”

Ndi njadika ne Nzambi mukumanya. Mmumanya ntantu iwudi upeta. Udi neba. Kakukulekela to. Ndi njadika ne Yezu Kilisto udi Muana wa Nzambi. Udi Bukola buetu, Musungidi wetu, ne ditekemena dietu. Tetu bamueyemena, neenza mukola buetu bua mu nyuma bupetangana ne ntatu yonsu itudi babikidibua bua kuambula. Ndi njadika nunku mu dina dia Yezu Kilisto, amena.