हाम्रो जीवनको सत्य

सत्यका लागि हाम्रो खोजी

हामी जिइरहेको यस युगमा, हामीलाई यसपूर्व भन्दा धेरै ज्ञान उपलब्ध छ । विगतमा, यदि तपाईं केही बुझ्न चाहनुहुन्छ भने तपाईंले पुस्तकालयमा गएर त्यसलाई खोज्नु पर्थ्यो । इन्टरनेट र इलेक्ट्रोनिक उपकरणहरूले आज हामीले तत्कालै प्राप्त गर्न सक्ने प्रायशः अन्तहीन जानकारीमा पहुँच प्रदान गर्छन् ।

हामीले उपलब्ध स्रोतहरूको बुद्धिमानीपूर्वक प्रयोग गर्दा परमप्रभु खुसी हुनुहुन्छ तर उहाँले यो कालातीत सल्लाह प्रदान गर्नुभएको छ: “लगनशीलतापूर्वक खोज र एक-अर्कालाई ज्ञानका वचनहरू सिकाओ; हो, उत्कृष्ट पुस्तकहरूबाट ज्ञानका वचनहरू प्राप्त गर; शिक्षा प्राप्त गर, अध्ययन गरेर समेत र आस्थाद्वारा समेत” (सिद्धान्त र करार ८८:११८) । उहाँले हामीलाई हाम्रो वरपरको संसारका सम्बन्धमा बुझ्न प्रोत्साहन गर्नुहुन्छ (सिद्धान्त र करार ८८:७९; ९३:५३ हेर्नुहोस्) तर सत्यको खोजीमा, हामीले परमेश्वरतर्फ हेर्नु पर्छ, जसले “सबै विषयहरू बुझ्नुहुन्छ र सबै विषयहरू उहाँका अगाडि छन्, … र उहाँ सबै विषयहरू भन्दा माथि हुनुहुन्छ, …र सबै उहाँद्वारा छन् र उहाँबाट हुन्,” (सिद्धान्त र करार ८८:४१) ।

परमेश्वरले हामीलाई दिनुभएका सत्यताहरू मध्ये, पृथ्वीमा हाम्रो जीवनका लागि सबैभन्दा आधारभूत विषयहरू मध्येको एक उहाँ स्वर्गका हाम्रा पिता हुनुहुन्छ भन्ने हो । हामी उहाँका आत्मिक छोराहरू र छोरीहरू हौँ । उहाँले हामीलाई पूर्ण रूपमा चिन्नुहुन्छ र प्रेम गर्नुहुन्छ । अनि उहाँका आत्मिक सन्ततिका रूपमा, हामीसँग दैवी प्रकृति र गन्तव्य छ । यी अनन्त सत्यहरूलाई बुझ्नाले र अनुसरण गर्नाले हामीलाई पहिचान, मूल्य र उद्देश्य प्रदान गर्छ जसले हामीलाई हाम्रो यस पूर्वको जीवनमा आशीषित र मार्गदर्शन गर्यो र अहिले अनि सदाका लागि निरन्तर रूपमा गरिरहने छ ।

प्रारम्भमा हामी पितासँग थियौँ

जब हामी विषयवस्तुहरूको सत्यता “जस्तो थियो” त्यस्तै रूपमा खोज्छौँ, तब हामी हाम्रा मुक्तिदाता, येशू ख्रीष्टबाट यी वचनहरू पत्ता लगाउँछौं: “अनि अब, साच्चैँ नै म तिमीहरूलाई भन्छु, म प्रारम्भमा पितासँग थिएँ र म सर्वप्रथम जन्मेको हुँ,” र “तिमीहरू पनि प्रारम्भमा पितासँग थियौ” (सिद्धान्त र करार ९३:२१, २३) ।

पृथ्वीको हाम्रो जीवनपूर्व, हामी स्वर्गमा एक परिषद् मा उपस्थित भयौँ जहाँ स्वर्गका हाम्रा पिताले खुसीको आफ्नो महान् योजना प्रस्तुत गर्नुभयो । उहाँको योजनाका लागि परमेश्वरको प्रेरणा भनेको हामीलाई “उहाँ समान अगाडि बढ्ने सौभाग्य प्रदान गर्नु हो [र] … उहाँसँग उच्च पारिनु हो” भनेर अगमवक्ता जोसेफ स्मिथले सिकाउनुभयो । उहाँको कार्य र महिमा “मानिसका लागि अमरता र अनन्त जीवन ल्याउनु” हो (मोशा १:३९) ।

हामीले हाम्रो छनोटको स्वतन्त्रता प्रयोग गर्‍यौँ र स्वर्गका पिताको योजना पालना गर्न छनोट गर्‍यौँ । हामी यस जीवनमा जन्मन पाउँदा धन्य भएका छौँ जहाँ हामीसँग छनोटको स्वतन्त्रता छ र हामी मरणशीलताको अनुभव गर्न, सिक्न र अनन्त जीवनतर्फ प्रगति गर्न सक्छौँ ।

