Ko Hono Manatua ʻo Palesiteni Sefilī R. Hōlaní

Naʻe fāʻeleʻi ia ʻi he ʻaho 3 ʻo Tīsema 1940, ʻi ʻIutā, USA.

Naʻá ne saiʻia ʻi he sipotí. ʻI he akó, naʻá ne kau ʻi he timi ʻakapulú, pasiketipoló, peisipoló, mo e lelé.

ʻI heʻene kei siʻí, naʻá ne ngāue ko ha tokotaha fetuku nusipepa, ko ha tokotaha ʻokú ne faʻo ʻa e fakatau ʻi he falekoloá, pea mo ha taha ngāue ʻi ha pausa.

Naʻe fakalotolahiʻi ia ʻe hono uaifi ʻi he kahaʻú, Petulisa Teuli, ke ʻalu ʻo ngāue fakafaifekau. Naʻá ne fili ke ʻalu! Naʻá ne ngāue ʻi ʻIngilani.

Naʻá ne mali mo Petulisa ʻi he Temipale St. George Utah ʻi he 1963. Naʻá na maʻu ha fānau ʻe toko 3.

Kimuʻa peá ne hoko ko ha ʻAposetoló, naʻá ne akoʻi ha ngaahi kalasi fakalotu. Naʻá ne hoko kimui ange ko e palesiteni ʻo BYU.

Naʻá ne saiʻia ʻi he laukongá. Naʻá ne tuku ha taimi ke ako ai ʻa e folofolá ʻi he ʻaho kotoa.

Naʻá ne poupouʻi ʻa e kāingalotú ke ʻoua te nau foʻi pea ke nau falala ki he ʻOtuá.