ස්වාමින් වහන්සේගේ ශ්රේෂ්ඨ කාර්යය සහ අපගේ ශ්රේෂ්ඨ අවස්ථාව

2004 දී පළමු මාගේ ශුභාරංචිය දේශනා කරන්න සංස්කරණය හඳුන්වා දුන් විට, සහ නැවත දෙවන සංස්කරණය 2023 දී නිකුත් කරන විට සභාවේ ධර්මදූත දෙපාර්තමේන්තුවේ පැවරුමක සිටීමට මට වරප්රසාදයක් ලැබුණි. මට විශ්වාසයි මාගේ ශුභාරංචිය දේශනා කරන්න ගැඹුරු ආකාරයකින් ධර්මදූත කාර්යයට ආශීර්වාද කර ඇති බව.

නවමාගේ ශුභාරංචිය දේශනා කරන්න තුළ 2004 සිට අප ඉගෙන ගෙන ඇති සෑම දෙයක්ම, පළමු සභාපතිත්වයේ සෑම සාමාජිකයෙකුගෙන්ම සහ අපොස්තුළුවරුන් දොළොස්දෙනාගේ ගණපූර්ණයේ දේවානුභාවයේ මඟ පෙන්වීම් සහ ඩිජිටල් යුගයක ශුභාරංචිය බෙදා ගැනීම සඳහා කරන ලද වෙනස්කම් ඇතුළත් වේ. මෙම වෙනස්කම් වලින් සමහරක් සැලකිය යුතු සාර්ථකත්වයක් ලබා ඇත.

“ආදරය, බෙදාගැනීම, ආරාධනා කිරීම” යන මූලධර්ම හරහා සරල, සාමාන්ය හා ස්වාභාවික ආකාරවලින් ශුභාරංචිය බෙදා ගැනීම රාජ්යයට බෙහෙවින් ආශීර්වාද කරන බව අපි සොයා ගෙන ඇත්තෙමු. යේසුස් ක්රිස්තුස්වහන්සේ මෙලොව ජීවත් වූ විට මේ ආකාරයෙන් ශුභාරංචිය බෙදාගත් සේක. උන්වහන්සේ තම ජීවිතය සහ උන්වහන්සේගේ ප්රේමය බෙදාගත් අතර උන්වහන්සේ වෙතට පැමිණෙන ලෙස සියලු දෙනාට ආරාධනා කළ සේක (මතෙව් 11:28බලන්න). උන්වහන්සේ කළ පරිදි ආදරය කිරීම, බෙදා ගැනීම සහ ආරාධනා කිරීම සභාවේ සෑම සාමාජිකයෙකුටම විශේෂ ආශීර්වාදයක් සහ වගකීමකි.

ගෙත්සෙමනි උයනේ සහ කුරුසිය මත, යේසුස් ක්රිස්තුස්වහන්සේ ලෝකයේ පව් තමන් මතට ගෙන සියලු දුක් කම්කටොලු විඳ සහ “සියලු ආකාරයේ වේදනාවන් හා පීඩාවන්ද සහ පරීක්ෂාවන්ද” විඳවූ සේක(අල්මා 7:11). මෙම මහගු හා අපිරිමිත වේදනා ව … “සියල්ලන්ගෙන්ම ශ්‍රේෂ්ඨ වූ,… [උන්වහන්සේ හට] … වේදනාව නිසා වෙව්ලන්නට සහ සෑම රෝම කූපයකින්ම ලේ ගැලීමට සැලැස්වූ සේක” (දහම සහ ගිවිසුම් 19:18). යේසුස් ක්රිස්තුස්වහන්සේ උන්වහන්සේගේ වන්දිගෙවීම හා නැවත නැගිටුවීම තුළින් සියලු දෙනාටම ගැළවීම හා උත්කර්ෂයට නැංවීම හැකි කළ සේක.

ගැලවුම්කරුවාණන් වහන්සේ වෙතට හැරී උන්වහන්සේ අප වෙනුවෙන් කළ සියල්ල මෙනෙහි කිරීම අප තුළ උන්වහන්සේ කෙරෙහි ප්රේමයෙන් පිරුණු හදවතක් ඇති කරයි. එවිට උන්වහන්සේ අපගේ හදවත් අන් අය දෙසට හරවා ඔවුන්ට ප්රේම කරන ලෙස අපට අණ කරයි(යොහන් 13:34-35 බලන්න) සහ උන්වහන්සේගේ ශුභාරංචිය ඔවුන් සමඟ බෙදා ගැනීමට (මතෙව් 28:19;මාර්ක් 16:15බලන්න). අප අවට සිටින අයට අප සැබවින්ම ආදරය කරන බව සහ ඔවුන් ගැන සැලකිලිමත් වන බව දැනිය හැකි නම්, ඔවුන් බොහෝ විට අපගේ පණිවිඩ වලට ඔවුන්ගේ හදවත් විවෘත කරනු ඇත, ලමොනි රජු අම්මොන්ගේ ආදරය හා සේවය නිසා ශුභාරංචිය ලබා ගැනීම සඳහා ඔහුගේ හදවත විවෘත කළාක් මෙන් (ඇල්මා 17–19 බලන්න).

