Holim Em Long Tingting Olgeta Taim

Inap yu tingim tasol olsem profet Moroni wok long stap wantaim mi na wok long raitim ol laspela tok bilong Buk Momon antap long ol golden plet? Em bin stap em yet. Em i bin lukim nesen bilong em, ol pipol bilong em, na famili bilong em pundaun. Ples graun bin wok long lukim pait “kamap klostu klostu na nogat pinis bilong en” (Mormon 8:8). Tasol em i bin gat hop, long wanem em i bin lukim taim bilong yumi! Na long olgeta samting em i bin inap long raitim, em i askim yumi long holim long tingting (lukim Moroni 10:3).

Presiden Spencer W. Kimball (1895–1985) bin save laik stret long tis olsem impotent tok stret insait long dikseneri ating em long holim long tingting. Long wanem yumi bin mekim kavanen wantaim God, em i tok, “bikpela moa nid bilong yumi em long holim long tingting” ol dispela kavanen.¹

Yu inap painim dispela tok holim long tingting long olgeta hap long skripsa. Taim Nehpi i krosim ol brata bilong em, planti taim em i save askim ol long holim tok bilong Bikpela long tingting bilong ol na long holim long tingting hau God i bin seivim ol tubuna papa bilong ol (lukim 1 Nephi 15:11, 25; 17:40).

Long bikpela gutbai toktok bilong em, King Benjamin bin yusim tok holim long tingting sevenpla taim. Em bin hop olsem ol pipol bilong em bai holim long tingting “dispela bikpela moa bilong God … na gutpela pasin bilong em na pasin bilong weit isi isi bilong em” i go long ol (Mosiah 4:11; lukim tu 2:41; 4:28, 30; 5:11–12).

Taim Sevia bin kamapim sakramen, Em i bin askim ol disaipol bilong Em long kisim ol mak “long holim long tingting” sakripais bilong Em (Luke 22:19). Long olgeta sakramen preya yu na mi save harim, dispela tok olgeta taim go pas long dispela tok holim long tingting (lukim D&C 20:77, 79).

Toktok bilong mi em wanpela singaut, moa yet wanpela krai, long holim long tingting. Long hia em tripela tingting long wanem yu inap holim long tingting wanwan wik taim yu kisim ol sekret mak bilong sakramen. Mi hop olsem ol inap halivim yu, olsem ol i bin halivim mi.

Taim yu wok long lukluk gut long laip bilong yu long taim bilong odinens bilong sakramen, mi hop olsem tingting bilong yu i no stap tasol long ol samting yu bin mekim we i rong tasol tu long ol samting yu bin mekim we i rait—ol liklik taim yu bin pilim olsem Papa long Heven na Sevia bin hamamas long yu. Yu inap tu long kisim liklik taim insait long sakramen long askim God long halivim yu long lukim ol dispela samting. Sapos yu wokim dispela, mi promisim yu olsem bai yu pilim samting. Bai yu pilim hop.

Taim mi bin wokim dispela, Spirit bin givim mi gutpela tingting olsem taim mi wok long stap longwe long kamap nambawan tru, mi kamap gutpela tede moa long aste. Na dispela i givim mi bilip long gat tras olsem, bikos long Sevia, mi inap long kamap moa gutpela tumora.

Olgeta taim em i longpela taim, na em i min olsem bai yumi i mas givim planti lukluk klostu long en. Long save bilong yu yu save olsem em i hat long tingting tasol long wanpela samting olgeta taim. Tasol maski long hau yu save holim pas promis bilong yu long holim Em long tingting olgeta taim, Em bai olgeta taim holim yu long tingting bilong Em.

Sevia i save long ol salens bilong yu. Em i save hau yu bai pilim long gat olgeta wari bilong dispela laip i hevi antap long yu. Em i save hau yu bai kwiktaim nidim blesing we bai kam long olgeta taim yu holim Em long tingting bilong yu na harim tok bilong Em—“olsem [yu] inap olgeta taim i gat Spirit bilong em stap wantaim [yu]” (D&C 20:77; strongpela tok i stap).

Olsem na, Em i hamamas olsem yu inap kambek long sakramen tebol long wanwan wik, wanpela taim moa long ofaim yu dispela sans long witnes long ai bilong Em olsem yu bai olgeta taim holim Em long tingting bilong yu.