हाम्रो मरणशील यात्राका क्रममा, हामीले चुनौतीहरू र अवरोधहरू अनुभव गर्ने छौँ । परन्तु हामीले जीवनका कठिनाइहरूको सामना एक्लै गर्नु आवश्यक छैन । जोसेफ स्मिथले सिकाउनुभयो कि स्वर्गका पिता, “ब्रह्माण्डका महान् अभिभावक[,] ले सम्पूर्ण मानव परिवारलाई पितातुल्य हेरचाह र पितृत्वको सम्मानले हेर्नुहुन्छ ।”

हाम्रा स्वर्गका पिता, “कृपाका पिता र सम्पूर्ण सान्त्वनाका परमेश्वर,” ले हामीलाई आशीर्वाद दिनुहुने छ, हामीलाई उठाउनुहुने छ र “हाम्रा सबै सङ्कष्टमा सान्त्वना दिनुहुने छ ताकि हामी कुनै पनि समस्यामा परेकाहरूलाई सान्त्वना दिन सक्छौँ जुन सान्त्वना परमेश्वरबाट हामीले प्राप्त गरेका छौँ” (२ कोरिन्थी १:३-४) । उहाँको योजनाको एक आवश्यक अंशका रूपमा स्वर्गका पिताले हामीलाई उहाँकहाँ फर्कने मार्ग प्रदान गर्नुभएको छ ।

हाम्रा पिताकहाँ जाने मार्ग

“विषयवस्तुहरू वास्तवमा जस्ता छन् त्यस्तै” (याकूब ४:१३) मा सत्यता स्पष्ट हुन्छ: हामी एक्लै हाम्रा स्वर्गका पिताका सन्ततिका रूपमा हाम्रो पूर्ण क्षमतामा पुग्न सक्दैनौँ । आत्मामा पिताका जेष्ठ सन्तति येशू ख्रीष्टले हाम्रा मुक्तिदाता र उद्धारकर्ता हुन करार गर्नुभयो ।

“पिताका जन्माइएका एक मात्रको महिमाका रूपमा, अनुग्रह र सत्यताले भरिएको, सत्यको आत्मा समेत, … जो आएर शरीरमा वास गर्नुभयो र हामी बीचमा वास गर्नुभयो ।” (सिद्धान्त र करार ९३:११) । उहाँ हामीलाई यस जीवन र अनन्ततामा खुसी, जीवनको अर्थ र आनन्द प्राप्त गर्नका लागि मार्ग प्रदर्शन गर्नका लागि आउनुभयो ।

“किनकि परमेश्वरले संसारलाई यस्तो प्रेम गर्नुभयो, कि उहाँले आफ्ना एकमात्र पुत्र दिनुभयो ताकि उहाँमाथि विश्वास गर्ने कोही पनि नाश नहोस् तर त्यसले अनन्त जीवन पाओस्‌ ।

“किनकि परमेश्वरले संसारलाई दोषी ठहर्याउन भनी उहाँका पुत्रलाई संसारमा पठाउनुभएन; तर संसार उहाँद्वारा बाँचोस्‌ भनेर पठाउनुभयो (यूहन्ना ३:१६-१७) ।

मुक्तिदाताको भौतिक अनुभव महत्त्वपूर्ण छ । उहाँले “सुरुमा परिपूर्णता प्राप्त गर्नुभएन तर अनुग्रहका लागि अनुग्रह प्राप्त गर्नुभयो;” (सिद्धान्त र करार ९३:१२) । उहाँ “पिताको महिमाको परिपूर्णता” र “स्वर्ग र पृथ्वी दुबैमा सबै शक्ति प्राप्त नगर्नुहुँदासम्म” हुर्कनुभयो र पिताको महिमा उहाँसँग थियो किनकि पिता उहाँमा वास गर्नुभयो” (सिद्धान्त र करार ९३:१६-१७) । मुक्तिदाताले सिकाउनुभयो:

“म तिमीहरूलाई यी वचनहरू दिन्छु ताकि तिमीहरूले बुझ्न र आराधना गर्ने तरिका बुझ्न सक्षम हुन सक्छौ र तिमीहरूले के आराधना गर्छौ भनेर जान्न सक्षम हुन सक्छौ ताकि तिमीहरू मेरो नाममा पिताकहाँ आउन सक्षम हुन सक्छौ र उचित समयमा उहाँको परिपूर्णता प्राप्त गर्न सक्षम हुन सक्छौ ।

“किनकि यदि तिमीहरूले मेरा आज्ञाहरू पालना गर्‍यौ भने तिमीहरूले उहाँको परिपूर्णता प्राप्त गर्ने छौ र म पितामा भए जस्तै ममा महिमित हुने छौ; त्यसकारण, म तिमीहरूलाई भन्छु, तिमीहरूले अनुग्रहका लागि अनुग्रह प्राप्त गर्ने छौ ।” (सिद्धान्त र करार ९३:१९-२०) ।

