በወንጌል ጉዞአችሁ ውስጥ ሃሴትን ፈልጉ።

ኢየሱስ ክርስቶስ በጆሴፍ ስሚዝ አማካይነት ወንጌሉን ዳግም በመመለሱ፣ “ስለህይወት ዓላማ፣ ስለማንነታችን ግንዛቤ አለን፣” በማለት ፕሬዘዳንት ኤም ራሰል ባላርድ ገልጸዋል (1928-2023 እ.አ.አ)። በዚያን ወቅት የአስራሁለቱ ሃዋርያት ቡድን ተጠባባቂ ፕሬዘዳንት የነበሩት ፕሬዘዳንት ባላርድ፣ ለቤተክርስቲያን ባደረጉት የመጨረሻ ምስክርነት እንዲህ ብለዋል፦

“በልጅነቱ ወደ ዛፎች ቁጥቋጦ በመግባት፣ ለኃጢአቱ ይቅርታን ፈልጎ በነበረው …በጆሴፍ ምክንያት እግዚአብሔር ማን እንደሆነ እናውቃለን፤ አዳኙ ማን እንደሆነ እናውቃለን፣

“እንደብዙዎቻችሁ፣ ስለ ህይወታችን አላማ፣ ለምን እዚህ እንዳለን፣ በዕለት ተዕለት ህይወታችን ውስጥ ምን ለማድረግ እና ለማከናወን መሞከር እንዳለብን የምናውቀውን በማወቃችን ያን ያህል በመባረካችን እገረማለሁ።”

ለኋለኛው ቀን ቅዱሳን የኢየሱስ ክርስቶስ ቤተክርስቲያን አባላት፣ ያ እውቀት የእግዚአብሄርን “ፍጹም” የደህንነት እቅድ መረዳትን ያካትታል። “ታላቁ የደስታ እቅድ፣” “የቤዛነት እቅድ፣” እና “የምህረት እቅድ” (አልማ 42፥8፣ 11፣ 15) በመባልም ይታወቃል፣ ይህም “ከህይወት ውስጥ ሚስጥርን እና ከወደፊታችን ውስጥ ደግሞ እርግጠኛ አለመሆንን የሚያስወጣ ነው።” የህይወት ዓላማ ማእከል የሆነው “የክርስቶስ ትምህርት፣” ለዚያ እቅድ አስፈላጊ ነው።

ወንጌል ያለን በመሆኑ ምክንያት፣ ልንፈተን፣ ልንቀረጽ፣ እና “በበጉ ድል እና ክብር አማካይነት በሙታን ትንሳኤ ወደ ፊት ለመምጣት” እየተዘጋጀን ያለን የእግዚአብሔር ልጆች እንደሆንን እናውቃለን (ትምህርት እና ቃልኪዳኖች 76፥39)። እኛ ትእዛዛቱን እናውቃለን እናም “መልካሙን ከክፉ በበቂ ሁኔታ ለይተን እንድናውቅ” ትምህርት ተሠጥቶናል (2ኛ ኔፊ 2፥5)። እኛ በምድር ላይ ያለነው ለመውደድ እና ለማገልገል እንደሆነ እናውቃለን። እንዲሁም ለዳግም ምጽዓቱ ለመዘጋጀት ዓለምን እንድናሸንፍ እና ሌሎችም ይህንኑ እንዲያደርጉ ለመርዳት አዳኙ የጠራን እንደሆንን እናውቃለን (ዮሐንስ 16፥33፣ ትምህርት እና ቃልኪዳኖች 64፥2) ።

በእርሱ ላይ ትኩረትን ባደረግን ጊዜ፣ ጆሴፍ ስሚዝ እንዳለው “የጌታችን የኢየሱስ ክርስቶስ ወንጌል የደስታ ድምጽ” በአስቸጋሪ ቀናት ያበረታናል እንዲሁም ወደ ህይወታችን እና ወደ ሌሎችም ህይወት ትርጉምን እና ዓላማን ያመጣል።

ጉልበት ሁሉ ይንበረከካል፣ በዳን ዊልሰን፣ ለቅጂ ያልሆነ

ታዛዥነት፣ በረከቶች፣ ሃሴት

እግዚአብሔር በምናደርጋቸው ምርጫዎች ተጠያቂ እንሆን ዘንድ የሞራል ነጻነት ሰጥቶናል ( ትምህርት እና ቃልኪዳኖች 101፥78; 2ኛ ኔፊ 2፥16 ተመልከቱ)። “ለሁሉ ነገሮች ተቃራኒ የመኖር አስፈላጊነት” ክፍል በመሆን (2ኛ ኔፊ 2፥11)፣ ሰይጣን ነጻነታችንን በአግባቡ እንዳንጠቀም እንዲፈትነን ተፈቅዶለታል።

ነገር ግን ጌታ ኢየሱስ ክርስቶስ “በምድር ነዎሪዎች ላይ የሚመጣውን መቅሰፍት በማወ[ቁ]” በዘመናችን ጆሴፍ ስሚዝ ዳግማዊን ጠራ[ው] እናም “ከሰማይም ተናገ[ረው] እንዲሁም ትእዛዛትን ሰጠ[ው]” (ትምህርት እና ቃልኪዳኖች 1፥17)። ጌታም ትእዛዛቶቹን እና ፈቃዱን ለነቢያቱ የገለጸባቸው ያ ንድፍ ለተመሳሳይ ምክንያት ዛሬም በእኛ ጊዜ በፕሬዘዳንት ራሰል ኤም ኔልሰን ይቀጥላል። እግዚአብሔር በዚህ ህይወት ወደ ደስታ እንዲሁም በሚቀጥለው ህይወት ወደሰለስቲያል ክብር ሊመራን ይወዳል።

