Ongoraean taekan Tenua Mimitongin Taabo ibukin te Moan Tai

Korotamnei iroun Annie Henrie Nader

Mwakoro 76 man Reirei ao Berita aika Tabu e kamataata kakawakin taraan te babaire ni kamaiu are e bua man te aonaaba inanon tain kitanakin te koaua. Ibukiia aomata aika mwaiti, reiakinan kaokan koaua aikai ibukin te moan tai bon te taneiai ae e na kakauringaaki. Aio bon te keiti ibukin Connie, te rairaki mai Richmond, Virginia, USA.

E ururing: “I a tia n taainako n noora ana tangira te Atua ngkana I wareka te Baibara, ma I tuai ni kunea te ekaretia teuana are e reireiia n te kawai ae I mataata iai. Ngke I karekea aia reirei mitinare iaon te babaire ni kamaiu, I namakina te rauakiraoi ao te rau n aron are I tuai namakinna mai mwaina. I iango inanou, ‘Anne bon Tamara are i Karawa ae I ataia.’’ Reiakinan taekan taabo aika mimitong e karabaaba au atatai are I aki kona n tautaua ingaingau n reiakinna ni mwaiti.”

Delphine, e rairaki mai Paris, Buranti, iai te kangaanga n aroia ana utu, ngaia ngke mitinare a reireiniia ana utu bwa a kona n ikotaki ni maeka n te abanuea ae te tiretio, e aki koaua raoi n tangira anne. Ngke mitinare a reitinako n reireinna taekan tenua mimitongin taabo, e ngae n anne, e bon kabebeteaki. E reiakinna are e na bon roko irarikiia koraki are e tangiriia ake a rineia n iriira te euangkerio. Ma te atatai ae tamaroa iaon te babaire ni kamaiu, e taku, “I kunea mwaitin riki etin, ao anne ae e kamwengaraoai.”