Wok long Save Long Em na Famili Bilong Em

Feit, Famili, Rilif

Rita Jeppeson na visiting tisa bilong em bin kamap gutpela poroman taim ol wok long visit na sherim ol as tingting bilong gospel. Tasol ol visit bilong tupela bin gat taim bilong pilai wantaim tu. Em i wanpela samting Rita bin save laikim long visiting tisa bilong em long wanem em i save olsem tupela ol poroman na visit bilong em i no bin long makim ‘sek ‘ lis bilong em tasol. I gat planti moa samting ol sista inap wokim long taim bilong visit, olsem go raun liklik wantaim o long kamautim sampela pipia long gaden taim ol pikinini wok long pilai i stap.

Elda Jeffrey R. Holland bilong ol Kwarom bilong ol Twelpela Aposol i tok, “Lukim yupela yet olsem ol wokman bilong Bikpela long ol pikinini bilong Em. … Yumi inap hop … olsem yupela bai kamapim wanpela taim bilong trupela lain, wari long hau ol memba putim gospel long laip bilong ol, was na lukaut long wanpela narapela, lukluk long ol nid bilong spirit na bodi long ol wei yupela inap halivim.”¹

Bikpela thru long Moses i bin tokim ol pikinini bilong Israel olsem “dispela meri yupela i no save long em we i stap wantaim yupela bai kam long yu olsem wanpela husat i bon namel long yupela, na yupela bai lavim [em] olsem yupela yet” (Leviticus 19:34). Ol dispela sista yumi save visit na tisim ol i ken stap olsem ol “meri yumi no save long ol” taim yumi statim sevis bilong yumi, tasol taim yumi wok long save moa long em na famili bilong em, laik bilong yumi bai go bikpela long “karim hevi bilong wanpela narapela, olsem bai ol dispela hevi inap kamap isi” na kamapim ol “lewa bilong yumi long kam bung wantaim na soim lav long wanpela narapela” (Mosiah 18:8, 21).

Reyna I.Aburto, Nambatu Kaunsela insait long Rilif Sosaiti Jenerol Presidensi, tingim bek taim em i bin lusim man bilong em na kamap wanpela nupela memba bilong Sios. “Ol visiting tisa bilong mi bin kam long hom bilong mi,” em i tok, “ na ol i bin bringim wanpela gutpela filing olsem mi bilong ol na lav long bel bilong mi.”²