ለእግዚአብሄር ትእዛዝት መታዘዝ ለእርሱ ካለን መሰጠት እና ፍቅር የሚመነጭ መሆን አለበት። ጌታ ኢየሱስ ክርስቶስ እራሱ እግዚአብሔርን መውደድ ‘’የመጀመሪያይቱ እና ታላቂቱ ትእዛዝ’’ እንደሆነች አውጇል (ማቴዎስ 22፥37-38 ተመልከቱ)። “ብትወዱኝ ትእዛዜን ጠብቁ” በማለት ሲያውጅ ተጨማሪ ሃሳብን ሰጥቷል (ዮሐንስ 14፥15)።

ጌታን በመውደድ እና ትእዛዛቱን በመጠበቅ በጎ ምላሽ አለ። በዚህ ዘመን “ሁሉም በረከቶች የሚመረኮዙበት በሰማያት ውስጥ ሊሻር የማይችል የታወጀ ህግ አለ—

“እና የትኛውንም ዓይነት በረከት ከእግዚአብሔር ስናገኝ፣ ሁሉም ነገር ለተመረኮዘበት ለዚያ ህግ ታዛዥ በመሆን ነው”(ትምህርት እና ቃልኪዳኖች 130፥20–21)።

ስለዚህ፣ ትእዛዛቱን በመጠበቅ ለጌታ ፍቅራችንን የማሣየት የመጨረሻው ውጤት ደስታን እና ሃሴትን የሚያመጡ በረከቶች ናቸው።

ህይወትን ዳግም በተመለሰው ወንጌል እና በዘመኑ ራዕይ መነጽር ውስጥ ማየት የጠራ እይታን ይሰጠናል። ከመለኮታዊ መገኛችን እና እጣ ፈንታችን የጠራ እይታ ጋር፣ “ዋናዎቹ ምድራዊ ህይወታችንን ሊሆን የሚችለውን ያህል ከሁሉ የተሻለ የሚያደርጉ ነገሮች ሁሉ ህይወታችንን በዘለአለምም የተሻለ የሚያደርጉት ተመሳሳይ ነገሮች እንደሆኑ!” እናውቃለን።

በጃፓን አዲስ አባል ከነበረ ግለሠብ ጋር ከዓመታት በፊት የነበረ ልምዴን በማስታወስ ከጀመርኩበት እጨርሳለሁ። በእርሱ ታታሪነት እና በሚስዮናውያን እንዲሁም በአባላት ታታሪነትም ጭምር፣ ዳግም የተመለሰውን የኢየሱስ ክርስቶስን ወንጌል አግኝቷል። ወንጌሉን በማግኘቱ፣ ራዕዩን ያሰፋለትን ዓላማውንም እንዲሁ ሊያገኝ ችሏል። ታላቁን የደስታ እቅድም አግኝቷል። ለእቅዱ የወንጌል ቃልኪዳኖች መታዘዝ፣ በሥጋዊ እና በመንፈሳዊ የሚያነሳሡ በረከቶችን እና ሃሴትን አምጥቶለታል።

ወደ ኋለኛው ቀን ቅዱሳን የኢየሱስ ክርስቶስ ቤተክርስቲያን የመራው ጉዞ የኢየሱስ ክርስቶስ ምስክር እንዲሆን አስችሎታል። የአስራ ሁለቱ ሃዋርያት ቡድን አባል የሆኑት ሽማግሌ ፓትሪክ ኬሮን ተከትሎ የሚመጣውን ሃሴት እንዲህ ይገልጹታል፦

“የሰማይ አባታችን ለእያንዳንዱ ልጆቹ ባለው የፍቅር ዕቅድ እንዲሁም በአዳኛችን በኢየሱስ ክርስቶስ የቤዛነት ህይወት እና ተልዕኮ የተነሣ በምድር ላይ እጅግ ደስተኞቹ ሰዎች ለመሆን እንችላለን —እንዲሁም መሆን— አለብን! ብዙ ጊዜ መከራ በበዛበት ዓለም ውስጥ ያሉ አስቸጋሪ የህይወት ፈተናዎች ጥልቅ ተፅዕኖ ሲያሳድሩብንም እንኳን፣ በክርስቶስ ምክንያት ባለን ተስፋ እና መልካም በሆነው የደሥታ ዕቅድ ውስጥ ያለንን የራሣችንን ቦታ በማወቃችን ምክንያት እያደገ የሚሄድ እንዲሁም ዘላቂ የሆነ የደስታ ሥሜትን እና ውስጣዊ ሠላምን ማዳበር እንችላለን።”

በውስጡ በጥልቀት ተሳስሮ ስላለው ስለታላቁ የደስታ እቅድ ጨምሮ፣ ዳግም ስለተመለሰው የኢየሱስ ክርስቶስ ወንጌል እና ለዚያም ስላለኝ ምስክርነት ምስጋናዬን አቀርባለሁ። ወደዘለአለም ህይወት በምታደርጉት ጉዞ ላይ የወንጌልን ፍሬዎች እንድትመገቡ እና በዚህ ህይወት ይበጥል ሃሴት እንድታደርጉ እጋብዛችኋለሁ።