අපි ශුභාරංචිය බෙදා ගන්නා විට, අපි ආදරයෙන් ආරම්භ කරමු. අප ආදරයෙන් අන් අය වෙත ළඟා වන විට— ඔවුන් අපගේ සහෝදර සහෝදරියන් සහ අපගේ ස්වර්ගීය පියාණන්ගේ ආදරණීය දරුවන් බව මතක තබා ගනිමින්—සත්ය යැයි අප දන්නා දේ බෙදා ගැනීමට අපට අවස්ථා විවෘත වනු ඇත.

සභාපති රසල් එම්. බැලාර්ඩ් (1928-2023) තරම් ශුභාරංචිය බෙදා ගැනීමට කිසිවෙකු කැප නොවීය. ඔහුගේ අවසන් මහා සම්මන්ත්‍රණ දේශනයේදී ඔහු සාක්ෂි දෙමින්,මේ ලෝකයේ ඕනෑම කෙනෙකුට දැනගත හැකි වඩාත්ම තේජාන්විත හා පුදුමාකාර දෙයක් [නම්], අපගේ ස්වර්ගීය පියාණන් සහ ස්වාමීන් වන යේසුස් ක්‍රිස්තුස් වහන්සේ මේ අවසාන දිනයේ දී තමන්ව එලිදරව් කර ඇති බවත්,යේසුස් ක්‍රිස්තුස්වහන්සේගේ සදාකාලික ශුභාරංචිය නැවත පිහිටුවීමට ජෝසෆ් [ස්මිත්]ව තෝරාගෙන ඇති බවත් ය.

ඔහුගේ ජීවිත කාලය පුරාම, සහ ලෝකයේ බොහෝ තැන් පුරා, සභාපති බැලාර්ඩ් මෙම වටිනා පණිවුඩය සෑම කෙනෙකු සමඟම බෙදා ගැනීමට උවමනාවෙන් නිරත විය. එසේ කිරීමට ඔහු අපව ද උනන්දු කළේය. “යහපත් අසල්වැසියන් වීමෙන් සහ රැක බලා ගැනීමෙන් හා ආදරය පෙන්වීමෙන්” අපි ශුභාරංචිය බෙදා ගන්නා බව ඔහු ඉගැන්වීය. එසේ කිරීමෙන්, අපි “අපගේම ජීවිත වල ශුභාරංචිය විහිදුවා, සහ … ශුභාරංචිය මඟින් [අන් අයට] ලබා දිය හැකි ආශීර්වාද විහිදුවමු.” තවද “[අප] දන්නා සහවිශ්වාස කරන දේසහ [අපට]හැඟෙනදේ පිළිබද සාක්ෂි දරන්න.” “නිර්මල සාක්ෂියක් … පැමිණෙන්නේ වෙනස් වූ හදවතකින් වන අතර එය ලැබීමට විවෘතව සිටින අනෙක් අයගේ හදවත් තුළට ශුද්ධාත්මයාණන්ගේ බලයෙන් එය රැගෙන යන්න පුළුවන්,”සභාපති බැලාර්ඩ් ඉගැන්විය.

යේසුස් ක්රිස්තුස්වහන්සේගේ නැවත පිහිටුවන ලද ශුභාරංචිය බෙදා ගැනීම සභාපති බැලාර්ඩ්ගේ හදවතේ විශාලතම ආශාව විය. වචනයෙන් හා ක්රියාවෙන්—ඔහු මෙන්—ශුභාරංචිය බෙදා ගැනීමේදී අපට උනන්දුවෙන් නිරත විය හැකිය. අප අතර සිටි අයගෙන් ශුභාරංචියේ ආලෝකය සොයන නමුත් එය සොයා ගත යුත්තේ කොතැනින්දැයි නොදන්නා කවුරුන් සිටීද අපි කිසි විටෙකත් නොදනිමු (දහම සහ ගිවිසුම් 123:12 බලන්න).

හෘදයාංගම ආරාධනා ලබා දෙයි

අන් අයට ක්රිස්තුස් වහන්සේ වෙතට පැමිණීමට උපකාර කිරීමේදී, ගැලවුම්කරුවාණන් සහ උන්වහන්සේගේ ශුභාරංචිය ගෙනදෙන ප්රීතිය අත්විඳීමට අපි ඔවුන්ට ආරාධනා කරමු. ක්රියාකාරකමකට පැමිණීමට, මෝර්මන්ගේ පොත කියවීමට හෝ ධර්මදූතයන් හමුවීමට ඔවුන්ට ආරාධනා කිරීමෙන් අපට මෙය කළ හැකිය. අප සමඟ සක්රමේන්තු රැස්වීමට සහභාගී වන ලෙස ඔවුන්ට හෘදයාංගම ආරාධනයක් ද ලබා දිය හැකිය.