गेतसेमनेको बगैँचामा र क्रूसमा, येशू ख्रीष्टले संसारका पापहरू आफूस्वयम् मा लिनुभयो र सबै दु:खहरू र “पीडाहरू, कष्टहरू र सबै प्रकारका प्रलोभनहरू” सहनुभयो (अल्मा ७:११) । यसले “[उहाँलाई], … सबै भन्दा महान्, पीडाका कारणले कपायो र हरेक प्वालबाट रगत बग्यो” (सिद्धान्त र करार १९:१८) । येशू ख्रीष्ट र उहाँको प्रायश्चित र पुनरुत्थानका माध्यमद्वारा मात्र मुक्ति र उत्कर्ष सम्भव छ ।

मुक्तिदाताको अनुग्रह र प्रायश्चितको बलिदानका माध्यमद्वारा, हामी पूर्णता प्राप्त नगरेसम्म उन्नति गर्न सक्छौँ र कुनै दिन पूर्णतामा पुग्न सक्छौँ । यदि हामी मुक्तिदाताको उदाहरण अनुसरण गर्छौँ र उहाँका आज्ञाहरू पालना गर्छौँ भने, उहाँले हामीलाई स्वर्गमा हाम्रा पिताको महिमित उपस्थितिमा फर्कने मार्गमा अगुवाइ र मार्गदर्शन गर्नुहुने छ ।

Christ on the Road to Jerusalem(यरुशलेमको मार्गमा ख्रीष्ट), माइकल कोलम्यानद्वारा, प्रतिलिपि गर्न नहुने

के तपाईंले उहाँको उपहार प्राप्त गर्नुहुने छ ?

सत्यताका माझमा “विषयवस्तुहरू वास्तवमा जस्ता छन् त्यस्तै हुने छन्” (याकूब ४:१३), अनन्तकालको हाम्रो अनुभव येशू ख्रीष्टलाई अनुसरण गर्ने र उहाँले दिनुहुने उपहारहरू ग्रहण गर्ने हाम्रो छनोटद्वारा निर्धारण गरिने छ भनेर हामी सिक्छौँ । “[हामी]ले प्राप्त गर्ने चाहना गरेका चीजमा हामीले आनन्द लिने छौँ” भनेर धर्मशास्त्रहरूले सिकाउँछन् ।” दुर्भाग्यवश, कसै-कसैले उहाँहरूले प्राप्त गर्नुभएका चीजहरूमा आनन्द लिन इच्छुक हुने छैनन्” (सिद्धान्त र करार ८८:३२) ।

मेरा सुसमाचार प्रचार क्षेत्राध्यक्ष, एल्डर मेरियन डी. ह्यान्क्स (१९२१-२०११), जसले सत्तरी साधारण अधिकारीका रूपमा सेवा गर्नुभयो, हाम्रो आध्यात्मिक यात्रामा हामी कहाँ छौँ भनेर मूल्याङ्क गर्ने तरिका भनेको हामी जे प्राप्त गर्न र आनन्द लिन इच्छुक छौँ त्यो माग्नु हो भनेर उहाँले आफ्ना सुसमाचार प्रचारकहरूलाई सिकाउनुभयो । “किनकि मानिसलाई उपहार दिइयो र उसले त्यो उपहार ग्रहण गरेन भने के लाभ हुन्छ ?” जब हामी उहाँलाई गम्भीरतापूर्वक खोजेर र अनुसरण गरेर मुक्तिदाताका उपहारहरू प्राप्त गर्छौँ, हामी अनन्त जीवनको आशामा र “उहाँमा जो [त्यो] उपहार दाता हुनुहुन्छ” उहाँमा आनन्दित हुने छौँ (सिद्धान्त र करार ८८:३३) । यति प्रिय रूपमा दिइएको यो उपहार “परमेश्वरका सबै भन्दा उत्तम उपहारहरूमध्ये सबैभन्दा महान् उपहार हो” (सिद्धान्त र करार १४:७) ।

परमेश्वर हाम्रा स्वर्गका पिता हुनुहुन्छ । उहाँले हामीलाई चिन्नुहुन्छ र प्रेम गर्नुहुन्छ । जब हामी सत्यको खोजीमा उहाँतर्फ फर्कन्छौँ, हामी बुद्धिमानी हुन सक्छौँ, ज्ञान प्राप्त गर्न सक्छौँ, सत्यलाई अँगाल्न सक्छौँ, सद्गुणलाई प्रेम गर्न सक्छौँ र उहाँबाट आउने प्रकाशमा समाहित हुन सक्छौँ (सिद्धान्त र करार ८८:४० हेर्नुहोस्) । त्यसपछि हामी हाम्रो जीवनभर “त्यो दिन नआउँदासम्म” निरन्तरता दिन्छौँ जब [हामी]ले उहाँमा र उहाँद्वारा जीवित पारिँदै परमेश्वरलाई बुझ्ने छौँ” (सिद्धान्त र करार ८८:४९) ।

त्यो सबैभन्दा महिमित र प्रसन्नतापूर्ण दिन हुने छ ।