අපි සෑම සතියකම සක්රමේන්තු රැස්වීමට සහභාගී වන්නේ “දෙවියන්වහන්සේට නමස්කාර කිරීම සහ යේසුස් ක්රිස්තුස්වහන්සේ සහ උන්වහන්සේගේ වන්දි ගෙවීම සිහිපත් කිරීම සඳහා සක්රමේන්තුවට සහභාගී වීමයි.” මිනිසුන්ට ආත්මයාණන්වහන්සේ දැනීමට, ගැලවුම්කරුවාණන්ට සමීප වීමට සහ උන්වහන්සේ කෙරෙහි ඔවුන්ගේ ඇදහිල්ල ශක්තිමත් කිරීමට මෙය සුදුසු කාලයකි.

අපි ආදරය කිරීමට, බෙදා ගැනීමට සහ ආරාධනා කිරීමට ක්රම සොයන විට, අපගේ සැලසුම් කිරීම සහ උත්සාහයන් සක්රමේන්තු රැස්වීමට සහභාගී වීමට මිනිසුන්ට උපකාර කිරීම ඇතුළත් විය යුතුය. ඔවුන් අපගේ ආරාධනය පිළිගෙන සක්රමේන්තු රැස්වීමට සහභාගී වන්නේ නම්, ඔවුන් බව්තීස්මය හා හැරීමේ මාවතේ දිගටම යාමට වැඩි ඉඩක් ඇත. සක්රමේන්තු රැස්වීමට සහභාගී වීමට අන් අයට ආරාධනා කරන අතර එසේ කිරීමෙන් ඔවුන්ට ලැබිය හැකි ආශීර්වාද හඳුනා ගැනීමට උපකාරී වන බැවින් විශාල සාර්ථකත්වයක් ලැබෙනු ඇතැයි මම මගේ මුළු හදවතින්ම විශ්වාස කරමි.

අපි ආදරය කිරීමට, බෙදා ගැනීමට සහ ආරාධනා කිරීමට ක්රම සොයන විට, අපට ඇති සාර්ථකත්වයන් සහ අභියෝග මොනවාදැයි අපි කිසි විටෙකත් නොදනිමු. මොසායාගේ පුත්රයින් “නගරයෙන් නගරයට පෙරට ගියහ, නමස්කාර ගෘහයෙන් අනෙකට, …ලාමාවරුන් අතර දේශය මුළුල්ලේම, දෙවියන් වහන්සේගේ වචනය ඔවුන් අතර දේශනා කරමින්ද, උගන්වමින්ද; තවද මෙසේ ඔවුහු බලවත් සාර්ථකත්වයක් ලැබීමට පටන් ගත්හ.” තවද, ඔවුන්ගේ උත්සහයෙන්, “දහස්ගණනක් ස්වාමින් වහන්සේ දැනගැනීමට ගෙනඑනු ලැබුවෝය,” සහ බොහෝ “දෙනෙකුව හරවනු ලැබ … [සහ] කවදාවත් ඉවතට වැටුණේ නැත”(ඇල්මා 23:4-6)

මෙය සැමවිටම අපගේ අත්දැකීම් නොවනු ඇතත්, සෑම ආත්මයක්ම උන්වහන්සේට වටිනා බැවින් එතුමන් අප සමඟ වැඩ කරන බවට ස්වාමින් වහන්සේ පොරොන්දු වී ඇත. අප ස්වාමින් වහන්සේ කෙරෙහි අපගේ විශ්වාසය තබා උන්වහන්සේගේ සේවයෙහි යෙදෙන විට, අන් අයට ප්රේම කිරීමෙන්, අපගේ ජීවිත සහ සාක්ෂි ඔවුන් සමඟ බෙදා ගැනීමෙන් සහ උන්වහන්සේ අනුගමනය කිරීමට අප සමඟ එක්වන ලෙස ආරාධනා කිරීමෙන් උන්වහන්සේගේ ශුභාරංචිය අන් අය සමඟ බෙදා ගන්නේ කෙසේද යන්න පිළිබඳව උන්වහන්සේ අපට මඟ පෙන්වනු ඇත.

ස්වාමීන් වන යේසුස් ක්රිස්තුස්වහන්සේ වෙත ආත්මයන් ගෙන ඒමේ උතුම් කාර්යයට උපකාර කිරීමට අප අවට ඇති අවස්ථාවන් ලබා ගන්නා විට “[අපේගේ] ප්‍රීතිය කෙතරම් මහත් වන්නේද.”(දහම සහ ගිවිසුම් 18:15)